3 Juan 1:2 - Dios Rimashca Shimicunami

² C'uyashca huauqui, cantaca imapipish alli cachun, Diosta alli caticushca shinallataj cambaj aichapipish alli cachunmi munani.

Mushuj Testamento Diospaj Shimi

² Cʼuyashca huauquicu, cambaj almapica allimi cangui. Chashnallataj tucui imapipish alli cachun, cambaj cuerpopipish allilla puricuchunmi Diosta mañacuni.

3 Juan 1:2 Iomraidhean Croise

Mateo 9:12

Chaita Jesús uyashpaca: –Mana ungushcacunaca jambijtaca mana mashcanchu, ungushcacunallami mashcancuna.

Filipenses 2:27

Paica ungushcataj huañunallami carca. Chashna cajpipish, Diosmi paitaca llaquirca. Mana paillatachu llaquirca, ashtahuanpish llaquicunata ama jahuanpi jahuanpi charichunmi, ñucatapish llaquirca.

Filipenses 2:4

Quiquinpajlla alli canata ama mashcaichijchu. Ashtahuanpish caishujcunapaj alli canata mashcaichij.

2 Tesalonicenses 1:3

Huauquicuna, cancunapaj crishcaca ashtahuanmi sinchiyashpa catin. Tucuicunapaj c'uyaipish shujtajcunata c'uyanapajca, cada quiquinpajmi yallijta jundan. Chaimantami cancunamantaca Taita Diosta pagui nina alli cajpi pagui nicunchijlla.

2 Tesalonicenses 2:13

Mandaj Jesús c'uyashca huauquicuna, ñucanchijca cancunamantaca Taita Diostaca pagui nicunallamari canchij. Taita Diospaj Espíritu jucha illajta rurajpi mana llullashpa huillashcata crijpi quishpichingapajmi Taita Diosca manaraj cai pachata rurashpa cancunataca agllarca.

Santiago 5:12

Ñuca huauquicunalla, cai tucuipaj q'uipaca jahua pacha nishpa, cai pacha nishpa, ima shujtajta nishpapish ama rimarichijchu. Chaipaj randica ama llaquichishca cangapaj, cancuna “ari nishcaca” ari cachun “mana nishcaca” mana cachun.

1 Pedro 4:8

Tucuimanta yallica, cancunapurapi tucui shunguhuan c'uyaj caichij. C'uyaica, achca juchacunatapish perdonachijmi.

2 Pedro 3:18

Chaipaj randica, mana c'uyaipajta c'uyaj cashcata ñucanchijta Mandaj Quishpichij Jesucristota ashtahuan rijsishpa huiñaichij. Cunanpish, huiñai huiñaitapish paica sumajmari nishca cachun. Chashna cachun.

3 Juan 1:1

Cunaj yuyaj ñucami, ñuca tucui shunguhuan c'uyashca Gayoman quillcani.

Apocalipsis 2:9

Ñucaca can imalla rurashcata, llaquicunata apacushcata, ima illajlla cashcatapish yachanimi. Chashna cashpapish achcata charijmi cangui. Judiocunami canchij nijcuna canta c'amishcatapish yachanimi. Paicunaca mana judiocunatajchu. Ashtahuanpish Satanás tandanacuna sinagogallamari.