3 Juan 1:12 - Dios Rimashca Shimicunami

¹² Demetriotaca, tucuicunami alli cashcata huillancuna. Pai ima shina causashcapish shujtajcuna allimi nishca shinallatatajmi ricuchin. Ñucanchijpish pai ima shina cashcata mana llullashpa huillashcataca cancunallataj yachanguichijmi.

Mushuj Testamento Diospaj Shimi

¹² Demetriotaca tucuicunami alli nincuna. Cashcatataj huillashcapipish, pai alli cashcataca ricuchinmi. Pai ima shina cashcataca ñucanchijllatajpish ricushcanchijmi. Ñucanchijca, imatapish chashnataj cajpi huillaj cashcataca, cancunallataj yachanguichijmi.

3 Juan 1:12 Iomraidhean Croise

Juan 19:35

Chashna tucushcata ricujmi huillani. Chashna ricushcataca ima shina cashcatataj yachashcamantami huillani. Cancunapish crichunmi, chashnaca huillani.

Juan 21:24

Chai mana huañungachu nicushca yachacujmi caicunataca huillashpa quillcan. Pai huillashcacunaca tucui chashnataj cashcatami yachanchij.

Hechos 10:22

paicunaca: –Ñucanchijca patsaj soldadocunata mandaj Cornelio cachajpimi shamunchij. Paica Taita Diosta manchaj, cashcata rurajmi. Paica judiocuna alli nishcami causan. Paimanmi jucha illaj ángel ricurishpaca: “Pedrota cambaj huasiman pushanaman cachai, pai imalla huillashcata alli uyangui” nishcami– nircacunami.

Hechos 22:12

Chaipica Ananías shuti runami causashca carca. Paica mandashcapi nishcata tucuita pajtachishpa Taita Dios yuyailla causajmi carca. Chaimantami tucui judiocunapish alli nishca carca.

Hechos 6:3

Chaimanta huauquicuna cancunapuramanta alli causaj, jucha illaj Espirituhuan junda, alli yachaj, canchis runacunata mashcaichij. Paicunaman cai trabajotaca mingangapaj.

1 Tesalonicenses 4:12

Mana crijcunapish alli nishca cangapaj, imapish mana illaj cangapajmi chashna cana canguichij.

1 Timoteo 3:7

Canllaman cajcunapish alli nishca cachun. Mana alli nishca tucushpa, diablopaj urmachinapi ñataj urmanman.

1 SAMUEL 12:4

Chaimi paicunaca: –Mana pita yanga juchachircanguichu. Mana pita llaquichircanguichu. Camarita japishcamanta shujllaman tucujpish mana carcanguichu– nircacuna.