AMÓS 1:2 - Dios Rimashca Shimicunami

² cashna huillarca: Sión urcupi caj Jerusalén pueblomantami, Mandaj Diosca león huacarij shina sinchita rimashpa uyaringa. Michina q'uihuacunapish chaquiringami. Carmelo urcupish, jahua urcucamami chaquiringa.

AMÓS 1:2 Iomraidhean Croise

SALMOS 29:4

Mandaj Diospaj rimashcaca, tucuita rurai tucuj cashcahuanmi uyarin. Mandaj Diospaj rimashcaca sumajmari uyarin.

SALMOS 46:6

Llajtacunaca caparingacunami. Mandanacunaca chujchungami. Taita Dios rimajpica cai pachaca yacuyarcami.

PROVERBIOS 20:2

Jatun mandaj p'iñarijpica, huacaricuj león shina manchananami. Pipish paita p'iñachishpaca, quiquinllatajmi huañuita mashcan.

ISAÍAS 33:9

Allpaca llaquilla ungushcamari. Líbano urcu sachaca p'itishcamari chaquirishcamari pingaimi tucushca. Sarón llajtaca shitashca pambamari tucushca. Basán urcupish, Carmelo urcupish chaspishcamari saquirishca.

ISAÍAS 35:2

Pamba jundatami sisanga. Cushicungami, jatunta cushicushpami cantanga. Líbano urcu sumaj canatami paipi churanga. Carmelo urcu, Sarón urcu sumaj canatami paipi churanga. Paicunaca Mandaj Dios jatun cashcatami ricungacuna. Ñucanchij Taita Dios achij nicuj cashcatami ricungacuna.

ISAÍAS 42:13

Mandaj Diosca, yallitaj jatun runa shinami llujshinga. Alli macanacuj runa tucuchina yuyailla rijcharij shinami llujshinga. Caparingami, macanacuiman llujshina caparitami caparinga. Paita p'iñajcunataca mishangami.

JEREMÍAS 12:4

Cai llajtapi causacujcunaca: “Ñucanchij imata ruracujtaca, Diosca mana ricungachu” nishpami, yallitaj millaita rurancuna. Chaimantamari q'uihuacunapish tucui chaquishpa, allpapish shitashca pamba shina chaquishca saquiricun. Animalcunapish, pajarocunapish huañushpa tucuricunmari. ¿Maicamataj chashna saquigringuiyari?

JEREMÍAS 14:2

“Judá runacunaca, tucuicunami llaquirishpa huacacuncuna. Pueblo pungucunatapish, pi mana llujshishpa yaicushpa ricurinchu. Jerusalenpi causajcunaca llaquirishpa pambapi tiyarishpami, caparirishpa huacancuna.

JEREMÍAS 25:30

Tucui paicunapaj llaqui shamunata cashna huillangui: Mandaj Diosca jahuamantami c'ulun nishpa uyaringa. Jucha illaj Diosca, pai causana huasimantami sinchita rimanga. Paipaj cashcamantami cai llajtataca p'iñarishpa caparinga. Tucui cai pachapi causajcunatami uvata sarujcuna cantanata cantaihuan llaquichinga.

JEREMÍAS 28:8

Ñaupa huatacunaca, canpish, ñucapish manaraj huacharijpimi, shujtaj huillajcunapish tiyashca. Paicunaca jatun llajtacunapi, achca llajtacunapi jatun macanacuicunapish, llaquicunapish, ungüicunapish tiyanatami huillashcacuna.

JEREMÍAS 50:19

Paita llaquichishpami, israelcunataca paicunapaj quiquin llajtaman tigrachimusha. Chashna tigrachimujpimi ñuca ovejacunaca Carmelo urcupi, Basán urcupi, Efraín urcupi, Galaad urcupipish alli micushpa huirayangacuna.

OSEAS 11:10

Paicunaca Mandaj Dios yuyaillami paita catingacuna. Taita Dios rimashcaca león huacacuj shinami uyaringa. Pai chashna rimashcata uyashpami, paipaj huahuacunaca inti huashicun llajtacunamanta manchaihuan shamungacuna.

OSEAS 13:8

Huahuacunata chingachishpa mama oso p'iñarishpa puricuj shinami israelcunataca llaquichisha. Paicunapaj corazontaca llujshichishpami shitasha. Sacha animal shinami mirga mirgata rurasha. León shinami millpusha.

JOEL 1:19

Mandaj Dioslla, cantami caparisha. Shitashca pambapi huiñacuj q'uihuacunatapish, urcucunapi tiyaj yuracunatapish nina lunyashpamari, tucuita rupachishpa chingachirca.

JOEL 2:11

Mandaj Diosca paipaj soldadocunatami mandanga. Paipaj soldadocunaca yallitaj achcacunami. Pai mandashcata rurajcunaca, yallitaj c'ari c'aricunami. Mandaj Dios shamuna punllaca, jatun mancharina punllamari. Chai jatun llaquicunataca ¿pitaj apai tucungari?

JOEL 3:16

Mandaj Diosca Sionmantami caparinga, Jerusalenmantaca pai rimashcami uyaringa. Chaimantaca jahua pachapish, cai pachapish chujchungami. Ashtahuanpish Mandaj Diostami, pai agllashcacunaca shuyangacuna. Pai agllashca israelcunapajca, paca tucuna jatun pata shinami tucuimanta huaquichinga.

AMÓS 9:3

Carmelo urcu puntapi miticugrijpipish, mashcashpami japisha. Ñuca ñahuimanta miticungapaj mama cucha asientoman yaicujpipish, yacupi causaj culebratami canichun cachasha.

NAHUM 1:4

Paica mama cucha yacutapish, jatun yacucunatapish chaquichinllami. Basán llajtatapish, Carmelo urcutapish, Libanopi tiyaj sumajcunatapish chingachircami.

1 SAMUEL 25:2

Maón pueblopica shuj runami causarca. Paica Carmelpimi shuj haciendata charirca. Yallitaj charij cashpami, 3.000 ovejacunata, 1.000 chivocunata charirca. Paica Carmelpimi paipaj ovejacunata rutucurca.