Apocalipsis 1:18 - Dios Rimashca Shimicunami

¹⁸ cunan causacujca huañurcanimi. Ashtahuanpish cunanca huiñai huiñaitami causacuni. Chashnatajmari cani. Huañuipajpish, Hadespajpish llavecunataca ñucami charicuni.

Mushuj Testamento Diospaj Shimi

¹⁸ Ñucaca causajmi cani. Huañurcanimi, cunanca huiñai huiñaitami causacuni. Chashna cachun. Huañuipaj llavetapish, Hadespaj llavetapish ñucami charicuni.

Apocalipsis 1:18 Iomraidhean Croise

JOB 19:25

Ñucata Quishpichij causacushcataca yachanimi. Tucuripica, paimi cai pachapi shayaringa.

JOB 38:17

¿Huañushcacuna tiyana pungucuna maipi cashcataca ricushcanguichu? ¿Huañuna amsa ucuman chayachij pungutapish ricushcanguichu?

SALMOS 18:46

Mandaj Diosca huiñaita causacuchunlla. Ñuca jatun Rumica alli nishca cachun. Ñucata quishpichij Diosca, jatunyachishca cachun.

SALMOS 68:20

Dios, ñucanchij Dioslla, paimi quishpichinga. Huañuimanta quishpichinapish Mandaj Jatun Diospajmi.

ISAÍAS 22:22

Davidpaj huasi llavetapish paipaj rigra jahuapimi churasha. Pai pascashcataca pi mana huichcangachu, pai huichcashcataca pi mana pascangachu.

Mateo 11:23

Capernaumpi causajcunalla, jahua pachamanmi apashca cashun yuyacunguichijmi. Ashtahuanpish ucu pachamanmari shitashca canguichij. Cancunapajpi rurashca shina milagrocunata, Sodomapi rurashca cajpica, cunan punllacamami chai puebloca tiyacunmanraj carca.

Mateo 16:19

Canmanca, jahua pachamanta mandacunpaj llavecunatami cusha. Maijanta cai pachapi can huatajpica, jahua pachapipish huatashcami canga. Maijanta cai pachapi can cacharijpica, jahua pachapipish cacharishcami canga– nircami.

Lucas 24:5

Chaipicarin ashtahuan mancharinacushpa pambaman cumurijpimi, paicunaca: –¿Ima nishpataj causacujtaca, huañushcacunapaj chaupipi mashcacunguichigari?

Juan 11:25

Jesusca: –Ñucami causachijpish, causaiyujpish cani. Maijanpish ñucata crijca, huañushca cashpapish causaringami.

Juan 14:19

Cai pachapaj cajcunaca ashacamallami ñucataca ricungacuna. Chai q'uipaca ña mana ashtahuan ricungacunachu. Cancunaca ñucataca ricunguichijmi. Ñuca causacushcamanta, cancunapish causacunguichijllami.

Romanos 6:9

Huañushcacunapaj chaupimanta causarishca Cristoca, ña mana huañuna cashcataca yachanchijmi. Huañuica paitaca mana ashtahuan mandai tucunchu.

2 Corintios 13:4

Irqui shina cajpi chacatashca cashca cashpapish Diospaj podermantami causacun. Ñucanchijpish Cristopica irquicunami canchij, ashtahuanpish Diospaj poderhuan Cristohuanca cancunapajca causacunchijmi.

Gálatas 2:20

Ñucaca, Cristohuan shuj shinalla chacatashcami cani. Ña mana ñucachu causani, ashtahuanpish Cristomi ñucapica causan. Cunan aichahuan causacushpapish Diospaj Churita crishpami causani. Paimi ñucata c'uyashpa, paillataj curishpa ñucamanta huañurca.

Colosenses 3:3

Cristohuan huañushcami carcanguichij. Cancunapaj causaica, Cristohuanmi Diospi pacashca tiyacun.

