AMÓS 1:8 - Dios Rimashca Shimicunami

⁸ Shinallataj Asdod pueblopi causajcunatapish, Ascalón pueblota mandajcunatapish chingachishami. Ecrón pueblopi causajcunataca yallitajmi llaquichisha. Maijan saquirij filisteocunacamami huañuchisha” ninmi Mandaj Jatun Diosca.

AMÓS 1:8 Iomraidhean Croise

2 CRÓNICAS 26:6

Uziasca, filisteocunahuan macanacugrishpaca Gat, Jabnia, Asdod shuti pueblocuna muyundij jatun pircacunatami urmachirca. Chaimantaca Asdod pueblo c'uchupipish, filisteocunapajllataj caj caishuj llajtacunapipishmi pueblocunata rurarca.

SALMOS 81:14

Paicunata p'iñajcunataca ñahui quinllaillapimi chingachiman carcani. Paicunata mana ricunachijcunataca ñuca maquihuanmi llaquichiman carcani” nishcami uyarirca.

ISAÍAS 1:25

Ñuca maquihuanmi cutinllataj llaquichigrini. Fierro ishpashcata tucui anchuchij shinami p'ichagrini. Canpi tiyaj mapataca tucuitami anchuchigrini.

ISAÍAS 20:1

Asiria llajtata jatun mandaj Sargonca soldadocunata mandajtami Asdodman cacharca. Chai huatapi pai shamushpami Asdodpi causajcunahuan macanacushpa chai pueblotaca japirca.

JEREMÍAS 47:1

Gaza pueblopi causaj filisteocunata faraón manaraj llaquichijpimi, Mandaj Diosca pai ima nishcata huillaj Jeremiastaca, filisteocunata llaquichinata cashna huillachirca:

EZEQUIEL 25:16

Chaimantami Mandaj Diostaj cashna nini: Ñuca maquita chutashpami, filisteocunataca llaquichisha. Shinallataj cereteocunatapish huañuchishami, mama cucha ladoman ashalla saquirijcunatapish chingachishami.

JOEL 3:4

Tiro pueblolla, Sidón pueblolla, Filistea llajtalla, ñucaca cancunataca ¿imatataj rurashcaniyari? ¿Ñucatachu llaquichisha yuyanguichij imamí? Chashna yuyashcamantaca, ñallami cancuna japina cashcataca cugrini.

AMÓS 1:7

Chashna llaquichishcamantaca, Gaza pueblo muyundij patapimi ninata japichisha. Chai ninallatajmi, mandashpa tiyana huasicunatapish tucui rupachinga.

AMÓS 3:9

Asdod pueblota mandajcunamanpish, Egipto llajtata mandajcunamanpish, paicuna mandana huasicunapi cashna nishpa huillagrichij: “Samaria urcuman tandanacushpa, chai llajtapi causajcuna millaita ruracujta ricugrichij. Paicunaca yallitaj llaquichishpami causacuncuna.”

ABDÍAS 1:18

Jacobpaj huahua huahuacunaca, nina shinami canga. Josepaj huahua huahuacunaca, lunyacuj nina shinami canga. Esaupaj huahua huahuacunaca, chai ninapi rupashpa chingarijlla supas shinami canga. Esaupaj huahua huahuacunamantaca, shujllapish mana quishpiringachu” ninmi Mandaj Diosca.

ZACARÍAS 13:7

Tucuita Mandaj Diosca cashnapishmi nin: “Espadalla, ovejacunata michijtapish, ñucahuan alli apanacujtapish manchachiyari. Can chai michijta chugrichijpica, ovejacunaca caita chaitami ringacuna. Bachujcunataca ñuca maquihuanmi llaquichisha” ninmi.

ZACARÍAS 9:5

Chaita ricushpami, Ascalón pueblopi causajcunaca mancharingacuna. Gaza pueblopi causajcunapish shungupi nanarishpami llaquiringacuna. Ecrón pueblopi causajcuna shuyacushcapish chingaringami. Shinallataj Gaza pueblota jatun mandajpish huañungami. Ascalón pueblopica, pi mana causangachu.

ZACARÍAS 9:6

Asdod pueblopica, caru llajtamanta shamuj shuj runami causanga. Chashnami filisteocuna jatun tucunataca tucuchisha.

1 SAMUEL 6:17

Filisteocunaca Mandaj Diosta p'iñachishcamanta cuna cashcataca paicunata ama ashtahuan llaquichichun nishpami curimanta rurashca chupucunataca: Asdodmanta shuj, Gazamanta shuj, Ascalonmanta shuj, Gatmanta shuj, Ecronmanta shujta cacharcacuna.