Apocalipsis 1:4 - Dios Rimashca Shimicunami

⁴ Ñucaca Juanmi cani. Asia llajtapi caj canchis pueblopi tandanacushca crijcunamanmi quillcani: Diosca cunanpish, sarunpish shamunapaj cajpish paillatajmi. Paipaj jatun tiyarina ñaupajpi caj canchis espiritupaj mana c'uyaipajta c'uyashcapish sumaj causaita cushcapish cancunahuan cachun.

Mushuj Testamento Diospaj Shimi

⁴ Juanmi, Asia llajtapi canchis pueblopi crij tandanacushcacunaman quillcani. Cancunamanca cunanpish, ñaupapish tiyaj, shamunapish tiyacuj Diospish, Pai Diospaj jatun tiyarina ñaupajpi caj canchis Espiritucunapish jatun cʼuyaita, sumaj causaita cushca cachun.

Apocalipsis 1:4 Iomraidhean Croise

SALMOS 90:2

Urcucunapish manaraj huacharijpimi ña tiyashcangui. Allpatapish, cai pachatapish manaraj rurashpami huiñaimanta huiñaicama ña tiyaj Dios cangui.

ÉXODO 3:14

Taita Diospish Moisestaca: –ÑUCACA ÑUCAMI CANI– nircami. Israelcunamanca: ÑUCAMI CANI nijmi cancunapajman cachan ningui– nircami.

ISAÍAS 11:2

Mandaj Diospaj Espiritumi paipi causanga. Chai espirituca: Yachaisapa canata cuj espíritu, yuyaisapa canata cuj espíritu, alli yachaita cuj espíritu, imatapish rurai tucunata cuj espiritu, imatapish yachaj canata cuj espiritu, Mandaj Diosllata manchana yuyaita cuj espiritumi canga.

ISAÍAS 41:4

¿Caitaca pitaj rurarcari? ¿Pitaj chashna rurashca cangari? Callarimanta huahua huahua mirarichunca ¿pitaj churarcari? Mandaj Dios ñucaca callarimantapachami cani. Tucuringacamami ñucallataj casha” ninmi.

ISAÍAS 57:15

Jahuajman caj, tucuita yalli jatun, huiñaita causacuj, jucha illaj shutica cashnami nin: “Ñucaca jahuajman ima jucha illajpimi causani. Ashtahuanpish ñucaca llaquihuan cajcunahuan, mana jatun tucushcacunahuanmi causani. Mana jatun tucushcacunata, shungu p'aquirishcacunata jatarichingapajmi paicunahuan causani.

MIQUEAS 5:2

Ashtahuanpish Efrata llajtapi caj Belén pueblolla, Judá llajtapi tiyaj familiacunapurapica, canllami tucuimanta yallitaj uchilla pueblo cangui. Chashna cajpipish, canmantami Israel llajtata Mandajca llujshinga. Paica ñaupa yayacunamantami llujshinga ninmi.

ZACARÍAS 3:9

Josuepaj ñaupajpi ñuca churashca rumita ricuichigari. Chai rumillapimari, canchis ñahuicuna tiyacun. Riqui, ñucami pai ima shina cashcataca rurashpa churasha. Shinallataj cai llajtapi causajcunapaj juchatapish, shuj punllallapimi anchuchisha. Mandaj Dios ñucatajmi chashna nini.

ZACARÍAS 4:10

“Diospaj huasita ruranata Zorobabel callaricujpi p'iñajcunapish tucuchishcata ricushpaca cushicungacunami. Zorobabel plomadata maquipi charicujtapish ricungacunami. Chai canchis lamparacunaca, Mandaj Diospaj ñahuicuna cai pachata tucuita ricucujtami ricuchin” nircami.

ZACARÍAS 6:5

Shina nijpimi, chai angelca: “Cai pachata mandaj Jatun Diospaj ñaupajpi ricurishca q'uipa llujshishpa, jahua pacha chuscu esquinamanta shamuj huairami” nircami.

