Apocalipsis 1:5 - Dios Rimashca Shimicunami

⁵ Chaitaca ima shina cashcatataj huillaj Jesucristopish cuchun. Paica huañushcacunapaj chaupimanta punta causarijmi, cai pachapi jatun mandajcunatapish jatun mandajmi. Paica ñucanchijta c'uyashpami, paipaj yahuarhuan ñucanchij juchacunata maillarca.

Mushuj Testamento Diospaj Shimi

⁵ Shinallataj huillana cashcata alli pajtachij Jesucristopish chaitaca cuchun. Paica, huañushcacunapaj chaupimanta punta causarijmi. Cai pachapi jatun mandajcunatapish Jatun Mandajmi. Paica, ñucanchijta cʼuyashpami, ñucanchij juchacunatapish Paipaj yahuarhuan maillarca.

Apocalipsis 1:5 Iomraidhean Croise

SALMOS 51:2

¡Millaita ñuca rurashcataca ashtahuan ashtahuan maillahuayari. Ñuca juchataca p'ichahuayari!

SALMOS 72:11

Tucui jatun mandajcunami paipaj ñaupajpi cumuringacuna. Tucui llajtacunami paipajta rurangacuna.

SALMOS 89:27

Ñucapish paimanca punta churi canatami cusha. Tucui cai pachapi jatun mandajcunapaj jahuapi canatami cusha.

PROVERBIOS 14:5

Cashcata huillaj runaca ima cajpipish, mana llullashpa huillanchu. Ashtahuanpish llulla runaca, imata huillashpapish llullantajmi.

ISAÍAS 55:4

Riqui, ñucami paitaca gentecunaman ñucamanta huillaj cachun churarcani. Llajtacunata mandaj cachun, yachachij cachunpishmi churarcani.

DANIEL 2:2

Jatun mandajca, pai muscushca imata nisha nishcata huillachunmi jatun yachajcunata, luzerocunamanta yachajcunata, brujocunata, caldeocunatapish cayachirca. Tucui paicuna shamushpa paipaj ñaupajpi ña cajpimi,

DANIEL 7:14

Paimanca mandai tucunata, jatun nishca canata, mandanatami curca. Tucui gentecuna, llajtacuna, ch'ican ch'ican rimaita rimajcuna paipajta rurachunmi chashna rurarca. Pai mandaj canaca huiñaita mandaj canami. Manataj tucuringachu. Pai mandanallatami pi mana chingachishca canga.

LEVÍTICO 13:58

Ashtahuanpish ima churana cashpa, urdishca puchca cashpa, ahuashca cashpa, caramanta rurashca ima charinacuna cashpapish tajshashca q'uipa mapayashca chingarijpica, cutinllataj tajshachuncuna. Chai q'uipaca ima mapa illajmi saquiringa” nircami.

ZACARÍAS 13:1

Chai punllapica, chuyajlla yacumi llujshinga. Chai chuyajlla yacupimi, Davidpaj huahua huahuacunapish, Jerusalén pueblopi causajcunapish paicunapaj juchacunatapish, mapayashcacunatapish maillaringacuna nircami.

Mateo 20:28

Runa Aichayujca, servishca cangapajca mana shamurcachu. Ashtahuanpish servingapaj, paipaj causaita cushpa tucuicunata randishpa cacharichingapajmi shamurca. Puntapi casha nijca Runa aichayuj shinallataj cachun– nircami.

Mateo 28:18

Chaipi Jesús paicunapajman c'uchuyashpaca: “Jahua pachapi, cai pachapipish tucuita mandanataca ñucamanmi curca.

Juan 13:1

Pascua fiesta callarinapajca ashallami illarca. Jesusca, cai pachamanta Yayapajman rina ña chayamugrishcata yachashpami, cai pachapi caj paipajcunataca, sarunmanpish c'uyaj cashpa, cunanpish ima shina achcata c'uyashcata ricuchisha nirca.

Juan 13:34

Ñucaca cancunataca manaraj mandashcatami mandani. Cancunaca caishuj chaishuj c'uyanacuichij. Ima shinami ñuca cancunata c'uyarcani, chashnallataj cancunapish caishuj chaishuj c'uyanacuichij.

Juan 15:9

Ñuca Yaya ñucata c'uyashca shinami, ñucapish cancunataca c'uyarcani. Chaimanta ñuca c'uyaipi shuj shinalla catichij.

