Apocalipsis 1:2 - Dios Rimashca Shimicunami

² Dios imalla nishcatapish Jesucristo huillashcatapish, tucui imalla ricushcatapish Juanca alli huillajmi.

Mushuj Testamento Diospaj Shimi

² Paimi Diospaj Shimitapish, Jesucristo huillashcatapish, tucui imallata ricushcatapish alli huillan.

Apocalipsis 1:2 Iomraidhean Croise

Juan 1:32

Juanca pai ricushcataca cashnami huillarca: –Jahua pachamanta Taita Diospaj Espíritu paloma shina uriyamushpa paipaj jahuapi saquirijtami ricurcani.

Juan 12:17

Jutcupi churashcamanta Lazarota cayashpa, huañushcacunapaj chaupimanta Jesús causachijta ricujcunami, shujtajcunamanca huillarcacuna.

Juan 19:35

Chashna tucushcata ricujmi huillani. Chashna ricushcataca ima shina cashcatataj yachashcamantami huillani. Cancunapish crichunmi, chashnaca huillani.

Juan 21:24

Chai mana huañungachu nicushca yachacujmi caicunataca huillashpa quillcan. Pai huillashcacunaca tucui chashnataj cashcatami yachanchij.

Juan 3:11

Ñucanchijca imata yachashcataca chaitatajmi huillanchij. Imata ricushcatapish chaitatajmi parlanchij. Chashna cajpipish ñucanchij huillashcataca, mana chasquinguichijchu. Chashnatajmi canguichij.

Hechos 22:15

Chaimanta canca imallata ricushcata, imallata uyashcataca tucui gentecunaman huillajmi cangui.

Hechos 26:16

“Cunanca jatarishpa shayari. Cantaca ñuca mandashcata ruraj cachun, cunan imallata ricushcacunata, q'uipata ñuca ricuchishcacunata huillaj cachun churangapajmi canmanca ricurini.

Hechos 4:20

Ñucanchij imallata ricushcata, uyashcata huillanataca mana saqui tucunchijchu– nircacunami.

1 Corintios 1:6

Cristomanta ima shina cashcatataj huillashcamantami, cancunapurapica chashnaca tucushcanguichij.

1 Corintios 2:1

Huauquicuna, cancunaman Dios huillachishcata huillagrishpaca, manamari yalli sumaj shimicunahuan, yachaisapa tucushpa rircanichu.

1 Juan 1:1

Callarichinapaj ña tiyajtaca ñucanchijtajmi uyarcanchij, ñucanchij ñahuihuantajmi ricurcanchij. Causaiyuj Rimaitaca, ñucanchij maquicunahuantajmi tuparircanchij.

1 Juan 4:14

Cai pachapi causajcunata Quishpichij cachun, Yayaca paipaj Churita cachashcatami ricurcanchij. Chaitami ñucanchijca huillacunchij.

3 Juan 1:12

Demetriotaca, tucuicunami alli cashcata huillancuna. Pai ima shina causashcapish shujtajcuna allimi nishca shinallatatajmi ricuchin. Ñucanchijpish pai ima shina cashcata mana llullashpa huillashcataca cancunallataj yachanguichijmi.

Apocalipsis 1:11

cashna uyarirca: “Ñucaca callari A, tucuri Z shinami, callarichijpish, tucurichijpish cani. Can imallata ricushcataca shuj libropi quillcashpa, Asiapi caj: Éfeso, Esmirna, Pérgamo, Tiatira, Sardis, Filadelfia, Laodicea canchis pueblocunapi tandanacushca crijcunaman cachai” nircami.

Apocalipsis 1:19

Can imallata ña ricushcata, cunan imalla cajtapish, q'uipata imalla tucuna cashcata ricushcatapish quillcai.

Apocalipsis 1:9

Ñucaca, cancuna shinallataj llaquita apacuj, cancunapaj huauqui Juanmi cani. Dios mandacunpipish cancunahuanmi cani. Jesucristo shinallatajmi alli shunguhuan llaquita apacuni. Diospaj shimita huillashcamanta, Jesucristota ima shina cashcatataj huillashcamantapishmi ñucaca cai jatun yacu chaupipi tiyaj Patmos llajtapi churashca cani.

Apocalipsis 12:11

Chai huauquicunaca, Ovejapaj yahuarhuan, paipaj shimita huillashcahuanmi diablotaca misharcacuna. Quiquin causaita mana llaquishpami huañuchingacama huillarcacuna.

Apocalipsis 12:17

Chashna rurajpimi, dragonca chai huarmihuan ashtahuan p'iñarishpa chai huarmipaj saquirishca huahua huahuacunahuan jatunta macanacugrirca. Paicunaca, Dios mandashcata alli cazujcunami. Jesucristomanta huillashcatapish alli catijcunami.

Apocalipsis 20:4

Chaipica jatun tiyarinacunatami ricurcani. Chaicunapica, imalla rurashcacunata ricuchichun Dios churashcacunami tiyacurcacuna. Shinallataj ima shina cashcatataj Jesusmanta huillashcamanta, Diospaj shimita huillashcamanta, jatun animaltapish, chai animalman rijchajta rurashcatapish mana adorashcamanta, shinallataj jatun animalpaj sellota maquipi cashpa frentepi cashpa, mana churachishcamantapish cungata p'itishpa huañuchishcacunapaj almacunatapishmi ricurcani. Paicunaca causarishpami, huaranga huatacunata Cristohuan mandarcacuna.

Apocalipsis 22:21

Ñucanchijta Mandaj Jesucristopaj mana c'uyaipajta c'uyaj canaca tucui cancunahuan cashca cachun. Chashna cachun.

Apocalipsis 6:9

Chuscupaj q'uipa sellashcata Oveja pascajpica, Diospaj shimita huillashcamanta, huillashca shinataj causashcamanta huañuchishcacunapaj almacunatami, altar ucupi ricurcani.