Juan 1:1

Taita Dios imatapish manaraj rurajpimi Rimashca Shutica ña tiyarca. Rimashca Shutica Taita Dioshuanmi carca. Rimashca Shutica Taita Diosllatajmi carca.

Hechos 19:10

Chashnami Pabloca ishqui huatata chaipi causarca. Chaipi yachachicujpica, Asiapi tucui causajcunaca, judiocunapish, griegocunapish tucuicunami Mandaj Jesusmanta huillashcata uyarcacuna.

Hechos 2:9

Ñucanchijca ch'ican ch'ican cai llajtacunamantami canchij. Partomanta, Medomanta, Elammanta, Mesopotamiamanta, Judeamanta, Capadociamanta Pontomanta, Asiamanta,

Romanos 1:7

Romapi tucui cajcuna, Dios c'uyashpa jucha illaj cachun cayashcacuna: Ñucanchij Dios Yayapaj, Mandaj Jesucristopaj mana c'uyaipajta c'uyaj canapish, sumaj causaipish cancunahuan cashca cachun ninimi.

1 Corintios 1:3

Ñucanchij Dios Yayapaj, Mandaj Jesucristopaj mana c'uyaipajta c'uyaj canapish, sumaj causaipish cancunahuan cashca cachun ninchijmi.

2 Corintios 1:2

Ñucanchij Dios Yayapaj, Mandaj Jesucristopaj mana c'uyaipajta c'uyaj canapish, sumaj causaipish cancunahuan cashca cachun ninchijmi.

Hebreos 13:8

Jesucristoca cainapish, cunanpish, huiñai huiñaipajpish paillatajmi.

Santiago 1:17

Tucui alli charinacuna, imatapish allita ruranacunaca jahuamantami shamun. Paica achijyachijcunata ruraj Yayami. Paica mana shujtajyanchu, paitaca llandullapish mana amsayachinchu.

Apocalipsis 1:1

Diosca ñalla imalla tucunata paipajta rurajcunaman ricuchingapajmi, chai ricuchinataca Jesucristoman curca. Chaitaca Jesucristoca paipaj angelta cachashpami paipajta ruraj Juanman huillachirca.

Apocalipsis 1:11

cashna uyarirca: “Ñucaca callari A, tucuri Z shinami, callarichijpish, tucurichijpish cani. Can imallata ricushcataca shuj libropi quillcashpa, Asiapi caj: Éfeso, Esmirna, Pérgamo, Tiatira, Sardis, Filadelfia, Laodicea canchis pueblocunapi tandanacushca crijcunaman cachai” nircami.

Apocalipsis 1:17

Paita ricushpaca, paipaj ñaupajpimi huañushca shina urmarcani. Chaipimi paipaj alli maquita ñuca jahuapi churashpaca, cashna nirca: Ama manchaichu. Ñucami callarichijpish, tucurichijpish cani,

Apocalipsis 1:20

Ñuca alli lado maquipi canchis lucerocunata charicujta, canchis curi candelerocunata can ricushpa mana entendi tucushcapish cashnami: Canchis luzerocunaca, canchis llajtacunapi caj tandanacushca crijcunapaj angelcunami. Canchis candelerocunata ricushcaca, canchis pueblocunapi tandanacushca crijcunami.

Apocalipsis 1:8

“Ñucami callari A, tucuri Z shina, callarichijpish, tucurichijpish cani” ninmi Jatun Diosca. Paica cunanpish, sarunpish, shamuna cajpish Tucuita Rurai Tucujpish paillatajmi.

Apocalipsis 1:9

Ñucaca, cancuna shinallataj llaquita apacuj, cancunapaj huauqui Juanmi cani. Dios mandacunpipish cancunahuanmi cani. Jesucristo shinallatajmi alli shunguhuan llaquita apacuni. Diospaj shimita huillashcamanta, Jesucristota ima shina cashcatataj huillashcamantapishmi ñucaca cai jatun yacu chaupipi tiyaj Patmos llajtapi churashca cani.

