Apocalipsis 1:1 - Dios Rimashca Shimicunami

¹ Diosca ñalla imalla tucunata paipajta rurajcunaman ricuchingapajmi, chai ricuchinataca Jesucristoman curca. Chaitaca Jesucristoca paipaj angelta cachashpami paipajta ruraj Juanman huillachirca.

Mushuj Testamento Diospaj Shimi

¹ Taita Diosmi cai ricuchinataca, Jesucristoman curca. Chaicunata ñalla rurana cashpami, Jesucristoca Paita servij Juanman huillachun, Paipaj angelta cacharca. Juanmi chaitaca, Diosta servijcunaman huillarca.

Apocalipsis 1:1 Iomraidhean Croise

SALMOS 25:14

Mandaj Diosca paita manchajcunahuanmi yallitaj apanacun. Paihuan ari ninacushcata pajtachinataca paicunamanmi yachachinga.

DANIEL 8:16

Ulai jatun yacu urimantaca: “Gabriel, muscuipi pai ricushca imata nisha nishcata chai runaman entendichi” nishpa, shuj runa sinchita caparijtami uyarcani.

DANIEL 9:21

Ñuca chashna mañacujpirajmi, muscuipi shina ñaupaman ricushca Gabriel shuti angelca, huairapi callpashpa ñucapajman shamurca. Chaica animalcunata huañuchishpa Diosman cuna shina chishi horasmi carca.

DANIEL 9:23

Can mañai callaricujpimi, ñucataca cacharca. Chaimi ñucaca canman yachachingapaj shamurcani. Canca yallitaj c'uyashcami cangui. Muscuipi shina ricushca imata nisha nishcata alli entendingapajca, ñuca huillashcata uyai nishpami cashna nirca:

AMÓS 3:7

Mandaj Jatun Diosca pai ima nishcata huillaj paita servijcunaman ima tucunata manaraj huillachishpaca, mana llaquichinllachu.

Juan 12:49

Ñucaca mana ñuca quiquin yuyaimantachu rimarcani. Ñucata cachaj Yayami imallata rimanatapish, yachachinatapish ñucataca mandarca.

Juan 15:15

Cancunataca ña mana ñucapajta rurajcunami canguichij nishachu. Amopajta rurajca, paipaj amo imallata ruracujtaca mana yachanchu. Cancunamanca ñuca Yaya imallata ruracujtaca tucuitami yachachircani. Chaimanta cancunaca ñucahuan alli apanacujcunami canguichij.

Juan 17:8

Quiquin ñucata huillai nishcacunatami paicunamanca huillarcani. Paicunaca chasquircacunami. Ñucataca quiquinpajmantataj shamushcatami yacharcacuna. Quiquin cachajpi shamushcatapish crircacunami.

Juan 3:32

Paica imata ricushcata, uyashcatami huillan. Ashtahuanpish pai ricushcata huillajpipish, pi mana chasquinchu.

Juan 8:26

Cancunataca achcata ninatami charini. Cancuna ima shina cashcataca chaitataj ricuchishpami rimana cani. Ñucata cachaj Yayaca ima shina cashcatataj rimajmi. Ñucaca pai ima shina rimangui nishca shinallatajmi cancunataca rimani– nircami.

Romanos 16:25

Jesucristomanta alli huillaita ñuca huillashca shinallataj, cancunata sinchiyachij Diostaca allimari cangui ninimi. Huiñaimantami pi mana yachaipaj pacallataca ricuchimushca.

Gálatas 1:12

Caitaca mana maijan runamanta ñucaca chasquircanichu, yacharcanichu. Ashtahuanpish Jesucristo ricuchijpimi chasquircani.

Efesios 3:3

Pi mana yachashcata ñucaman ricuchishcatami, ñaupaman ashata ña quillcarcani.

Tito 1:1

Taita Diospajta ruraj, Jesucristopaj apóstol Pablomi cani. Taita Diosca pai munashca shina crij cachunca ñaupamanmi agllashca. Chaicunataca Diosta yuyarijtaj cachunca mana nij tucushpalla ima shina canatataj yachachichun cachashcami cani.

Apocalipsis 1:19

Can imallata ña ricushcata, cunan imalla cajtapish, q'uipata imalla tucuna cashcata ricushcatapish quillcai.

