Apocalipsis 10:3 - Dios Rimashca Shimicunami

³ Paica león huacarij shinami sinchita caparirca. Chashna caparijpi pai caparishca shinallataj tigra uyarishpaca, canchis c'ulun nishcacunahuanmi sinchita uyarirca.

Mushuj Testamento Diospaj Shimi

³ Chaipi shayarishpami, león huacaricuj shina sinchita caparirca. Pai chashna caparijpica, canchis cʼulun nishcacunami uyarirca.

Apocalipsis 10:3 Iomraidhean Croise

SALMOS 29:3

Mandaj Diospaj rimaica yacucuna jahuapimari uyarin. Tucuita rurai tucuj sumaj Taita Diosca c'ulun nishpamari uyarin. Mandaj Diosca achca yacucuna jahuapimari.

PROVERBIOS 19:12

Jatun mandaj p'iñarishpaca, león huacarij shinami manchachin. Pai alli cajpica, shullashca q'uihua shinami.

ISAÍAS 31:4

Mandaj Diosca ñucamanca cashnami nirca: “León cashpa, uchilla león cashpapish ovejata huañuchishpa micucujpi tauca michijcuna tandanacushpa quichungapaj shamujpipish mana manchanchu. Caparinacushpa shamujpipish mana manchanchu. Tucuita Mandaj Diosca Sión urcu jahuapi, paipaj urcu jahuapi macanacunaman uriyamushpapish chashnallatajmi ruranga.

ISAÍAS 42:13

Mandaj Diosca, yallitaj jatun runa shinami llujshinga. Alli macanacuj runa tucuchina yuyailla rijcharij shinami llujshinga. Caparingami, macanacuiman llujshina caparitami caparinga. Paita p'iñajcunataca mishangami.

ISAÍAS 5:29

Paicunaca jatun león huacaricuj shinami caparingacuna. Paicunaca uchilla leoncuna shinami caparingacuna. Ima animalta alli amullishpa apaj shinami apangacuna. Pi mana quichuipajtami apangacuna. Pi mana quichungachu.

JEREMÍAS 25:30

Tucui paicunapaj llaqui shamunata cashna huillangui: Mandaj Diosca jahuamantami c'ulun nishpa uyaringa. Jucha illaj Diosca, pai causana huasimantami sinchita rimanga. Paipaj cashcamantami cai llajtataca p'iñarishpa caparinga. Tucui cai pachapi causajcunatami uvata sarujcuna cantanata cantaihuan llaquichinga.

EZEQUIEL 10:5

Shinallataj chai querubincunapaj alascuna p'ataj nishcapish, tucuita Mandaj Dios caparishpa rimashca shinami huasi canllacama uyarirca.

OSEAS 11:10

Paicunaca Mandaj Dios yuyaillami paita catingacuna. Taita Dios rimashcaca león huacacuj shinami uyaringa. Pai chashna rimashcata uyashpami, paipaj huahuacunaca inti huashicun llajtacunamanta manchaihuan shamungacuna.

JOEL 3:16

Mandaj Diosca Sionmantami caparinga, Jerusalenmantaca pai rimashcami uyaringa. Chaimantaca jahua pachapish, cai pachapish chujchungami. Ashtahuanpish Mandaj Diostami, pai agllashcacunaca shuyangacuna. Pai agllashca israelcunapajca, paca tucuna jatun pata shinami tucuimanta huaquichinga.

AMÓS 1:2

cashna huillarca: Sión urcupi caj Jerusalén pueblomantami, Mandaj Diosca león huacarij shina sinchita rimashpa uyaringa. Michina q'uihuacunapish chaquiringami. Carmelo urcupish, jahua urcucamami chaquiringa.

AMÓS 3:8

León huacaricujta uyashpaca ¿pitaj mana mancharingari? Mandaj Jatun Dios rimashcata uyashpaca ¿pitaj mana huillangari?

Apocalipsis 14:2

Cielomantaca jatun yacucuna huajiashca shinata, jatunta c'ulun nicuj shina shuj rimashcatapishmi uyarcani. Chai rimashcaca, arpapi tocajcuna tocajpi paicunapaj arpacuna uyarij shinatami uyarcani.

Apocalipsis 15:1

Cielopica mana ricushca shujtaj jatun mancharinatami ricurcani: Chaipica, tucuri canchis llaquicunatami canchis angelcuna charicurcacuna. Chaicunahuanmi, Dios jatunta p'iñarishpa llaquichinaca tucurirca.

Apocalipsis 15:7

Chai causacuj chuscucunamanta shujmi, canchis angelcunamanca huiñai huiñaita causacuj Dios p'iñarishpa jatunta llaquichinahuan junda canchis curi copacunata curca.

Apocalipsis 4:5

Chai Jatun tiyarinamantaca, relampa achij nishcami llujshirca. Shinallataj c'ulun nishcacuna, huajiashcacunapishmi uyarirca. Jatun tiyarina ñaupajpica, canchis lamparacunami japichishca carca. Chaicunaca, Diospaj canchis espiritucunami.

Apocalipsis 8:5

Chai angelca, incienso churanata japishpami altarpi rupacuj ninata jundachishpa, allpa pachaman shitarca. Chaimi c'ulun nishcacuna, huajiashcacuna, relámpa achij nishcacuna, allpa chujchushpa t'imburipish tiyarca.