3 Juan 1:11 - Dios Rimashca Shimicunami

¹¹ C'uyashca huauqui, millaita rurajtaca ama catishpa rurangui. Ashtahuanpish allita rurangui. Maijanpish allita rurajca Diospajmi, maijanpish millaita rurajca Diostaca manaraj ricushcachu.

Mushuj Testamento Diospaj Shimi

¹¹ Cʼuyashca huauquicu, millaita rurajcunataca ama catingui, ashtahuanpish allicuna imata rurashcatami catina cangui. Maijanpish allita rurajca, Taita Diospajmi. Maijanpish millaita rurajca, Taita Diostaca mana ricushcachu.

3 Juan 1:11 Iomraidhean Croise

SALMOS 34:14

Millaimanta anchuringui. Allita rurangui. Sumajta causanata mashcai, chashna canata ama saqui.

SALMOS 37:27

Millaita ruranamanta anchuri. Allita rurai. Huiñaitami causangui.

ÉXODO 23:2

Millaita rurajcuna achcacuna cashcallamanta ama canpish paicunahuan shuj yuyailla tucungui. Achcacuna llullacushcallamanta paicunahuan tucushpa llullashpa huillashpa ama llaquipi churangui.

PROVERBIOS 12:11

Chagrata ruraj runaca sajsajta micungapajllapish charinmi. Ashtahuanpish yuyaita mana japijllami, puricujllacunataca catincuna.

Juan 10:27

Ñuca ovejacunaca ñuca rimaitaca rijsinmi. Ñucapish paicunataca rijsinimi. Paicunaca ñucata catinllacunami.

Juan 12:26

Pipish ñucapajta ruraj casha nishpaca ñucata catichun. Ñuca maipimi cani, ñucapajta rurajpish chaipimi canga. Ñucapajta rurajcunataca, ñuca Yayami alli ninga– nircami.

Juan 3:20

Millaita rurajcunaca, tucuicunami luztaca p'iñancuna. Paicuna rurashcacuna ama ricurichunmi luzmanca mana c'uchuyashun nincuna.

1 Corintios 11:1

Cristota ñuca catij shinallataj, ñucata ricushpa catichij.

1 Corintios 4:16

Chashnami cancunataca, ñuca ima shina caj shina cachun rogani.

Efesios 5:1

C'uyashca huahuacuna cashcamanta, Diosta ricushpa catijcuna caichij.

Filipenses 3:17

Huauquicuna, ñucata ricushpa catijcuna caichij. Ñucanchij ima shina cajta ricushpa purijcunatapish ricushpa catichij.

1 Tesalonicenses 1:6

Jatun llaqui chaupipi cashpapish, jucha illaj Espíritu cushichijpimi, ñucanchij huillashcataca cushicushpa chasquircanguichij. Chaimantami ñucanchij shina, Mandaj Jesús shinapish cana yuyai tucumushcanguichij.

1 Tesalonicenses 2:14

Cristo Jesuspi caj, Diospaj tandanacushca judío crijcunataca judiocunallatajmi llaquichircacuna. Cancunatapish cancunapaj quiquin llajtapi causajcuna llaquichijpica, paicuna shinallataj llaquita apajcunami tucushcanguichij.

2 Timoteo 3:10

Ashtahuanpish canca ñuca yachachishcata catij, ñuca causashca shina causaj, ñuca yuyashca shinallataj yuyaj, ñuca shinallataj crij, ñuca shinallataj chaipitaj catiraj, ñuca shinallataj c'uyaj, ñuca shinallataj mana p'iñarij,

Hebreos 6:12

Chashna ruranataca ama q'uillanguichijchu. Chaipaj randica crishcamanta mana p'iñarishpalla Dios cusha nishcata japijcuna ima shina cashcata ricushpa allita ruraichij.

1 Pedro 3:11

Mana allita ruranamanta anchushpa, allita rurachun. Sumajta causanata mashcashpa, chaita catichun.

1 Pedro 3:13

Shina cajpica, cancuna allita caticujpica ¿pitaj cancunataca llaquichi tucungari?

1 Juan 2:29

Cristoca Dios munashcata ruraj cashcataca yachanguichijmi. Chaimanta maijanpish Dios munashcata ruraj cajpica, Diosmanta huacharishca cashcata yachaichij.

1 Juan 3:10

Diospaj huahuacuna cajtapish, diablopaj huahuacuna cajtapish ricunallami. Maijanpish cashcata mana ruraj, paipaj huauquita mana c'uyajca, mana Diospajchu.

1 Juan 4:1

C'uyashcacuna, cai pachapica achca llulla profetacunami ricurishca. Chaimanta ama tucui huillajcunata crichijllachu, Diospaj Espirituhuanchu nishpa alli ricuichij.