Apocalipsis 11:1 - Dios Rimashca Shimicunami

¹ Chai q'uipaca, carrizomanta rurashca midina varata ñucaman cushpami: “Jatari, Diospaj huasitapish, altartapish midi. Chaipi mashna adoracujcunatapish yupai” nircami.

Mushuj Testamento Diospaj Shimi

¹ Chai qʼuipaca, medina vara shina carrizota ñucaman cushpami, cashna nirca: «Jatari, Diospaj huasitapish, altartapish medigri. Chai huasipi Diosta adoracujcunatapish yupagri.

Apocalipsis 11:1 Iomraidhean Croise

ISAÍAS 28:17

Cashcata rurashpa mandanaca cordelta chutashca shinami canga. Cashcata ruranaca nivelashcami canga” ninmi. Llullashcapi miticunataca rundumi p'ichanga. Llullashcapi paca tucunataca yacu jundashpami apanga.

DANIEL 7:27

Chashna rurashpaca mandanatapish, mandaj canatapish, achca llajtacuna tandanacushca mandanacunatapish, cai pachapi tucui cajcunataca jahua pacha Taita Diospaj jucha illajcunamanmi cunga. Chai mandanaca huiñaita mandanami canga. Chaipica tucui mandacujcunami pai mandashcallata ruracungacuna” nircami.

NÚMEROS 33:18

Hazerotmanta rishpaca, Ritmaman chayashpami, carpa huasicunata shayachishpa tiyarircacuna.

2 Corintios 6:16

Dios causana huasica, rurashcalla dioscunahuanca mana shuj shinalla cai tucunchu. Cancunamari causacuj Dios causana huasi canguichij. Diosllatajmi, cashna nirca: “Ñucaca paicunapurapimi causasha, purisha. Ñucaca paicunapaj Diosmi casha, paicunaca ñuca agllashcacunami cangacuna” nishcami.

1 Pedro 2:5

Cancunapish causaj rumicunallatajmi canguichij. Chashna cashpami Diospajlla huasita huasichicuncuna canguichij. Jucha illaj curacunapishmi canguichij. Jesucristomantaca Dios chasquinalla causaita causaichij.

1 Pedro 2:9

Ashtahuanpish cancunaca Dios agllashcacunapura, jatun mandajpajta ruraj curacuna, jucha illaj llajta, Diospajlla cachun randishca pueblomi canguichij. Cancunataca amsamanta paipaj sumaj achijman cayashpa, mancharina allicunata huillachun agllashcacunami canguichij.

Apocalipsis 10:11

Chaipimi paica: “Cunanca achca pueblocunapish, achca llajtacunapish, achca ch'ican ch'icanta rimajcunapish, jatun mandajcunapish imalla tucuna cashcata Dios canman huillashcataca cutinmi huillana cangui” nirca.

Apocalipsis 21:15

Ñucahuan parlanacuj angelca pueblotapish pueblo muyundijta pircashcatapish pungucunatapish mashna cashcata midingapajmi curi varata charicurca.