Apocalipsis 10:1 - Dios Rimashca Shimicunami

¹ Chai q'uipaca, p'uyuhuan pillurishca imatapish rurai tucuj shujtaj ángel cielomanta uriyacujtami ricurcani. Paipaj uma jahuapipish shuj cuichitami charirca. Ñahuipish inti shina achij nicujmi carca. Changacunapish lunyacuj nina shinami carca.

Mushuj Testamento Diospaj Shimi

¹ Chai qʼuipaca, shuj jatun sinchi angeltami, jahua pachamantaca, pʼuyuhuan pillurishca uriyacujta ricurcani. Paica, cuichita uma jahuata churashca, intiman rijchaj ñahuiyuj, nina lunyacuj chaquicunayujmi carca.

Apocalipsis 10:1 Iomraidhean Croise

SALMOS 104:3

Quiquin causana ucucunatapish yacucuna jahuapimi churarcangui. P'uyutapish quiquin purina carrota rurajmi cangui. Huairapaj alascunapi purijmi cangui.

SALMOS 97:2

P'uyupish, amsapish paita muyunchishcamari. Cashcata rurashpa mandashcahuan, mandana shinataj mandashcahuanmi paipaj tiyanataca callari rumita sinchita churashca shina sinchita charicun.

ÉXODO 16:10

Tandanacushca tucui israelcunaman Aarón chaita huillacujpica israelcunaca shitashca pamba ladoman tigrarishpa ricushpaca, Mandaj Diosca p'uyupi jatun achij nicuj ricurijtami ricurcacuna.

CANTARES 5:15

Paipaj changacunaca, curi basillacuna jahuapi mármol rumi pilarcunata shayachishca shinamari. Paica Líbano urcu shina jatunmi, chai urcupi tiyaj cedro yuracuna shina tucuicunata yalli sumajmi.

ISAÍAS 19:1

Egipto llajta ima tucuna cashcataca cashnami huillachishca: Mandaj Diosca callpacuj p'uyupi tiyarishcami Egiptomanca yaicunga. Egiptopi tiyaj rurashcalla dioscunaca paipaj ñaupajpimi chujchungacuna. Egipciocunapish tucuicunami manchaihuan huañucungacuna.

ISAÍAS 54:9

Noé causacui punllacunapica: Manataj cunan shina cai pachata yacuhuan cutin chingachishachu nircanimi. Ima shinami manataj chashna rurashachu nishca shinallataj, canhuanca manataj p'iñarishachu. Llaquichishami nishpapish manataj nishachu.

LAMENTACIONES 3:44

Ñucanchij mañashcata ama uyangapajpish, jatun amsa p'uyu chaupipimi miticurcangui.

EZEQUIEL 1:28

Ima shinami tamya punlla p'uyu chaupipi cuichi ricurin, chai shinallatajmi chai achij nicujca ricurirca. Mandaj Diospaj sumaj cashcaman rijchajmi, muscuipi shina ricurirca. Chaita ricushpaca, ñuca ñahui pambaman tupajtami cumurircani. Chaimantaca ñapish shuj rimashcatami uyarcani.

DANIEL 10:6

Paipaj cuerpoca, berilo shinami carca. Paipaj ñahuica relampa shina achij nicujmi carca. Paipaj ñahui luluncunaca nina sindi shinami carca. Paipaj rigracuna, paipaj chaquicunaca bronceta llambujllata rurashca shina achij nicujmi carca. Pai rimashcaca achcacuna jatunta bullacuj shinami uyarirca.

DANIEL 7:13

Muscuipi shina ricucui tutallatajmi, jahua pacha p'uyupi Runa Aichayujman rijchaj shamucujta ricurcani. Uni huatacunayuj Yuyajpajman shamucujtami ricurcani. Paitaca uni huatayujpaj ñaupajmanmi c'uchuyachirca.

LEVÍTICO 16:2

Mandaj Diosca Moisestaca: “Cambaj huauqui Aaronman cashna huillai: Ama huañungapajca linsohuan jarcachishpa ñucapajlla ch'icanchishca ucuman, arca jahuapi caj propiciatorio ñaupajmanca ima punllapish ama yaicunguichu. Ñucami chai propiciatorio jahuapi p'uyu chaupipi ricurisha.

Mateo 17:2

Chaipimi Jesusca paicunapaj ñaupajpi shujtajyarirca. Paipaj ñahuipish inti shina lamyacujmi tucurca. Paipaj churanacunapish, luz shina yurajllami tucurca.

Lucas 21:27

Runa Aichayujtaca, jahua pachamanta p'uyupi tucuita rurai tucuj cashcahuan, achijnicuj sumaj shamucujtami ricungacuna.

Hechos 26:13

Jatun mandajlla, chaupi punlla shinata ñanta ricujpimi, intitapish yalli achij nicuj jahua pachamanta ricurirca. Chaica ñucata, ñucahuan ricujcunatapishmi achij nirca.

Apocalipsis 1:7

Uyaichij, Cristoca p'uyupimi shamucun. Paitaca tucuicunami ricungacuna. Paita lanzahuan tujsijcunapish ricungacunami. Paita ricushpaca, cai pachapi tucui causajcunami jatunta huacangacuna. Ari, chashnatajmi canga.

Apocalipsis 18:1

Chai q'uipaca, cielomanta shujtaj ángel imatapish rurai tucunahuan uriyacujtami ricurcani. Chai angelca lamyacuj cashpami, allpa pachataca achijyachirca.

Apocalipsis 18:21

Chai q'uipaca, imatapish rurai tucuj shuj angelmi, molino rumitajlla jatun rumita marcashpa mama cuchapi cashna nishpa shitarca: “Babilonia jatun pueblo, cashnami ucuman shitashca cangui. Chaimantaca cutinca manataj ricuringuichu.

Apocalipsis 20:1

Chai q'uipaca cielomanta shuj angeltami ucujta jutcupaj llavetapish jatun cadenatapish maquipi apashca uriyacujta ricurcani.

Apocalipsis 4:3

Chaipica jaspe, cornalina rumicunaman rijchajmi paica tiyacurca. Chai tiyacunpaj jahuataca esmeralda rumiman rijchaj cuichimi carca.

Apocalipsis 5:2

Imatapish rurai tucuj shuj angeltami ricurcani. Paica: “¿Pitaj chai librota pascaipaj sellashcacunatapish anchuchi tucuipajtajca cangari?” nishpami caparishpa tapurca.

Apocalipsis 8:13

Chai q'uipaca, chaupi cielota shuj ángel volacujtami ricurcani. Paica: “¡Trompetapi tocanalla caj quimsa angelcuna tocajpicarin aij, aij, aij allpa pachapi causacujcunalla!” nishpa, sinchita caparijtami uyarcani.