2 SAMUEL 8:3 - Dios Rimashca Shimicunami

³ Davidca Rehobpaj churi Soba llajtata jatun mandaj Hadad-ezertapish chashnallatajmi misharca. Chai mandajca Éufrates yacu chai llajtata cutinllataj paipaj cachun japinaman rishca cajpimi chashna misharca.

2 SAMUEL 8:3 Iomraidhean Croise

GÉNESIS 15:18

Chai punllallatajmi Mandaj Diosca, Abramman cunata ari nishpa cashna nirca: –Cambaj huahua huahuacunamanca cai llajtatami cusha. Egipto jatun yacumanta callarishpaca, Éufrates jatun yacuta catishpa,

2 SAMUEL 10:15

Siriocunaca, israelcuna paicunata mishajpi pingai tucucunchij nishpami, cutinllataj tandanacurcacuna.

2 SAMUEL 10:16

Hadad-ezer, Éufrates yacu ch'imba ladoman caj siriocunata pushanaman cachajpimi, pushanaman rijcunaca Helam puebloman chayarcacuna. Paicunaca paicunata mandaj Sobacta pushashcami chayarca. Sobacca Hadad-ezerpaj soldadocunata mandajmi carca.

2 SAMUEL 10:19

Hadad-ezerta ayudacuj tucui jatun mandajcunaca chaita ricushpami, ña paicunata israelcuna mishashca cashcata yuyarcacuna. Chaimi paicunaca israelcunahuan alli tucushpa, paicunapaj ucupi tucurcacuna. Chaimantapachami siriocunaca, amonitacunata ayudashpa israelcunahuan macanacunataca mancharcacuna.

2 SAMUEL 10:6

Amonitacunaca chaimanta David paicunahuan p'iña cashcata yachashpami, Bet-rehobpi causaj siriocunata, Sobapi causaj siriocunata chaquillahuan purij 20.000 runacunata, jatun mandaj Maacapaj 1.000 runacunata, Is-tobpaj 12.000 runacunata pagashpa pushamuchun cacharca.

2 SAMUEL 23:36

Sobamanta caj Natanpaj churi Igalpish, gadmanta caj Banipishmi carca.

1 REYES 4:21

Salomonca Éufrates yacumantaca filisteocunapaj llajtacamami tucui chai llajtacunata mandarca. Chai lindeca Egiptohuan tupanacuncamami carca. Tucui chai llajtacunami Salomonpaj tucui causaipi imalla cuna cashcata cushpa, paipajta rurashpa causarcacuna.

1 CRÓNICAS 18:3

Davidca Soba llajtata jatun mandaj Hadad-ezertapish Hamat pueblopimi misharca. Hadad-ezerca Éufrates jatun yacu c'uchupi caj llajtata cutinllataj paipaj cachun japinaman rijpimi chashna misharca.

2 CRÓNICAS 8:3

Chai q'uipaca, Soba llajtapi caj Hamat pueblopi causajcunahuan macanacushpa mishashpami, chai pueblotapish japirca.

SALMOS 60:1

Quiquin Taita Dioslla ñucanchijta shitashcanguimi. Ñucanchijtaca llaquichinguimi. Yallitajmi p'iñarishcangui. Ñucanchijpajman tigrariyari.

SALMOS 72:8

¡Paica mama cucha shuj ladomantaca, caishuj ladocamami mandanga. Jatun yacumanta callarishpaca tucui cai pachatami mandanga!

ÉXODO 23:31

Cancunapaj llajta lindetaca Puca Cuchamanta filisteocunapaj cuchacama, shitashca pambamantaca Éufrates yacucamami ña churani. Chai llajtapi causajcunatapish cambaj maquipimi churani. Canmi paicunataca cambaj ñaupajmanta llujshichina cangui.

DEUTERONOMIO 11:24

Cancunapaj chaqui maillapi sarushcaca tucuimi cancunapaj canga. Shitashca pambamanta Líbano llajtacama, Éufrates jatun yacumantaca inti huashicun ladoman caj mama cuchacamami cancunapaj llajta canga.

1 SAMUEL 14:47

Saulca, israelcunata jatun mandaj tucushca q'uipaca, muyundijpi caj paita p'iñaj cai llajtacunahuanmi macanacurca. Moab, Amón, Edom llajtacunahuanpish, Soba llajtata jatun mandajcunahuanpish, filisteocunahuanpishmi macanacushpa misharca. Maipi macanacugrishpapish paica mishajtajmi carca.