AMÓS 1:3 - Dios Rimashca Shimicunami

³ Mandaj Diosca cashnami nin: “Damasco pueblopi causajcunaca, cutin cutin millaita ruracujllapica, paicunata llaquichinataca manataj saquishachu. Paicunaca Galaad llajtapi causajcunataca, trillana fierrohuanmi tacashpa ñuturcacuna.

AMÓS 1:3 Iomraidhean Croise

1 REYES 19:17

Hazaelpaj espadamanta quishpirijtaca, Jehumi huañuchinga. Jehupaj espadamanta quishpirijtaca, Eliseomi huañuchinga.

2 REYES 13:3

Chashna rurajpimi Mandaj Diosca nina sindirij shina p'iñarishpa israelcunataca Siria llajtata jatun mandaj Hazaelpaj, paipaj churi Ben-adadpaj maquipi achca huatacunata llaquichichun churarca.

2 REYES 13:7

Siria llajtata jatun mandajmi Israel soldadocunataca, allpata shina rurashpa tucuchirca. Chaimantami Joacazpajca caballocunapi tiyarij pichca chunga soldadocuna, chunga carrocuna, chaquillahuan purij, 10.000 soldadocunalla saquirirca.

2 REYES 16:9

Asiria llajtata jatun mandajca, Acaz mañashcata ari nishpami, Damascopi causajcunahuan macanacungapaj huichiyashpaca chai pueblota pai japishpa chaipi causajcunatapish Kirman prezu apashpa jatun mandaj Rezinta huañuchirca.

2 REYES 8:12

Hazaelca Eliseotaca: –Ñuca amito ¿ima nishpataj huacangui?– nijpimi Eliseoca: –Israelcunata can llaquichinata yachashcamantami huacani. Torrecunataca canmari rupachingui, q'uipa huiñaicunatapish espadahuanmi huañuchingui. Huahuacunatapish pircacunapi huajtashpami huañuchingui, chichu huarmicunatapish huijsatamari lliquingui– nirca.

JOB 19:3

Ñucataca ñamari chunga cutin c'aminguichij. P'iñachicunallataca ¿manachu pinganguichij?

JOB 5:19

Sujta cutin jatun llaquicunata apacujpipish quishpichingami. Ña canchis cutinpica, ima mana allipish cantaca mana japingachu.

PROVERBIOS 6:16

Mandaj Diosca mana allita rurashcataca, cai sujtatami yallitaj p'iñan, canchistapishmari manataj ricunachin.

ECLESIASTÉS 11:2

Canchismanpish, pusajmanpish carailla. Llajtapaj ima llaqui shamucunataca mana yachanguichu.

ISAÍAS 28:27

Eneldotaca mana trillanahuan trillanchu. Cominotapish mana carreta ruedahuan trillanchu. Eneldotaca, caspillahuanmi chaspin. Cominotaca uchilla varallahuanmi huajtan.

ISAÍAS 41:15

Riqui, ñucami cantaca trillana fierro shina cachun rurarcani. Trillana mushuj fierrota quirucunahuan jundatami rurarcani. Cancunami urcucuna shinataca trillashpa ñutunguichij. Lomacuna shinataca t'amu shina tucungacamami ñutunguichij.

ISAÍAS 7:16

Chai huahua ima alli cajta, ima mana alli cajta manaraj yachaj cajpimi cunan can manchacuj ishqui jatun mandajcunapaj llajtacunaca shitashca saquiringa.

ISAÍAS 7:8

Siria llajtapaj mama puebloca, Damascomi. Damascota jatun mandajca Rezinmi. Cunanmanta sujta chunga pichca huatapica Efraín llajtaca ña mana llajtachu ningacamami chingachishca canga.

ISAÍAS 8:4

Huahua manaraj ñuca yayito, ñuca mamita ninata yachajpimi, Asiria llajtata jatun mandajca Damasco pueblopi achca charishcacunata, Samariapi causajcuna imalla charishcacunata quichunaman shamunga” nircami.

AMÓS 1:11

Mandaj Diosca cashnapishmi nin: “Edom llajtapi causajcunaca, cutin cutin millaita ruracujllapica, paicunata llaquichinataca manataj saquishachu. Paicunapaj quiquin huauquicunallatatajmi espadahuan catishpa huañuchircacuna. Mana llaquishpami, shuhuashpa causarcacuna. Paicunapaj huauquicunataca p'iñaillami causarcacuna.

AMÓS 1:13

Mandaj Diosca cashnapishmi nin: “Amón llajtapi causajcunaca, cutin cutin millaita ruracujllapica, paicunata llaquichinataca manataj saquishachu. Paicunapaj allpa achca tucuchun nishpami, Galaad llajta chichu huarmicunataca huijsata lliquishpa huañuchircacuna.

AMÓS 1:6

Mandaj Diosca cashnapishmi nin: “Gaza pueblopi causajcunaca, cutin cutin millaita ruracujllapica, paicunata llaquichinataca manataj saquishachu. Paicunaca, shuj pueblopi causajcunataca tucuicunatami Edom llajtapi huatashca shina causachun prezu aparcacuna.

AMÓS 1:9

Mandaj Diosca cashnapishmi nin: “Tiro pueblopi causajcunaca, cutin cutin millaita ruracujllapica, paicunata llaquichinataca manataj saquishachu. Paicunaca shuj pueblopi causajcunataca, Edom llajtapi huatashca shina causachunmi prezu cacharcacuna. Quiquin huauquindijpura shina ari ninacushcataca mana yuyarishpami, chashna rurancuna.

AMÓS 2:1

Mandaj Diosca cashnapishmi nirca: “Moab llajtapi causajcunaca, cutin cutin millaita ruracujllapica, paicunata llaquichinataca manataj saquishachu. Paicunaca Edom llajtata jatun mandajpaj tullucunatapish ushpa tucungacamami rupachircacuna.

AMÓS 2:4

Mandaj Diosca cashnapishmi nirca: “Judá llajtapi causajcunaca cutin cutin millaita ruracujllapica, paicunata llaquichinataca manataj saquishachu. Paicunaca Mandaj Dios mandashcatapish mana cazurcachu. Pai yachachishcacunatapish mana uyanachircachu. Ashtahuanpish paicunapaj ñaupa yayacuna shinallatajmari, imapish mana caj llullashcallata catircacuna.

AMÓS 2:6

Mandaj Diosca cashnapishmi nirca: “Israelcunaca cutin cutin millaita ruracujllapica, paicunata llaquichinataca manataj saquishachu. Paicunaca cashcata rurajtaca, cullquipimi c'aturcacuna. Shinallataj imata mana charijtaca, ishqui pargatepimi c'aturcacuna.

ZACARÍAS 9:1

Mandaj Diosca, Hadrac llajtatapish, Damasco pueblotapish llaquichinatami huillacun. Tucui cai pachapi causajcunapish, tucui Israel aillucunapish Mandaj Diostami chaparana.

ZACARÍAS 9:2

Damasco pueblo c'uchullapi caj Hamat pueblotapish llaquichishcami canga. Yachaisapa Tiro pueblopish, Sidón pueblopish llaquichishcami canga.