Juan 18:37

Chaimi Pilatoca: –Shinashpaca canca ¿jatun Mandajchu cangui?– nijpi, Jesusca: –Canllatajmari ñucataca jatun Mandaj ningui. Ñucaca chaipajllatajmi cai pachaman shamushpa huacharircani. Mana llullata huillangapajmi shamurcani. Ñuca huillashcataca mana llullapaj cajcunallami uyancuna– nirca.

Juan 3:11

Ñucanchijca imata yachashcataca chaitatajmi huillanchij. Imata ricushcatapish chaitatajmi parlanchij. Chashna cajpipish ñucanchij huillashcataca, mana chasquinguichijchu. Chashnatajmi canguichij.

Juan 3:16

Taita Diosca, cai pachapi causajcunataca yallitaj c'uyashpami, paipaj shujlla Churita cacharca. Pipish paita crijca ama chingarishpa, ashtahuanpish huiñai causaita charichunmi cacharca.

Juan 3:32

Paica imata ricushcata, uyashcatami huillan. Ashtahuanpish pai ricushcata huillajpipish, pi mana chasquinchu.

Hechos 20:28

Mandaj Jesusca paipaj yahuarta jichashpami cancunataca randirca. Chaimanta cancunallatajpish alli cuidaringuichij. Cancunaman mingashca ovejacunatapish alli cuidanguichij. Cancunataca Taita Diospaj tandacushca crijcunata michij obispo cachunmi, jucha illaj Espirituca churarca.

Hechos 26:23

Cristoca llaquita apashpa, huañushcacunapaj chaupimanta causarishpami judiocunaman, mana judiocunamanpish ima shina quishpirinataca achijyachishpa ricuchinga nishcatami huillacuni” nircami.

Romanos 3:25

Jesustami paipaj yahuarpi crijpi juchacunata anchuchij cachun churarca. Diosca mana p'iñarij cashpami, ñaupa juchacunata perdonashpa, mana juchallishcata shina ruraj cashcata ricuchingapaj chashna rurarca.

Romanos 8:37

Chashna cajpica cai tucui llaquicunataca, ñucanchijta c'uyaj Cristohuanca mishajcunatapish yalli jahualla mishajcunami canchij.

1 Corintios 6:11

Cancunapish maijancunaca chashnallatajmi carcanguichij. Ashtahuanpish Mandaj Jesucristopaj shutipimi, ñucanchij Taita Diospaj Espiritumanta ña maillashcacuna, jucha illajta rurashcacuna, justificashcacuna canguichij.

Gálatas 2:20

Ñucaca, Cristohuan shuj shinalla chacatashcami cani. Ña mana ñucachu causani, ashtahuanpish Cristomi ñucapica causan. Cunan aichahuan causacushpapish Diospaj Churita crishpami causani. Paimi ñucata c'uyashpa, paillataj curishpa ñucamanta huañurca.

Efesios 2:4

Ashtahuanpish Diosca llaquij canapi charij cashpami, paipaj jatun c'uyaihuan ñucanchijtaca c'uyarca.

Efesios 5:2

Cristo ñucanchijta c'uyashca shina, c'uyanacushpa purichij. Ñucanchijmantami paillataj curirca. Chaica Diospajca, paiman cushpa rupachishca mishquiman ashnacuj shinami carca.

DEUTERONOMIO 18:2

Paicunapaj huauquicunapurapica, ima japinata mana charingacunachu. Mandaj Dios nishca shinallataj paicunapaj japinaca Mandaj Diosmi.

DEUTERONOMIO 23:5

Chashna cajpipish Mandaj Dios cancunapaj Taita Diosca Balaam imata nishcata mana uyashpami llaqui tucushca canman nishca canataca Mandaj Dios cancunapaj Taita Diosca alli cashca cachun nishca canaman tigrachirca. Mandaj Dios cancunapaj Taita Diosca cancunata c'uyashcamantami chashna rurarca.

DEUTERONOMIO 7:8

Ashtahuanpish Mandaj Diosca cancunata c'uyashcamanta, cancunapaj ñaupa yayacunahuan ari nishcata pajtachisha nishpallami Egiptota jatun mandaj Faraonpajta huatashca shina ruracujmantaca paipaj tucuita rurai tucuj maquihuan llujshichimurca.

Colosenses 1:18

Tandanacushca crijcunaca Cristopaj cuerpomi, paica umami. Paica callarinapaj ña tiyajmi. Huañushcacunapaj chaupimanta punta causarijmi. Tucuipi punta cangapajmi chashna tucurca.

