2 SAMUEL 8:1 - Dios Rimashca Shimicunami

¹ Chai q'uipaca Davidca filisteocunata mishashpa, Meteg-ama llajtata cutinllataj quichujpimi, filisteocunaca Davidpaj ucupi tucurcacuna.

2 SAMUEL 8:1 Iomraidhean Croise

2 SAMUEL 19:9

Israel aillucunaca tucuicunami achcata cashna parlanacurcacuna: “Jatun mandaj Davidca p'iñajcunapaj maquimantapish, filisteocunapaj maquimantapish ñucanchijtaca quishpichircami. Chashna cashca cashpapish Absalonta manchashcallamantami, cai llajtamantaca miticushpa rirca.

2 SAMUEL 2:24

Joabpish, Abisaipish Abnertaca ashtahuanmi catishpa rircacuna. Ña inti huashicucuitami, Gía pueblo ch'imbapurapi caj Amma urcuman chayarcacuna. Chai urcuca, Gabaonman rina shitashca pamba ñan c'uchullapimi carca.

2 SAMUEL 22:44

Ñuca llajtapi causajcuna p'iñacunmantapish quishpichircanguimi. Llajtacunata mandaj cachunmi ñucataca huaquichircangui. Mana rijsishca runacunami ñucapajta rurangacuna.

2 SAMUEL 5:17

Tucui israelcunata jatun mandaj cachun Davidta aceitehuan churashcatami filisteocunaca yachaj chayarcacuna. Chaimi tucui filisteocuna Davidta mashcanaman huichiyarcacuna. David chaita yachashpaca alli pacatucunapimi pacatucunaman uriyarca.

2 SAMUEL 5:25

Davidca Mandaj Dios mandashca shinami rurarca. Chashnami filisteocunataca Gebamantaca Gezercama catishpa huañuchirca.

2 SAMUEL 7:9

chaimantami can maita puricujpipish canhuan carcani. Canta p'iñajcunatapish cambaj ñaupajpimi tucuicunata chingachircani. Canmanca jatun shutitami curcani. Cai pachapi jatun mandajcuna shinallataj jatun mandaj cachunmi churarcani.

SALMOS 18:43

Ñuca llajtapi causajcuna p'iñacunmantapish quishpichircanguimi. Llajtacunata jatun mandajtami rurarcangui. Mana rijsishca runacunami ñucapajtaca rurarcacuna.

SALMOS 60:2

Allpata chujchuchinguimi. Chijtarijtamari chujchuchingui. Ashtahuanmari chujchucun. Chijtarishcacunataca allichihuayari.

SALMOS 60:8

Moab llajtaca ñuca maillarina bateami. Edom llajtapica ñuca pargatetami shitasha. Filisteaca ñuca mishashpa cushicunami canga” nircami.

Hebreos 11:33

Paicunaca macanacushpa mishanata crishpami llajtacunata quichushpa cashcata rurashpa mandarcacuna. Dios cusha nishcacunatapish japircacunami, leoncunapaj shimicunatapish huichcarcami.

Hebreos 11:34

Yallitaj lunyacuj ninatapish, huañuchircacunami. Espadahuan huañuchishca canamantapish quishpirircacunami. Fuerza illajcuna cashpapish, fuerzayujmi tucurcacuna. Jatun macanacuipipish c'ari c'ari shayarishpami, shujtaj llajtamanta macanacungapaj shamuj soldadocunatapish mishashpa callpachircacuna.

1 SAMUEL 7:13

Chaimi filisteocunaca israelcunata manchashpa paicunapaj llajtaman yaicungapajca cutinca ña mana tigrarcacuna. Samuel mandacui tucui punllacunapimi Mandaj Diosca filisteocunataca llaquichishpa charirca.