Apocalipsis 1:10 - Dios Rimashca Shimicunami

¹⁰ Mandaj Jesuspaj punllapimi ñucataca tucuipi Diospaj Espiritulla pushacurca. Chaipimi, ñuca huashanijpica trompetapi tocaj shina sinchita rimashca,

Mushuj Testamento Diospaj Shimi

¹⁰ Chaipica Apu Jesuspaj punllapimi Diospaj Espirituhuan carcani. Chaipimi ñapish ñuca huashamanca, shuj trompetapi tocashca uyarij shina, sinchita rimashpa uyarirca.

Apocalipsis 1:10 Iomraidhean Croise

NÚMEROS 24:2

Chaimantaca israelcunaca cada aillu ch'ican ch'ican paicunapaj carpa huasicunata shayachishpa tiyacujtami ricurca. Diospaj Espíritu paipaj jahuaman shamujpimi,

Mateo 22:43

Chaimi Jesusca: –Shinashpaca ¿ima nishpataj Davidca, Diospaj Espíritu yuyaita cujpi Cristotaca, Mandajmi nishpa cashna nirca?:

Juan 20:19

Chai punllallataj semana callari ña tutayacujpimi, yachacujcunaca judiocunata manchashcamanta pungucunata huichcashpa tandanacushpa tiyacurcacuna. Chaipimi Jesusca paicunapaj chaupipi shayarishpaca: –¡Sumaj causai cancunahuan cachun!– nirca.

Juan 20:26

Pusaj punlla q'uipami, cutin chai yachacujcunaca, Tomasndij huasi pungucunata huichcarishca tiyacurcacuna. Jesusca pungucuna huichcashca cajllapitaj yaicushpa paicunapaj chaupipi shayarishpaca: –¡Sumaj causai cancunahuan cachun!– nirca.

Hechos 20:7

Semana callari punllapimi, Jesusta caticujcunaca Jesús huañushcata yuyarishpa tandata chaupishpa micungapaj tandanacurcacuna. Pabloca, cayandij punlla llujshina cashpami, yachachishpa chaupi tutacama huillacurcalla.

1 Corintios 12:3

Chaimantami caitaca yachaj chayachini. Pipish Diospaj Espiritumanta rimashpaca: “¡Jesustaca imapish tucunman!” mana ningachu. Chashnallataj jucha illaj Espiritullamantami pipish: “¡Jesusca Mandajmi!” ni tucun.

1 Corintios 16:2

Ñuca chayajpi ofrendata ama tandana tucuchunca, cada quiquin ima shina japishca shinallataj, cada semana callari punllapi ch'icanchishpa huaquichichij.

Apocalipsis 17:3

Chai q'uipaca ñucaca tucuipimi Diospaj Espiritulla pushashca carcani. Paimi shitashca pambaman pusharca. Chaipica canchis umayuj, chunga gachuyuj, pucanicuj jatun animalpi tiyarishca shuj huarmitami ricurcani. Chai animalca Diosta c'amishpa rimashca shuticunahuan jundami carca.

Apocalipsis 21:10

Chashna nicujpi Diospaj Espiritumi ñucataca shuj jatun urcu jahuaman pusharca. Chaipimi Diospajlla caj Jerusalén jatun pueblota Diospaj cielomanta uriyacujta ricuchirca.