2 SAMUEL 9:3 - Dios Rimashca Shimicunami

³ Chaimi jatun mandajca: –Saulpaj huasi familiaca ¿manachu maijan causacunraj? Paipaj allita rurashpami Taita Dios llaquij cashcataca ricuchisha nini– nijpimi Siba runaca jatun mandajtaca: –Jonatanpaj shuj churimi causacunraj. Paica ishqui chaquicunataj patojomi– nirca.

2 SAMUEL 9:3 Iomraidhean Croise

2 SAMUEL 19:26

Chaimi Mefi-bosetca jatun mandajtaca: –Jatun mandaj, ñuca amito. Cambajta ruraj ñucaca cojo cashcamantamari burropi tiyarishpa can jatun mandajta tupangapaj risha nishpa burrota parejai nishpa mandarcani. Ñucapajta rurajmari ñucataca umarca.

2 SAMUEL 19:27

Umashpa rishpamari cambajta ruraj ñucataca jatun mandaj ñuca amoman yanga llullashca. Chashna cajpipish jatun mandaj ñuca amoca, Taita Diospaj ángel shinami cangui. Canpi ima shinami alli chaita rurapailla.

2 SAMUEL 4:4

Saulpaj churi Jonatanca, Mifi-boset churitami charirca. Paica ishquindij chaqui patojomi carca. Mifi-boset pichca huatacunayuj cajpimi, Jezreelmanta huillajcunaca Saulpish, Jonatanpish huañunmi nijpi, paita cuidacuj huarmica Mifi-bosetta japishcahuan miticushpa utca callpacujpi, chai huahuaca urmashpa patojo saquirirca.

2 SAMUEL 9:13

Mefi-bosetca, jatun mandajhuan micushpa causacushcamanta, ishqui chaquicunataj patojo cashcamantami Jerusalenpi causarca.

2 SAMUEL 9:7

Chaimi Davidca: –Ama manchaichu, ñucaca cambaj yaya Jonatanpaj c'uyaimantaca, cambaj allicunataca ruranatajmi cani. Cambaj abuelo Saúl charishca allpacunatapish tucuimi canman tigrachigrini. Canca cambaj tucui causaipimi ñucahuan micushpa causangui– nirca.

Lucas 6:36

Cancunapaj Yaya llaquij caj shinallataj, cancunapish llaquijcuna caichij.

DEUTERONOMIO 10:15

Mandaj Diosca, cancunapaj ñaupa yayacunata c'uyashpa agllanata munashcamantami paicunata agllarca. Cancunaca paicunapaj huahua huahuacunami canguichij. Chashnallatajmi cunanpish cai tucui llajtacunapuramantaca cancunata agllarca.

DEUTERONOMIO 4:37

Paica cancunapaj ñaupa yayacunata c'uyashcamantami paicunapaj q'uipa huahua huahuacunataca agllarca. Paimi Egiptomantaca, pai quiquintaj tucuita rurai tucuj cashcahuan llujshichimurca.