2 SAMUEL 7:2 - Dios Rimashca Shimicunami

² Chaimi jatun mandajca, profeta Natantaca: –Riqui, ñucaca cedro caspicunahuan rurashca huasipimari causacuni. Mandaj Diospaj arcaca linsocunahuan shayachishca ucullapimari tiyacun– nirca.

2 SAMUEL 7:2 Iomraidhean Croise

2 SAMUEL 11:11

Chaimi Uriasca Davidtaca: –Diospaj arcapish, israelcunapish, judacunapish carpa huasicunallapimi tiyacuncuna. Ñuca amo Joabpish, can jatun mandajpajta rurajcunapish pamballapimi dormicuncuna. Chashna cashca jahuaca ñucallachu ñuca huasiman rishpa alli micushpa, ubyashpa, ñuca huarmihuan dorminaman risha. Can jatun mandajpaj ñaupajpimi nini, chaitaca manataj rurashachu– nirca.

2 SAMUEL 12:1

Mandaj Dios Natanta Davidpajman cachajpimi paipajman shamushpaca: –Shuj pueblopimi ishqui runacuna causarca. Paicunaca shujca achcata charij, caishujca huajchami carca.

2 SAMUEL 5:11

Tiro pueblota jatun mandaj Hiramca, paipaj randi parlanacuj cachunmi maijancunata Davidpajman cacharca. Cedro caspicunatapish, carpinterocunatapish, rumicunata labrajcunatapishmi cacharca. Paicunami Davidpaj huasita rurarcacuna.

2 SAMUEL 6:17

Davidca ñaupamanmi Mandaj Diospaj arcata churanapajca shuj carpa huasita shayachishca carca. Mandaj Diospaj arcata ña chayachishpaca, chaupi huasi ucupi maipi chai arcata churanata rurachishcallapitajmi churarca. Chaipimi Davidca Mandaj Diosman cushpa tucui rupachinatapish cushpa rupachirca, sumaj causaimantapish Mandaj Diosman curca.

2 SAMUEL 7:17

Natanca tucui cai shimicunata, muscuipi shina tucui ricushcacunataca chai shinatajmi Davidmanca huillarca.

1 REYES 1:22

Betsabé huarmi jatun mandajhuan parlanacucujpirajmi, profeta Natanca chayarca.

1 REYES 1:8

Shina cajpipish Sadoc curapish, Joiadapaj churi Benaiapish, profeta Natanpish, Simei runapish, Rei runapish, Davidhuan caj tucui jatuncunapish Adoniastaca mana catircacunachu.

1 REYES 4:5

Natanpaj churi Azariasca pueblocunapi churashca mandajcunata mandajmi carca. Natanpaj churi Zabudca curami carca. Jatun mandajman yuyaita cujmi carca.

1 REYES 8:17

Ñuca yaya Davidca, israelcunata Mandaj Taita Diospaj shutipi huasita shayachinatami paipaj shungupica yuyarca.

1 CRÓNICAS 14:1

Tiro pueblota jatun mandaj Hiramca, paipaj randi parlanacujcunatami Davidpajman cacharca. Davidpaj huasita shayachichunpish cedro caspicunata, albañilcunata, carpinterocunatapishmi cacharca.

1 CRÓNICAS 16:1

Diospaj arcata chashna apamushpaca, David ñaupaman shayachishca carpa huasi chaupi pambapimi churarcacuna. Chaipimi Davidca Taita Diosman cushpa tucui rupachinatapish cushpa rupachirca, Dioshuan alli cangapajpish paipaj ñaupajpi curca.

1 CRÓNICAS 22:7

Chashna nishpaca Davidca Salomontaca: “Ñuca huahualla, Mandaj Diospajlla cachun paipaj huasitaca ñuca shayachinatami ñuca shungupi yuyarcani.

1 CRÓNICAS 29:29

Jatun mandaj David callarimanta huañungacama imallata rurashcacunaca Dios huillachishcata huillaj Samuel parlashpa quillcashca libropi, profeta Natán parlashpa quillcashca libropi, Dios huillachishcata huillaj Gad parlashpa quillcashca libropipishmi quillcashca tiyacun.

2 CRÓNICAS 1:4

Taita Diospaj arcataca Davidmi, Quiriat-jearimmanta Jerusalenman apamushca carca. Chai arcata churangapajca, Jerusalenpimi shuj carpa huasita shayachishca carca.

2 CRÓNICAS 29:25

Ezequiasca, Mandaj Diospaj huasipica maijan levitacunataca cimbalocunapi, salteriocunapi, arpacunapi tocachunmi churarca. Diospaj huasipi cajcunata imalla ruranacunapi churanataca jatun mandaj Davidpish, Dios ricuchishca huillaj Gadpish, profeta Natanpishmi mandashcacuna carca. Ezequiasca paicuna mandashcata ricushpa, chashnatajmi levitacunata churarca. Mandaj Diosllataj, pai ima nishcata huillajcunata huillachishpa mandashca cashcamantami, Ezequiasca chashna rurarca.

2 CRÓNICAS 9:29

Salomón ashtahuan imallata rurashcamantaca, Dios ricuchishcata huillaj Natán quillcashcapi, profeta Ahías ñaupaman huillashpa quillcashcapi, Dios ricuchishcata huillaj Iddo quillcashcapipishmi callarimantapacha tucuita quillcashca tiyacun. Ahiasca, Silo pueblopimi causarca. Paicunapaj quillcacunapica, Nabatpaj churi Jeroboammanta huillashcapishmi tiyacun.

SALMOS 132:2

Mandaj Dioslla David cambajta rurashatajmi nishcata yuyariyari. Paica Jacobpaj tucuita rurai tucuj Mandaj Diospaj rurashatajmi nishpaca cashnami nirca:

SALMOS 132:5

Mandaj Diospaj huasita maipi rurangacama manataj samarishachu. Jacobpaj tucuita rurai tucuj causanata maipi rurangacama manataj samarishachu” nircamari.

ÉXODO 40:21

Chai arcataca Diospaj carpa huasi ucuman yaicuchishpami, chai huasi ucutaca shuj ladomanta caishuj ladocama linsota huarcushpa churarca. Chashna rurajpimi Mandaj Dios Moisesta mandashca shinallataj Dioshuan ari ninacushca quillcata huaquichina arcaca pacashca saquirirca.

HAGEO 1:4

“Diospaj huasi ¿shitashca siricujpirajchu cancunaraj achij nicuj sumaj huasicunapi causacunguichij, imamí?” ninmi.

Juan 2:17

Chaita ricushpami paipaj yachacujcunaca: “Cambaj huasita llaquishcamanta huañucunimi” nishpa quillcashca tiyashcata yuyarircacuna.

Hechos 7:46

Davidca Taita Dios yallitaj c'uyashca cashpami, paitaca Jacobpaj taita Dios ñucaca cambaj huasita rurasha ninimi nishpa mañarca.