Apocalipsis 1:17 - Dios Rimashca Shimicunami

¹⁷ Paita ricushpaca, paipaj ñaupajpimi huañushca shina urmarcani. Chaipimi paipaj alli maquita ñuca jahuapi churashpaca, cashna nirca: Ama manchaichu. Ñucami callarichijpish, tucurichijpish cani,

Mushuj Testamento Diospaj Shimi

¹⁷ Paita ricushpaca, huañushca shinami, Paipaj ñaupajpi urmarcani. Chashna urmajpimi Paica, Paipaj alli lado maquita ñuca jahuapi churashpaca, cashna nirca: «Ama mancharichu, ñucami Callarichijpish, Tucurichijpish cani.

Apocalipsis 1:17 Iomraidhean Croise

GÉNESIS 15:1

Tucui chaicuna tucushca q'uipami Mandaj Diosca muscuipi shina ricurishpa Abramtaca: –Abram, ama manchaichu. Cambaj escudoca ñucami cani. Can japina cashcaca tucuita yalli jatunmari– nirca.

SALMOS 139:5

Ñuca huashatapish ñuca ñaupajtapish muyunchishcami cangui. Ñuca jahuapica quiquinpaj maquitami churashcangui.

ÉXODO 14:13

Chaimi Moisesca israelcunataca: –Ama manchashpa sinchi sinchi caichijlla. Ricunguichij cunan ima shinami Mandaj Dios cancunata quishpichinga. Cunan punlla cancuna ricushca egipciocunataca cutinca ña manataj ashtahuan ricunguichijchu.

ÉXODO 20:20

Shina nijpi Moisesca israelcunamanca: –Ama manchaichijchu, Taita Diosca paita manchashpa ama juchallichun cazujta mana cazujta ricungapajmari shamurca– nircami.

ÉXODO 3:6

Taita Diosca cashnapishmi nirca: –Ñucaca cambaj yayapaj Dios, Abrahampaj, Isaacpaj, Jacobpaj Diosmi cani– nijpimi, Moisesca Taita Diosta ricunata manchashpa, paipaj ñahuita taparirca.

ISAÍAS 41:10

Ñuca canhuan cashcamanta ama manchaichu, ama shaicurichu. Ñucami canman fuerzata cuj Taita Dios cani. Cantaca ayudacushallami. Ñuca alli maquipi cashcata rurajhuanmi cantaca charirasha.

ISAÍAS 41:4

¿Caitaca pitaj rurarcari? ¿Pitaj chashna rurashca cangari? Callarimanta huahua huahua mirarichunca ¿pitaj churarcari? Mandaj Dios ñucaca callarimantapachami cani. Tucuringacamami ñucallataj casha” ninmi.

ISAÍAS 44:6

Israelcunata Jatun Mandajca, israelcunata quishpichijca, tucuita Mandaj Diosca cashnami nin: “Callarichijpish ñucami cani, tucurichijpish ñucami cani. Shujtaj Diosca mana tiyanchu.

ISAÍAS 48:12

“Jacob, ñucata uyai. Israel, canca ñuca agllashcami cangui. Ñucallatajmi callarichijpish cani. Ñucallatajmi tucurichijpish cani.

LAMENTACIONES 3:57

Ñuca canta mañai punllamari ñucapajman c'uchuyashpaca: “Ama manchaichu” nihuarcangui.

EZEQUIEL 1:28

Ima shinami tamya punlla p'uyu chaupipi cuichi ricurin, chai shinallatajmi chai achij nicujca ricurirca. Mandaj Diospaj sumaj cashcaman rijchajmi, muscuipi shina ricurirca. Chaita ricushpaca, ñuca ñahui pambaman tupajtami cumurircani. Chaimantaca ñapish shuj rimashcatami uyarcani.

DANIEL 10:12

Paica ñucataca cashnami nirca: “Daniel, ama manchaichu. Pi mana yachai tucuipajcunata yachasha nishpa, cambaj Taita Diospaj ñaupajpi cumurij shungu tucushca punllamantami paica can mañashcata uyarca. Can mañashcamantami cambajman shamurcani.

DANIEL 10:15

Chai shimicunata ñucaman pai huillacujpica, ñucaca pambata ricushpami upa shina shayacurcani.

HABACUC 3:16

Ñucaca, chai tucuitami uyarcani. Chaita uyashpaca, ñuca aichapi imalla tiyajcunapish zaillami mancharirca. Rimagrishpapish ñuca shimi jitacunaca chujchurcami. Ñuca tullucunapish ismucuj shinami carca. Ñuca yuyaipica, ña tucuricuj shinami tucurcani. Chashna cashpapish, llaquichij runa paipaj soldadocunahuan huaicashpa cai llajtaman yaicumujpipish, ñucaca chai llaqui punllapica mana imata manchashachu.

Mateo 14:27

Ashtahuanpish Jesusca: –Ñucamari cani. ¡Ama mancharichijchu!– nircami.

Mateo 28:4

Chai angelta manchashpami, soldadocunaca chujchushpa, huañushca shina tucurcacuna.

Mateo 28:5

Ashtahuanpish angelca, chai huarmicunamanca: “Cancunaca ama manchaichijchu. Chacatashca cashca Jesusta mashcacujtaca, ñucaca yachanimi.

Juan 13:23

Paipaj yachacujcunamanta Jesús c'uyashca shuj yachacujmi, Jesuspaj c'uchupi quinrilla sirishpa micucurca.

Juan 21:20

Pedro tigralla ricushpaca, Jesuspaj c'uyashca yachacuj caticujtami ricurca. Chai yachacujllatajmi sarun micucujpica, Jesuspi huancarishpa: “Mandaj Jesús ¿Canta huañuchichun japichijca pitagari?” nishpa tapujca carca.

Apocalipsis 1:11

cashna uyarirca: “Ñucaca callari A, tucuri Z shinami, callarichijpish, tucurichijpish cani. Can imallata ricushcataca shuj libropi quillcashpa, Asiapi caj: Éfeso, Esmirna, Pérgamo, Tiatira, Sardis, Filadelfia, Laodicea canchis pueblocunapi tandanacushca crijcunaman cachai” nircami.

Apocalipsis 1:4

Ñucaca Juanmi cani. Asia llajtapi caj canchis pueblopi tandanacushca crijcunamanmi quillcani: Diosca cunanpish, sarunpish shamunapaj cajpish paillatajmi. Paipaj jatun tiyarina ñaupajpi caj canchis espiritupaj mana c'uyaipajta c'uyashcapish sumaj causaita cushcapish cancunahuan cachun.

Apocalipsis 1:8

“Ñucami callari A, tucuri Z shina, callarichijpish, tucurichijpish cani” ninmi Jatun Diosca. Paica cunanpish, sarunpish, shamuna cajpish Tucuita Rurai Tucujpish paillatajmi.

Apocalipsis 2:8

Esmirna pueblopi caj tandanacushca crijcunapaj angelmanpish quillcai: “Callaripipish caj, q'uipatapish cana caj, huañushpapish causarishpa causacujca cashnami nin:

Apocalipsis 22:13

Callari A, tucuri Z shina ñucami callarichijpish, tucurichijpish cani.