2 SAMUEL 7:3 - Dios Rimashca Shimicunami

³ Chaimi Natanca jatun mandajtaca: –Cambaj shungupi imallata yuyarishcataca chaita ruragrilla. Mandaj Diosca canhuanmari– nirca.

2 SAMUEL 7:3 Iomraidhean Croise

2 SAMUEL 7:4

Chai tutallatajmi Mandaj Diosca Natantaca:

1 REYES 1:8

Shina cajpipish Sadoc curapish, Joiadapaj churi Benaiapish, profeta Natanpish, Simei runapish, Rei runapish, Davidhuan caj tucui jatuncunapish Adoniastaca mana catircacunachu.

2 REYES 4:27

Diospaj runa maipi can urcuman chayashpaca, chai runapaj chaquicunapimi ugllarirca. Giezi runa chai huarmita anchuchingapaj c'uchuyajpimi Diospaj runaca: –Saquilla, paica yallitaj llaquillamari shamushca. Pai imamanta chashna llaquilla cashcataca, Mandaj Diosca mana huillahuashcachu– nirca.

1 CRÓNICAS 22:7

Chashna nishpaca Davidca Salomontaca: “Ñuca huahualla, Mandaj Diospajlla cachun paipaj huasitaca ñuca shayachinatami ñuca shungupi yuyarcani.

1 CRÓNICAS 28:2

Chaipi jatun mandaj David shayarishpaca: “Ñuca huauquicuna, ñuca llajtacuna caita uyaichij: Ñucaca Mandaj Dios ñucanchijhuan ari ninacushca quillcata huaquichina arcata ama maiman cuyuchingapaj, ñucanchij Dios paipaj chaquita chaipi churachunpishmi, shuj huasita shayachisha nircani. Chai huasita shayachingapajca ñami tucuita tandachircani.

1 CRÓNICAS 29:29

Jatun mandaj David callarimanta huañungacama imallata rurashcacunaca Dios huillachishcata huillaj Samuel parlashpa quillcashca libropi, profeta Natán parlashpa quillcashca libropi, Dios huillachishcata huillaj Gad parlashpa quillcashca libropipishmi quillcashca tiyacun.

2 CRÓNICAS 29:25

Ezequiasca, Mandaj Diospaj huasipica maijan levitacunataca cimbalocunapi, salteriocunapi, arpacunapi tocachunmi churarca. Diospaj huasipi cajcunata imalla ruranacunapi churanataca jatun mandaj Davidpish, Dios ricuchishca huillaj Gadpish, profeta Natanpishmi mandashcacuna carca. Ezequiasca paicuna mandashcata ricushpa, chashnatajmi levitacunata churarca. Mandaj Diosllataj, pai ima nishcata huillajcunata huillachishpa mandashca cashcamantami, Ezequiasca chashna rurarca.

SALMOS 20:4

Cambaj shungupi munashca shina cushca cachun. Can rurasha nishcacunataca tucuita pajtachichichun.

SALMOS 37:4

Mandaj Diosllahuan cushicui. Cambaj shungupi yuyashcataca paimi cunga.

1 Juan 2:27

Ashtahuanpish Jesucristomanta chasquishca Espirituca cancunapimi causacun. Chaimanta pi shujtaj yachachijtaca mana minishtinguichijchu. Cancunapi caj Espiritullatajmi, tucui imatapish yachachin. Paica cashcatataj, mana llullashpami yachachin. Pai yachachishca shina Jesucristohuan shuj shinalla catichij.

1 SAMUEL 10:7

Ñuca imalla nishcacuna pajtajpica, Diosca canhuan cashcamanta imami cambaj alli, chaitaca ruranguilla.

1 SAMUEL 14:7

Chaimi paipaj macanacunata apajca: –Cambaj shungupi imata yuyashcata rurailla, ñucapish caipimi cani can munashcata rurangapaj– nirca.

1 SAMUEL 16:7

Chaimi Mandaj Diosca Samueltaca: “Pai sumaj cashcallata, jatun runa cashcallataca ama ricuichu. Chashnacunataca ñucaca yanganchinimi. Mandaj Diosca runacuna ricuj shinallaca mana ricunchu. Runaca paipaj ñahuipi ricurishcallatami ricun. Ashtahuanpish Mandaj Diosca shungutamari ricun” nirca.