Apocalipsis 1:7 - Dios Rimashca Shimicunami

⁷ Uyaichij, Cristoca p'uyupimi shamucun. Paitaca tucuicunami ricungacuna. Paita lanzahuan tujsijcunapish ricungacunami. Paita ricushpaca, cai pachapi tucui causajcunami jatunta huacangacuna. Ari, chashnatajmi canga.

Mushuj Testamento Diospaj Shimi

⁷ ¡Uyaichij, Cristoca pʼuyupimi shamucun! Paitaca tucuicunami ricunga. Paita chacatashpa huañuchijcunapish ricungacunami. Tucui cai pachapi causajcunapish Paita ricushpaca, yupashpa yupashpami huacangacuna. Ari, chashnatajmari canga.

Apocalipsis 1:7 Iomraidhean Croise

JOB 33:26

Taita Diosta pai mañajpica, paica c'uyanmanmi. Paipaj ñahuita ricushpa cushicunmanmi. Runataca cashcata rurajllatatajmi ruranga.

SALMOS 22:16

Allcucunami ñucataca muyunchishca. Mirga millai runacunami ñucataca muyunchishca. Ñuca maquicunatapish, ñuca chaquicunatapish chugrichincunami.

SALMOS 68:1

Quiquinta p'iñajcuna caita chaita richun, quiquinta mana ricunachijcuna quiquinpaj ñaupajmanta callpachuncuna, Taita Dios jatariyari.

SALMOS 97:2

P'uyupish, amsapish paita muyunchishcamari. Cashcata rurashpa mandashcahuan, mandana shinataj mandashcahuanmi paipaj tiyanataca callari rumita sinchita churashca shina sinchita charicun.

ISAÍAS 19:1

Egipto llajta ima tucuna cashcataca cashnami huillachishca: Mandaj Diosca callpacuj p'uyupi tiyarishcami Egiptomanca yaicunga. Egiptopi tiyaj rurashcalla dioscunaca paipaj ñaupajpimi chujchungacuna. Egipciocunapish tucuicunami manchaihuan huañucungacuna.

DANIEL 7:13

Muscuipi shina ricucui tutallatajmi, jahua pacha p'uyupi Runa Aichayujman rijchaj shamucujta ricurcani. Uni huatacunayuj Yuyajpajman shamucujtami ricurcani. Paitaca uni huatayujpaj ñaupajmanmi c'uchuyachirca.

NAHUM 1:3

Mandaj Diosca tucuita rurai tucujmi, mana utca p'iñarijmi. Chashna cashpapish, millaita rurajcunata llaquichinataca manataj saquinchu. Mandaj Diosca c'ulun nishpami, jatun acapanapi purin. Pai purina p'uyuca, ñutu allpa shinami.

ZACARÍAS 12:10

Chaimantaca Davidpaj huahua huahuacunamanpish, Jerusalenpi causajcunamanpish tucui shunguhuan mañana yuyaitami cusha. Ñucataca, paicuna pasajta tujsichijcunallatajmi ricungacuna. Chaimantaca manchanayajta llaquirishpa, shujlla churi huañushcamanta huacacuj shinami huacangacuna. Paicunaca punta churimanta manchanayajta llaquirij shinami llaquiringacuna.

ZACARÍAS 12:11

Chai punllapica, Meguido pambapi Hadad-rimón diosmanta llaquirishpa huacashca shinami, Jerusalenpipish jatun huacaica tiyanga.

NÚMEROS 24:17

Imalla tucunataca ricunimari. Chaica mana cunan punllachu chashna tucunga. Shamuj punllapi imalla tucunataca ashallatamari ricuni. Chaica caimi: Jacobmantaca LUZEROMI llujshinga. Israelmantaca mandana varami llujshinga. Moabtaca rinrin jahuanijllapimi chugrichinga. Setpaj huahua huahuacunataca tucuimi chingachinga.

Mateo 16:27

Runa Aichayujca, paipaj angelcunandij, paipaj Yayapaj achij nicuj sumaj cashcahuan shamushpaca, cada quiquinmanmi paicuna rurashca shinallataj cunga.

Mateo 16:28

Runa Aichayuj tucushca mandangapaj shamucujta ricungacama, maijan caipi cajcunaca manaraj huañungacunachu. Chashnatajmi canga– nircami.

Mateo 24:30

Chaipimi jahua pachapi, Runa Aichayuj shamucujta ricuchij señal ricurijpi tucui cai pacha aillucunaca, Runa Aichayujca jahua pachamanta p'uyupi tucuita rurai tucuj cashcahuan, achijnicuj sumaj shamucujta ricushpa huacangacuna.

