3 Juan 1:8 - Dios Rimashca Shimicunami

⁸ Mana llullata ashtahuan huillachunca, ñucanchijmari paicunamanca imatapish cuna canchij. Chashna rurashpami tucuicuna huaicashpa huillacujcuna cashun.

Mushuj Testamento Diospaj Shimi

⁸ Chashna cajpica, ñucanchijmari paicunataca chasquina canchij. Cashcatataj paicuna huillacunpica, ñucanchijpish chashna maquita cushunri.

3 Juan 1:8 Iomraidhean Croise

SALMOS 94:16

Millaita rurajcuna ñucata llaquichinaman jatarijpica, ñucata mitsanapajca pi mana jatarinchu. Ñucapuraca pi mana tucunchu.

Mateo 10:14

Maijan huasipi cashpa, pueblopi cashpapish cancunata mana chasquisha nishpa, huillashcatapish mana uyashun nijpica, cancunapaj chaquimanta ñutu allpatapish chaspishpa chaimanta llujshishpa ringuichijlla.

Mateo 10:40

Maijanpish cancunata chasquishpaca, ñucatami chasquin. Ñucata chasquijca, ñucata cachajtami chasquin.

Lucas 11:7

Ucuman cajca caishujtaca: “Ama p'iñachichu, pungupish ñamari huichcashca. Ñucapish huahuacunahuan ñami dormicuni. Canman cungapajca mana jatari tucunichu” ningachari.

2 Corintios 6:1

Ñucanchijca Diospajta paillahuantaj rurajcuna cashpami, Dios mana c'uyaipajta c'uyashcataca, ama yanga chasquishca caichijchu nishpa cunanchij.

2 Corintios 8:23

Titoca ñucahuan purij cashcamanta, cancunapaj allicunata rurajmi. Caishuj huauquicunaca Cristota jatunyachingapaj tandanacushca crijcuna cachashca huillajcunami.

Filipenses 4:3

Shinallatajmi ñucahuan tandalla pajtachij, cantapish rogani. Chai panicunata ayudangui. Paicunaca Clementendij, shujtaj huauquicunandij alli huillaita ñucahuan tandalla macanacuj shina huillajcunami. Paicunapaj shuticunaca, causaipaj libropimi.

Colosenses 4:11

Justo nishca Jesús shuti huauquipish, cancunataca alli cashca cachun ninmi. Paicunallami circuncisionta rurachishcapuramantaca, Dios mandacunpi ñucataca ayudacuncuna. Paicunaca ñucata achcata cushichijcunapishmi.

1 Tesalonicenses 3:2

ñucanchij huauqui Timoteota cancunapajman cacharcanchij. Paica Taita Diospajta ruraj, Cristomanta alli huillaipi ñucanchijta ayudajmi. Paimi cancuna crishcapi sinchiyashpa alli catina yuyaita cushpa cunanga.

Filemón 1:2

Cambaj huasipi tandanacushca crijcunaman, c'uyashca pani Apiaman, alli huillaita huillashpa ñucanchij shinallataj macanacuj Arquipomanpishmi quillcanchij:

Filemón 1:24

ñucata ayudajcuna Marcos, Aristarco, Demas, Lucaspishmi alli cashca cachun nincuna.

3 Juan 1:10

Ñuca chaiman rishpaca, ñucanchijta mana alli nishpa rimashcatami paitaca cayashpa tapusha. Paica mana chaillatachu ruran, shujtaj huauquicuna chaiman chayajpipish mana chasquinchu. Maijancuna paicunapaj huasipi chasquisha nijpipish ama chasquichijchu nishpami jarcan. Chasquijcunataca tandanacushca crijcunamanta llujshichishpami cachan.

3 Juan 1:7

Paicunaca Jesusta c'uyashcamantami, paimanta huillanaman llujshircacuna. Chaimi paicunaca mana judiocunaman huillashpaca imata mana japishpa huillacuncuna.

3 Juan 1:9

Ñucaca tandanacushca crijcunamanmi quillcarcani. Ashtahuanpish Diotrefesca, paicunapurapi pai mandaj canata munashcamantami, ñucanchij quillcashpa mandashcataca mana chasquin.