Apocalipsis 10:10 - Dios Rimashca Shimicunami

¹⁰ Chaimi angelpaj maquimanta uchilla librota japishpa micurcani. Ñuca shimipica, miel shina mishquijllami carca. Ashtahuanpish micushca q'uipaca, ñuca huijsataca jayajyachircami.

Mushuj Testamento Diospaj Shimi

¹⁰ Shina nijpi chai uchilla pillushca carata angelpaj maquimanta japishpa micurcani. Chaica ñuca shimipica, abeja mishqui shina, mishquijllami carca. Micushca qʼuipaca, huijsapica jayajmi tucurca.

Apocalipsis 10:10 Iomraidhean Croise

SALMOS 104:34

Ñuca pai munashcata yuyarishcaca mishquimari. Ñucaca Mandaj Diospimi cushicusha.

SALMOS 119:103

¡Quiquinpaj shimicunaca ñuca shimipica tucuimanta yalli mishquimari! ¡Ñuca shimipica sacha chuspipaj mishquitapish mai yallimari!

SALMOS 19:10

Curitapish yalli munanami. Allichishca curitapish yalli munanajllami. Sacha chuspipaj mishquitapish yalli mishquimi. Sacha chuspipaj mishqui yallitaj llujshicujmantapish yallimi.

PROVERBIOS 16:24

Sumaj shimicunaca, sacha chuspi huachashca mishqui shinami. Almatapish cushichinmi, aichatapish jambinmi.

EZEQUIEL 2:10

Chai cara pilluchishcataca, ñuca ñaupajpimi pascarca. Chaipica ñaupajmanpish huashamanpish quillcashcami carca. Chaipica llaquihuan cashpa cantana cantocunapish, yupashpa yupashpa huacana shimicunapish, nanaihuan aij nishca shimicunapishmi quillcashca carca.

EZEQUIEL 3:14

Diospaj Espiritumi ñucataca japishpa jatarichirca. Chaimantaca ñucaca huacashpami rircani. Ñucaca achcatami p'iñarircani. Chashna cajpipish Mandaj Diosca, paipaj maquihuanmi ñucataca sinchita charirashpa pusharca.

EZEQUIEL 3:3

Chaimantaca ñucataca cashnami nirca: “Huañujlla aichayuj runalla, canman carashca cai quillcashca carata micushpa cambaj huijsapipish, chunllullicunapipish jundachi” nijpimi micurcani. Chaica ñuca shimipica sacha chuspi huachashca mishqui shina mishquijllami carca.

Apocalipsis 10:11

Chaipimi paica: “Cunanca achca pueblocunapish, achca llajtacunapish, achca ch'ican ch'icanta rimajcunapish, jatun mandajcunapish imalla tucuna cashcata Dios canman huillashcataca cutinmi huillana cangui” nirca.

Apocalipsis 10:9

Angelpajman rishpa uchilla librota cuhuai nijpimi paica: “Japi, micui, cambaj shimipica miel shinami mishquinga, ashtahuanpish huijsataca jayajyachingami” nircami.