Apocalipsis 1:9

Ñucaca, cancuna shinallataj llaquita apacuj, cancunapaj huauqui Juanmi cani. Dios mandacunpipish cancunahuanmi cani. Jesucristo shinallatajmi alli shunguhuan llaquita apacuni. Diospaj shimita huillashcamanta, Jesucristota ima shina cashcatataj huillashcamantapishmi ñucaca cai jatun yacu chaupipi tiyaj Patmos llajtapi churashca cani.

Apocalipsis 17:1

Chai q'uipaca canchis copacunata charicuj, canchis angelcunamanta shuj shamushpami, ñucahuan rimashpaca cashna nirca: “Achca yacucuna jahuapi tiyacuj huainayashpalla causaj huarmita ima shina jatunta llaquichina cashcata shamui ricuchisha nircami.

Apocalipsis 19:10

Chaimi ñucaca chai angelta adorangapaj cumurircani. Ashtahuanpish paica ñucataca: “¡Riqui, ama chashna ruraichu! Ñucapish can shinallataj, cambaj huauquicuna shinallataj Diospajta rurajllami cani. ¡Diosta adorai!” nircami. (Jesús ima shina cashcata huillanaca profetacunaman espíritu huillachishca pajtashcami).

Apocalipsis 19:9

Chai q'uipami angelca ñucataca: “Ovejapaj jatun micui bodaman cayashcacunaca, alli nishcacunami” chaita quillcai nirca. Cashnapishmi nirca: “Caicunaca, Dios rimashca mana llulla shimicunami” nircami.

Apocalipsis 21:2

Ñucaca Juanmi cani. Diospaj cielomanta mushuj Jerusalén Diospajlla caj pueblo uriyacujtami ricurcani. Paica cusata japingapaj sumajta allichirishca novia shinami carca.

Apocalipsis 21:9

Chaimantaca canchis angelcuna canchis copacuna junda, tucuri canchis llaquicunata charijcunapuramanta shuj angel shamushpaca: “Caiman shamui, Ovejahuan cazarana noviata ricuchisha” nircami.

Apocalipsis 22:1

Chai q'uipaca causaita cuj, chuyajlla jatun yacutami angelca ricuchirca. Chai yacuca Diospajpish, Ovejapajpish jatun tiyarinamantami cristal shina achijnicuj llujshicurca.

Apocalipsis 22:16

“Ñucaca Jesusmi cani. Tandanacushca tucui crijcunaman caicunata huillachunmi, ñuca angelta cacharcani. Ñucaca Davidpaj sapimi cani. Paipaj huahuacunapajpish huahuami cani. Ñucaca pacarinapaj llujshij achijlla luzeromi cani”.

Apocalipsis 22:6

Chai q'uipami angelca cashna nirca: “Caicunaca ima shina cashcataj pajtana mana llulla shimicunami. Profetacunaman huillachij Mandaj Taita Diosllatajmi pai huillachishcacunaca ñalla pajtana cashcata paipajta rurajcunaman ricuchichun, paipaj angelta cacharca.

Apocalipsis 22:8

Ñucaca Juanmi cani. Ñucami caicunataca uyarcani, ricurcani. Chashna uyashca, ricushca q'uipaca ñucaman ricuchij angelta adorasha nishpami paipaj ñaupajpi cumurircani.

Apocalipsis 22:9

Chaipimi paica: “¡Riqui, ama chashna ruraichu! Ñucapish can shina, cambaj huauqui profetacuna shina, cai libropi quillcashcata tucui cazujcuna shinallataj Diospajta rurajllami cani. ¡Diosta adorai!” nircami.

Apocalipsis 4:1

Chai q'uipaca jahua pachapica shuj pungu pascashcatami ricurcani. Trompetapi tocashca shina uyarij rimaihuan ñaupaman rimajllatajmi ñucataca: “¡Caiman huichiyamui, cunan can ricushcacuna ña pajtashca q'uipaca, imalla tucuna cashcata canman ricuchisha!” nirca.

Apocalipsis 5:7

Chai Oveja shamushpami, jatun tiyarinapi tiyacujpaj alli maquimanta librotaca japirca.