Hebreos 1:3

Diosca achij nicuj sumaj cashcata, pai ima shina cashcatapish paipaj Churimi ricuchicun. Paipaj poderyuj rimaihuanmi, tucui ima tiyajtapish charicun. Paillapitaj ñucanchij juchacunata chuyayachishpami, jahua pachapi Jatun Mandajpaj alli ladopi tiyarirca.

Hebreos 12:2

Crij canata callarichij, alli crijta ruraj Jesusta ricurashpa catishunchijlla. Paica huañushca q'uipaca, cushicuna cashcata yachashpami paita asicujpipish mana pingarishpa chacatashca huañurca. Chaimantaca Dios mandashpa tiyana alli ladopimi tiyarirca.

Hebreos 7:16

Paica mandashcapi nishca shina cai aillumantami cura tucunga nishpa churashcaca, mana carcachu. Ashtahuanpish huiñaita causai tucuj cashcamantami cura tucurca.

Hebreos 7:25

Chaimantami maijanpish paimanta Diosman c'uchuyajtaca, huiñaipaj quishpichi tucun. Jesusca paicunamanta Diosta mañashpami huiñaita causacun.

Apocalipsis 10:6

Chaipica jahua pachata, chaipi ima tiyajcunatapish, allpa pachata, chaipi ima tiyajcunatapish, mama cuchata, chaipi ima tiyajcunatapish ruraj, huiñai huiñaita causacuj Diospaj shutipimi cashna nirca. Cunantajca ña mana ashtahuan shuyagrinichu.

Apocalipsis 15:7

Chai causacuj chuscucunamanta shujmi, canchis angelcunamanca huiñai huiñaita causacuj Dios p'iñarishpa jatunta llaquichinahuan junda canchis curi copacunata curca.

Apocalipsis 2:8

Esmirna pueblopi caj tandanacushca crijcunapaj angelmanpish quillcai: “Callaripipish caj, q'uipatapish cana caj, huañushpapish causarishpa causacujca cashnami nin:

Apocalipsis 20:13

Mama cuchapish paipi caj huañushcacunata tigrachircami. Huañuipish, Hadespish paicunapi caj huañushcacunata tigrachircami. Paicunaca tucuicunami imallata rurashca shinallataj ricuchishca carca.

Apocalipsis 20:14

Chai q'uipaca huañuitapish, Hadestapish nina rupacuj cuchapimi shitashca carca. Chaica q'uipa huañuimi.

Apocalipsis 3:7

Filadelfia pueblopi caj tandanacushca crijcunapaj angelmanpish quillcai: “Jucha Illaj, Mana Llullajca, Davidpaj llavetami charicun. Pai pascajpica pi mana huichcai tucunchu. Pai huichcajpica pi mana pascai tucunchu. Paica caitami nin:

Apocalipsis 4:9

Jatun tiyarinapi tiyacuj huiñaita causacujta chai causaiyujcuna jatunmari cangui, allimari cangui nishpa, pagui nijpica, cada chashna nishcatami,

Apocalipsis 5:14

Chaipica chai causaiyuj chuscucunapish: “¡Chashnataj cachun!” nijpica ishqui chunga chuscu ancianocunapish cungurishpa cumurishpami, huiñai huiñaita causacujta adorarcacuna.

Apocalipsis 6:8

Chaita ricushpaca, shuj quillu caballotami ricurcani. Chai caballopi tiyarishcaca, Huañuchij shutimi carca. Hadespish caticurcami: Paicunamanca cai pachata chuscupi chaupishca shuj partetaca jatun macanacuihuan, yaricaihuan, jatun ungüihuan, cai pachapi millai animalhuan huañuchi tucunatami curca.

Apocalipsis 9:1

Chuscupaj q'uipa ángel trompetapi tocajpica, cielomanta shuj luzero allpa pachaman urmajtami ricurcani. Paimanca ucujta jutcupaj pungu llavetami curca.

1 SAMUEL 2:6

Mandaj Diosmi huañuchin, paillatajmi causachin. Paillatajmi Seolpipish churan. Paillatajmi chaimantapish llujshichin.