1 Timoteo 6:13

Tucuiman causaita cuj Taita Diospaj ñaupajpi, Poncio Pilatoman imapaj shamushcata huillaj Jesucristopaj ñaupajpipishmi, cantaca mandani.

1 Timoteo 6:15

Alli nishca caj, pailla tucuicunapaj Jahuapi caj, jatun mandajcunapajpish jatun mandaj, mandajcunapajpish mandajmi pai cachana punlla pajtajpica, Jesucristota cachanga.

Hebreos 10:29

Maijanpish cunan Diospaj Churita sarujcunaca Dios cusha nishpa ari nishca yahuarhuanmi jucha illajta rurashcacuna carca. Chai yahuartapish paicunaca yanganchinmi. Mana c'uyaipajta c'uyaj Espiritutapish c'amincunami. Chashnacunaca ¿mashna jatun llaquita apana cashcatataj yuyangui?

Hebreos 9:14

Chashna cajpica, Cristopaj yahuarcarin ashtahuan rurai tucujmi. Paica huiñaipaj Espirituhuan cashpami, ima mapa illajlla paillataj Diosman curirca. Cancuna causaj Diospajta ruraj cachunmi, huañunaman apaj millaita rurana yuyaicunataca paipaj yahuarhuan cancunamantaca p'ichan.

1 Pedro 1:19

Ashtahuanpish ima mapa illajlla, chuya malta oveja shina, Cristopaj sumaj yahuarhuanmi llujshichishcacuna canguichij.

1 Juan 1:7

Diosca luzpi cashca shinallataj ñucanchijpish luzpi causashpaca, caishuj chaishujhuan shuj shinallami canchij. Paipaj Churi Jesucristopaj yahuarmi, ñucanchij tucui juchacunataca p'ichan.

1 Juan 4:10

Mana ñucanchijchu Diostaca c'uyashcanchij, ashtahuanpish paimari ñucanchijta c'uyashpa ñucanchij juchacunamanta huañushpa juchacunata anchuchichun paipaj Churitaca cacharca. Chashnami pai c'uyashcataca ricuchishca.

Apocalipsis 11:15

Sujtapaj q'uipa ángel trompetapi tocajpica, cielopica sinchita cashna caparishcami uyarirca: “Allpa pachapi mandanacunaca ñucanchij Jatun Diospaj, paipaj Churi Cristopajpishmi tucushca. Paimi huiñai huiñaita mandanga” nircami.

Apocalipsis 11:3

Chaipimi ñucamanta imallata ricushcata huillachun ishqui huillajcunata cachasha. Paicunaca llaquilla cashcata ricuchingapajmi, cañamazuta churarishca 1.260 punllacunacama ñucamanta huillangacuna.

Apocalipsis 17:14

Paicunaca Ovejahuanmi macanacunga. Ovejaca Mandajcunapajpish Mandaj, Jatun Mandajcunapajpish Jatun Mandaj cashcamantaca paimi mishanga. Paihuan cajcunapish Dios agllashpa cayashcacunami, paillapi shunguta churajcunami” nircami.

Apocalipsis 19:11

Chai q'uipaca cielo pascashcatami ricurcani. Chaipica shuj yurajlla caballotami ricurcani. Chai caballopi tiyarishcaca imatapish cashcata ruraj, chaitataj pajtachij shutimi carca. Paica imatapish cashcatataj ricuchishpa macanacujmi.

Apocalipsis 19:16

Paipaj churanapipish changapipish: “Jatun Mandajcunatapish, Jatun Mandajmi, Mandajcunapajpish Mandajmi” nishca shutita quillcashcami carca.

Apocalipsis 2:13

Ñucaca cambaj rurashcacunata, maipi causacujtapish yachanimi: Satanás maipi mandacunpi causacushpapish, ñuca shutitaca allimari huillacungui. Satanás maipi causacunpi ñucamanta huillaj, alli caticuj Antipasta huañuchi punllacunapipish ñucata crishcataca ña mana catishun mana nircanguichijchu.

Apocalipsis 3:14

Laodicea pueblopi caj tandanacushca crijcunapaj angelmanpish quillcai: “Chashna Cachun shutiyuj, cashcata huillaj, mana llullaj, Dios tucuita ruranapaj ña tiyajca, caitami nin:

Apocalipsis 7:14

Chaimi ñucaca: “Jatun Dios, canmari yachangui” nijpi, paica: “Paicunaca jatunta llaquichicunmanta llujshimujcunami. Paicunaca churanacunata Ovejapaj yahuarpi tajshashpa yurajllata rurajcunami” nircami.