2 SAMUEL 7:9 - Dios Rimashca Shimicunami

⁹ chaimantami can maita puricujpipish canhuan carcani. Canta p'iñajcunatapish cambaj ñaupajpimi tucuicunata chingachircani. Canmanca jatun shutitami curcani. Cai pachapi jatun mandajcuna shinallataj jatun mandaj cachunmi churarcani.

2 SAMUEL 7:9 Iomraidhean Croise

GÉNESIS 12:2

Canmantaca shuj jatun llajtatami rurasha. Cambaj shutitaca alli nishca cachun, jatun nishca cachunmi churasha. Canmantami tucui shujtajcunapish alli nishca cangacuna.

2 SAMUEL 22:1

Davidca tucui paita p'iñajcunapaj maquimantapish, Saulpaj maquimantapish quishpichishcamantami Mandaj Diostaca cai cantohuan,

2 SAMUEL 22:30

Canhuanca achca soldadocunatapish urata janajta cachashallami. Ñuca Dioshuanca jatun pircacunatapish urmachishpa llaquichingapaj yaicushallami.

2 SAMUEL 22:43

Ñutu allpa shina tucujtami cutarcani. Ñancunapi sirij lodota shinami sarurcani. Tucuimi ñutuchircani.

2 SAMUEL 23:1

Cai shimicunaca ultimota David rimashcami: “Davidca Isaipaj churimi. Paica tucuicunapaj jahuapi churashca runami. Paitaca Jacobpaj Taita Diosmi mandaj cachun churarca. Israelcunapurapi mishqui cantota cantajca cai shimicunatami nin:

2 SAMUEL 5:10

Tucuita Mandaj Diosca Davidhuanmi carca. Davidca tucuipimi ñaupajman rirca. Tucuicuna jatunyachishcami carca.

2 SAMUEL 8:13

Chashnami Davidca tucuicuna alli nishca tucushpa catirca. Siriocunata mishashpa tigracushpaca, 18mil edomitacunatapishmi Cachi tiyan pugru pambapi ñutuchishpa shamurca.

2 SAMUEL 8:14

Davidca Edompica tucuipimi chapaj soldadocunata churarca. Chaimi tucui edomitacunaca Davidpaj ucupi tucushpa causarcacuna. Mandaj Diosca David maiman rijpipish mishachircallami.

2 SAMUEL 8:6

Chai q'uipaca Davidca, Siriapi caj Damascopica chapaj soldadocunatami churarca. Chaimantami siriocunaca, Davidpaj ucupi tucushpa tributota pagashpa causarcacuna. David maipi macanacunaman rijpipish Mandaj Diosca paitaca mishachijllami carca.

1 CRÓNICAS 17:8

chaimantami can maita puricujpipish canhuan carcani. Canta p'iñajcunatapish cambaj ñaupajmantaca, tucuicunatami anchuchircani. Canmanca jatun shutitami curcani. Cai pachapi jatun mandajcuna shinallataj jatun mandaj cachunmi churarcani.

SALMOS 21:6

Huiñaipajmi alli nishcangui. Can quiquintaj paihuan cashcahuanmi paipica cushicuita jundachishcangui.

SALMOS 89:23

Ashtahuanpish paita p'iñajcunataca, paipaj ñaupajpimi ñutusha. Mana ricunachijcunataca tucuchishami.

Lucas 1:52

Jatun tucushca mandajcunataca anchuchishpami, mana jatun tucushcacunataca jatun nishca canapi churarca.

JOSUÉ 6:27

Mandaj Diosca Josuehuanmi carca. Chaimantami Josué tucui rurashcacunaca tucui llajtapi huashan huashan yacharirca.

1 SAMUEL 18:14

Davidca imata ruranapipish, pushanapipish alli yachai sapami carca. Mandaj Diosca paihuanmi carca.

1 SAMUEL 18:30

Filisteocunata mandajcunaca cutin cutinmi israelcunahuan macanacunaman llujshij carca. Chaipica, Davidmi ashtahuan ashtahuan Saulpajta rurajcunata yalli alli imapipish llujshirca. Chashnami paipaj shutica tucuicuna alli nishca tucushpa catirca.

1 SAMUEL 2:8

Mandaj Diosmi huajchataca allpamanta jatarichin. Paimi mañashpalla causajtapish ñucumanta llujshichin. Alli nishca tiyarinata cungapaj jatun mandajcunahuan chaipi tiyachingapajmi chashna ruran. Cai pachata aparijcunapish Mandaj Diospajmari. Paimi cai pachataca chai jahuacunapi churarca.

1 SAMUEL 31:6

Saulpish, paipaj quimsa churicunapish, paipaj escudota apajpish, tucui paipaj runacunapish chai punllallatajmi tucuicuna chashna huañurcacuna.

1 SAMUEL 5:10

Chaimi Taita Diospaj arcataca Ecrón puebloman cacharcacuna. Taita Diospaj arcahuan Ecronman chayajpica chaipi causajcunaca: “Israelcunapaj Diospaj arcataca, ñucanchijtapish tucui caipi causajcunatapish huañuchingapajmari, caiman apamushcacuna” nishpami caparircacuna.