Apocalipsis 16:5

Chai q'uipaca yacucunata mandaj ángel, cashna nicujtami uyarcani: “Jatun Dios, canca imatapish cashcata ruraj cashpami cashcata rurashpa cashna llaquichishcangui. Canca jucha illaj Diosmi cangui, cunanpish, sarunpish canllatajmi cangui.

Apocalipsis 2:12

Pérgamo pueblopi caj tandanacushca crijcunapaj angelmanpish quillcai: “Ishqui filoyuj puntasapa espadata charicujca, cashnami nin:

Apocalipsis 2:18

Tiatira pueblopi caj tandanacushca crijcunapaj angelmanpish quillcai: “Ñahuicunapish lunyacuj nina shina, chaquicunapish llambuyachishca bronceman rijchaj shina caj, Diospaj Churica cashnami nin:

Apocalipsis 2:8

Esmirna pueblopi caj tandanacushca crijcunapaj angelmanpish quillcai: “Callaripipish caj, q'uipatapish cana caj, huañushpapish causarishpa causacujca cashnami nin:

Apocalipsis 22:16

“Ñucaca Jesusmi cani. Tandanacushca tucui crijcunaman caicunata huillachunmi, ñuca angelta cacharcani. Ñucaca Davidpaj sapimi cani. Paipaj huahuacunapajpish huahuami cani. Ñucaca pacarinapaj llujshij achijlla luzeromi cani”.

Apocalipsis 22:8

Ñucaca Juanmi cani. Ñucami caicunataca uyarcani, ricurcani. Chashna uyashca, ricushca q'uipaca ñucaman ricuchij angelta adorasha nishpami paipaj ñaupajpi cumurircani.

Apocalipsis 3:1

Sardis pueblopi caj tandanacushca crijcunapaj angelmanpish quillcai: “Diospaj canchis Espiritutapish, canchis luzerocunatapish charijca cashnami nin: Ñucaca can imalla rurashcataca yachanimi. Causacujmi nishca cashpapish huañushcami cangui.

Apocalipsis 3:14

Laodicea pueblopi caj tandanacushca crijcunapaj angelmanpish quillcai: “Chashna Cachun shutiyuj, cashcata huillaj, mana llullaj, Dios tucuita ruranapaj ña tiyajca, caitami nin:

Apocalipsis 3:7

Filadelfia pueblopi caj tandanacushca crijcunapaj angelmanpish quillcai: “Jucha Illaj, Mana Llullajca, Davidpaj llavetami charicun. Pai pascajpica pi mana huichcai tucunchu. Pai huichcajpica pi mana pascai tucunchu. Paica caitami nin:

Apocalipsis 4:5

Chai Jatun tiyarinamantaca, relampa achij nishcami llujshirca. Shinallataj c'ulun nishcacuna, huajiashcacunapishmi uyarirca. Jatun tiyarina ñaupajpica, canchis lamparacunami japichishca carca. Chaicunaca, Diospaj canchis espiritucunami.

Apocalipsis 4:8

Chai causaiyuj chuscucunaca, tucuicunami sujta alascunata charircacuna. Chai alas jahuapipish, ucupipish ñahui luluncunahuan jundami carca. Paicunaca punllapish, tutapish mana samashpami: “¡Jucha illaj, jucha illaj, jucha illajca Jatun Diosmi. Tucuita Rurai Tucuj Taita Diosmi. Paica sarunpish, cunanpish paillatajmi. Paillatajmi shamunga!” nicurcallacuna.

Apocalipsis 5:6

Jatun tiyarinapaj chaupipi, causaiyuj chuscucunapaj chaupipi, ancianocunapaj chaupipica shuj Oveja shayacujtami ñucaca ricurcani. Chai Ovejaca huañuchishca caj Ovejallatajmi carca. Chaica canchis gachuta, canchis ñahui luluncunatami charirca. Chai canchis ñahui luluncunaca tucui cai pachaman cachashca Diospaj canchis Espiritucunami.

Apocalipsis 8:2

Chai q'uipaca, Diospaj ñaupajpi canchis angelcuna shayacujtami ricurcani. Paicunamanca canchis trompetacunatami curca.