Apocalipsis 1:16 - Dios Rimashca Shimicunami

¹⁶ Paipaj alli lado maquipica, canchis luzerocunatami charicurca. Paipaj shimimantaca ishqui filoyuj puntasapa espadami llujshicurca. Paipaj ñahuipish inti punllapi inti lamyacuj shinami carca.

Mushuj Testamento Diospaj Shimi

¹⁶ Paipaj alli lado maquipica, canchis luźerocunatami charicurca. Paipaj shimimantaca ishqui filoyuj, puntasapa espadami llujshicurca. Paipaj ñahuipish, achijlla punllapi lamyacuj inti shinami carca.

Apocalipsis 1:16 Iomraidhean Croise

JOB 38:7

Pacarij luzerocuna tucuicuna alabacujpi, Diospaj churicunapish tucuicuna cushicucujpica ¿maipitaj carcangui?

SALMOS 45:3

C'ari c'ari runa, cambaj espadata changa uripi apariyari. Quiquinpaj sumaj cashcahuan, mandaj cashcahuan chumbilliriyari.

CANTARES 6:10

¿Tutamanta achijyacuj shinapish, sumaj luna shinapish, inti achij nicuj shinapish, catinacushpa manchachinaman shamucuj soldadocuna shinapish shamucuj huarmica pitagari?

ISAÍAS 11:4

Ashtahuanpish paica piman mana tucushpami, huajchacunataca cashcata rurashpa allichinga. Llajtapi causaj mana mitsari tucucujcunataca piman mana tucushpami allichinga. Cai pachapi causajcunataca paipaj shimimanta llujshij caspihuanmi llaquichinga. Mandaj Diosta mana rijsijcunataca paipaj shimimanta llujshij espirituhuanmi huañuchinga.

ISAÍAS 24:23

Tucuita Mandaj Diosca Sión urcupi caj Jerusalenpimi mandacunga. Pai agllashca cunaj yuyajcunapaj ñaupajpimi achij nicuj mandacunga. Chaipica lunaca pingai tucungami. Intica musparingami.

ISAÍAS 49:2

Ñuca shimitaca filosapa espadata shinami rurarca. Paipaj maqui llanduhuanmi ñucataca taparca. Ñucataca puntasapa caspita rurashpamari, paipaj huaquichina carapi huaquichirca.

DANIEL 12:3

Yachaisapa cajcunaca, jahua pacha shina lamyacujmi canga. Cashcata ruranata achcacunata yachachijcunaca, luzerocuna shina huiñai huiñaita lamyacungallami.

DANIEL 8:10

Jahua pacha Taita Diospaj soldadocunacama chayajta huiñashpami, mirga soldadocunatapish, mirga luzerocunatapish allpaman urmachishpa sarurca.

MALAQUÍAS 4:2

Ashtahuanpish ñucata manchashpa causajcunapajca, cashcata ruraj Intimi llujshinga. Paipaj alascunapimi quishpirinataca apamunga. Canlla malta c'ari bizicuna saltacuj shinami saltarishpa llujshinguichij.

Mateo 17:2

Chaipimi Jesusca paicunapaj ñaupajpi shujtajyarirca. Paipaj ñahuipish inti shina lamyacujmi tucurca. Paipaj churanacunapish, luz shina yurajllami tucurca.

Hechos 26:13

Jatun mandajlla, chaupi punlla shinata ñanta ricujpimi, intitapish yalli achij nicuj jahua pachamanta ricurirca. Chaica ñucata, ñucahuan ricujcunatapishmi achij nirca.

Efesios 6:17

Cascota churarishca shinaca, quishpichishca cashcata yuyaichij. Espiritupaj espadatapish chariraichij. Chaica Diospaj shimimi.

Hebreos 4:12

Diospaj Shimica causajmi, tucuita rurai tucujmi. Ishqui filoyuj tucui espadacunatapish yalli cashcamanta: Almatapish, espiritutapish, mucucunatapish, tullu ñutcutapish, chaupirijta yaicujmi. Shungu imalla yuyashcata, munashcatapish ricuchijmi.

Apocalipsis 1:20

Ñuca alli lado maquipi canchis lucerocunata charicujta, canchis curi candelerocunata can ricushpa mana entendi tucushcapish cashnami: Canchis luzerocunaca, canchis llajtacunapi caj tandanacushca crijcunapaj angelcunami. Canchis candelerocunata ricushcaca, canchis pueblocunapi tandanacushca crijcunami.

Apocalipsis 10:1

Chai q'uipaca, p'uyuhuan pillurishca imatapish rurai tucuj shujtaj ángel cielomanta uriyacujtami ricurcani. Paipaj uma jahuapipish shuj cuichitami charirca. Ñahuipish inti shina achij nicujmi carca. Changacunapish lunyacuj nina shinami carca.

Apocalipsis 12:1

Cielopica, mana ricushca shuj jatun mancharinami ricurirca: Intita churarishca shuj huarmimi, luna jahuapi shayacurca. Umapica chunga ishqui luzerocunamanta rurashca coronata churarishcami carca.

Apocalipsis 19:15

Tucui llajtacunapi causajcunata chugrichingapajmi paipaj shimimantaca puntasapa espada llujshirca. Paimi tucuicunata fierro varahuan mandanga. Tucuita Rurai Tucuj Diospaj p'iñarishca vinota capingapajmi uvacunata capinapi chaquihuan sarunga.

Apocalipsis 19:21

Caishujcunataca chai yurajlla caballopi tiyarishcami paipaj shimimanta llujshij espadahuan huañuchirca. Paicunapaj aichacunataca tucui angacunami sajsajta micurcacuna.

Apocalipsis 2:1

Efesopi caj tandanacushca crijcunapaj angelman quillcai: “Canchis luzerocunata paipaj alli maquipi charicuj, canchis curi candelerocuna chaupipi puricujca, cashnami nin:

Apocalipsis 2:12

Pérgamo pueblopi caj tandanacushca crijcunapaj angelmanpish quillcai: “Ishqui filoyuj puntasapa espadata charicujca, cashnami nin:

Apocalipsis 2:16

Chai mana allicunata rurashcamantaca llaquirishpa Diosman cutiri. Mana chashna rurajpica, cambajman utca shamushpami, ñuca shimimanta llujshij espadahuan paicunahuan macanacusha.

Apocalipsis 3:1

Sardis pueblopi caj tandanacushca crijcunapaj angelmanpish quillcai: “Diospaj canchis Espiritutapish, canchis luzerocunatapish charijca cashnami nin: Ñucaca can imalla rurashcataca yachanimi. Causacujmi nishca cashpapish huañushcami cangui.

JUECES 3:16

Aodca, ishqui filoyuj chaupi metro shina suni espadatami rurashca carca. Paica churana ucupi chumbillirishpami alli lado changa uripi aparca.

JUECES 5:31

Mandaj Dioslla, canta p'iñajcunaca tucuicuna chingarishca cachun. Canta c'uyajcunaca achijlla inti llujshicuj shina ashtahuan achijyachicuj cachun” nishpami cantarcacuna. Israelcunapajca, chuscu chunga huatacunatami sumaj causai tiyarca.