Mateo 25:31

Runa Aichayuj tucuita rurai tucushcahuan mandangapaj shamushpaca, jucha illaj tucui paipaj angelcunandijmi shamunga. Chashna shamushpaca, sumaj achijnicuj tiyarinapimi tiyaringa.

Mateo 26:64

Chaimi Jesusca: –Ari, canllataj ña chashna ninguica. Caitapishmi huillasha nini: Cunanmanta pacha Runa Aichayujtaca, poderyuj Diospaj alli ladopi tiyacujtami ricunguichij. Cutin jahua pachamanta p'uyupi shamucujtapishmi ricunguichij– nircami.

Marcos 13:26

Runa Aichayujtaca jahua pachamanta p'uyupi tucuita rurai tucuj cashcahuan, achijnicuj sumaj shamucujtami ricungacuna.

Marcos 14:62

Jesusca: –Ari, ñucaca chaimi cani. Runa Aichayujtaca, tucuita rurai tucuj Taita Diospaj alli ladoman tiyacujtapish, jahua pachamanta p'uyupi shamucujtapishmi ricunguichij– nircami.

Lucas 21:27

Runa Aichayujtaca, jahua pachamanta p'uyupi tucuita rurai tucuj cashcahuan, achijnicuj sumaj shamucujtami ricungacuna.

Juan 19:34

Shuj soldadollami paitaca costilla quinripi lanzahuan satijpi yahuarndij, yacundij llujshirca.

Juan 19:37

Shinallataj Taita Dios Quillcachishca shujtajpipish: “Paita lanzahuan satijtapish ricungacunami” nicunmi.

1 Tesalonicenses 1:10

Huañushcacunapaj chaupimanta causarishca, paipaj Churi jahua pachamanta shamujta shuyana tucushcatapishmi parlancuna. Shamuj punlla Taita Dios p'iñarishpa llaquichinamantaca, chai Jesusmi ñucanchijta quishpichirca.

1 Tesalonicenses 4:17

Chai q'uipami ñucanchij caipiraj saquirishca causacujcunaca, Mandaj Jesusta huairapi tupangapaj paicunahuan tandalla p'uyupi apashca cashun. Chaipimi Mandaj Jesushuan huiñaita cashun.

Hebreos 10:29

Maijanpish cunan Diospaj Churita sarujcunaca Dios cusha nishpa ari nishca yahuarhuanmi jucha illajta rurashcacuna carca. Chai yahuartapish paicunaca yanganchinmi. Mana c'uyaipajta c'uyaj Espiritutapish c'amincunami. Chashnacunaca ¿mashna jatun llaquita apana cashcatataj yuyangui?

Hebreos 6:6

Chashna cai tucuita yachashca jahua, ña mana catishachu nishpa saquirishpaca, cutin alli tucungapajca Diospajmanca, ña mana cutinca tigrari tucunchu. Chashna tucushpaca, paicunallatajmari Diospaj Churitaca, tucuicunapaj ñaupajpi pugllashpa cutin chacatacuj shina rurancuna.

1 Juan 3:2

C'uyashcacuna, ñami Diospaj huahuacuna canchij. Ñucanchij ima shina canataca manaraj ricuchishcachu. Ashtahuanpish pai ricurijpi, pai ima shina caj shinallataj tucuna cashcataca yachanchijmi.

Judas 1:14

Ñaupa yaya Adanmanta yaya Enoccamaca canchis yayacunami cashca. Enocmi Dios huillachijpi chai shina gentecunamantaca cashna nishca: “Jatun Diosca jucha illaj huaranga huaranga paipaj angelcunandij shamushpami,

Apocalipsis 22:20

Cai tucuita huillajpish: “Ari, ñami shamugrini” ninmi. ¡Chashnataj cachun! ¡Shamuilla, Mandaj Jesús!

Apocalipsis 22:4

Paitaca, ñahui ñahuimi ricungacuna. Paipaj shutitapish, paicunapaj frentepi churashcami canga.

JUECES 5:31

Mandaj Dioslla, canta p'iñajcunaca tucuicuna chingarishca cachun. Canta c'uyajcunaca achijlla inti llujshicuj shina ashtahuan achijyachicuj cachun” nishpami cantarcacuna. Israelcunapajca, chuscu chunga huatacunatami sumaj causai tiyarca.