Apocalipsis 10:9 - Dios Rimashca Shimicunami

⁹ Angelpajman rishpa uchilla librota cuhuai nijpimi paica: “Japi, micui, cambaj shimipica miel shinami mishquinga, ashtahuanpish huijsataca jayajyachingami” nircami.

Mushuj Testamento Diospaj Shimi

⁹ Chashna nijpi angelpajman rishpa: «Uchilla pillushca carata cuhuai» nishpa mañajpica, chai angelca: «Jaica, japishpa micui. Cambaj shimipica, abeja mishqui shina mishquijlla cashpapish, huijsapica jayajmi tucunga» nircami.

Apocalipsis 10:9 Iomraidhean Croise

JOB 23:12

Paipaj shimihuan mandashcamantaca, shuj cutinllapish manataj caruyarcanichu. Paipaj shimicunataca, ñuca micunatapish yallimi chai yuyai causarcani.

JEREMÍAS 15:16

Tucuita Mandaj Dioslla, ñucaca canhuanmi casha nihuarcanguimari. Chaimantamari cambaj shimicunata ñucaman cujpica, cushicushpa ñuca shungupi chasquij carcani. Cambaj shimi uyarijpica, japishcahuanmari micuj carcani.

EZEQUIEL 2:8

Huañujlla aichayuj runalla, canca ashtahuanpish ñuca ima nishcata uyai, canpish ama chai mana cazujcuna shina caichu. Ñuca ima carashcataca, shimita pascashpa micuilla” nircami.

EZEQUIEL 3:14

Diospaj Espiritumi ñucataca japishpa jatarichirca. Chaimantaca ñucaca huacashpami rircani. Ñucaca achcatami p'iñarircani. Chashna cajpipish Mandaj Diosca, paipaj maquihuanmi ñucataca sinchita charirashpa pusharca.

Colosenses 3:6

Chaicunamantami mana cazujcunata Dios p'iñarishpa jatunta llaquichinaca shamunga.

Apocalipsis 10:10

Chaimi angelpaj maquimanta uchilla librota japishpa micurcani. Ñuca shimipica, miel shina mishquijllami carca. Ashtahuanpish micushca q'uipaca, ñuca huijsataca jayajyachircami.