Apocalipsis 10:11 - Dios Rimashca Shimicunami

¹¹ Chaipimi paica: “Cunanca achca pueblocunapish, achca llajtacunapish, achca ch'ican ch'icanta rimajcunapish, jatun mandajcunapish imalla tucuna cashcata Dios canman huillashcataca cutinmi huillana cangui” nirca.

Mushuj Testamento Diospaj Shimi

¹¹ Ñuca micushca qʼuipaca, chai angelca: «Cunanca, achca pueblocuna, llajtacuna, chʼican chʼican rimaita rimajcuna, jatun mandajcuna imalla tucuna cashcatami, cutin huillana cangui» nircami.

Apocalipsis 10:11 Iomraidhean Croise

JEREMÍAS 25:13

Chai llajtapajca, imalla llaquicunata cachanata huillachishcatami cachasha. Chai llajtatapish, tucui shujtaj llajtacunatapish ñuca ima shinalla llaquichinata Jeremías huillashca shimicunaca, pai huillashcata quillcashca cai libropimi tiyacun.

EZEQUIEL 37:4

Chaimantaca ñucataca cashnami nirca: “Cai tullucunamanca imalla tucuna cashcata cashna huillai: Chaquishca tullucuna, Mandaj Dios ima nishcata uyaichij.

EZEQUIEL 37:9

Chaimantami ñucataca cashna nirca: “Huañujlla aichayuj runalla, espirituman cashna huillai: Espiritulla, Mandaj Jatun Diosca cashnami nin: Espiritulla, cai pacha chuscundij ladomanta tandanacushpa cai huañushcacunata p'ucui, cutin causachun ninmi ni” nircami.

Apocalipsis 10:10

Chaimi angelpaj maquimanta uchilla librota japishpa micurcani. Ñuca shimipica, miel shina mishquijllami carca. Ashtahuanpish micushca q'uipaca, ñuca huijsataca jayajyachircami.

Apocalipsis 11:1

Chai q'uipaca, carrizomanta rurashca midina varata ñucaman cushpami: “Jatari, Diospaj huasitapish, altartapish midi. Chaipi mashna adoracujcunatapish yupai” nircami.

Apocalipsis 11:9

Tucui pueblopi causaj gentecuna, tucuimanta aillucuna, ch'ican ch'ican rimaita rimajcuna, tucui llajtacunapi causajcunapishmi, paicuna huañushca aichataca quimsa punlla chaupicama ricungacuna. Pambachunpish manataj saquingacunachu.

Apocalipsis 14:6

Chai q'uipaca, chaupi cielota shujtaj ángel volacujtami ricurcani. Paica allpapi causajcunamanca, tucui llajtacunaman, ch'ican ch'ican aillucunaman, ch'ican ch'ican rimaicunaman, tucui pueblocunamanpish huiñaipaj alli huillaita huillanapaj charicujtami ricurcani.

Apocalipsis 17:10

Shinallataj chai canchis umacunaca canchis jatun mandajcunami. Chai canchis mandajcunamanta pichcaca, ñami urmarca. Shujca cunanmi mandacun, caishujca manaraj shamushcachu. Pai shamushpaca, mana unicamachu mandanga.

Apocalipsis 17:12

Can ricushca chunga gachucunaca, mandanata manaraj chasquij chunga jatun mandajcunami. Chashna cashpapish paicunaca jatun animaldijmi jatun mandajcuna shina mandaj canataca shuj horaspajlla chasquinga.

Apocalipsis 17:15

Cha angelca caitapish nircarajmi: “Chai huainayashpa causaj huarmi tiyacuj achca yacucunaca pueblocunami, achca gentecunami, tucui llajtacunami, ch'ican ch'ican rimaita rimajcunami.

Apocalipsis 5:9

Chai ancianocunaca shuj mushuj cantotami cashna cantarcacuna: “Canllamari librota japingapaj, sellashcacunata anchuchingapajtaj cangui. Canca huañurcanguimi. Tucui aillucunata, ch'ican ch'ican rimaicunata, pueblocunata, tucui llajtacunatapishmi cambaj yahuarhuan cutinllataj Diospajlla cachun randircangui.