2 SAMUEL 5:9 - Dios Rimashca Shimicunami

⁹ Davidca chai sinchi pircayuj pueblopimi causarca. Chaitaca: “Davidpaj pueblo” nishpami shutichirca. Chai pueblo muyundijtaca allpata jundachishcamanta callarishpa, pai mandashpa tiyana huasicamami muyundijta jatun pircata rurachirca.

2 SAMUEL 5:9 Iomraidhean Croise

2 SAMUEL 5:7

Chashna nicujpipish Davidca, sinchi pircayuj Siontaca paimi japirca. Chai puebloca cunanca Davidpaj pueblomi.

2 SAMUEL 5:8

Chai punllallatajmi Davidca: “Jebuseocunata maijanpish huañuchisha nijcunaca yacu rina larca ucuta rishpa, ñahui mana ricujcunata, patojocunata huañuchigrichij. Chaicunataca Davidca shungumantatajmi p'iñani” nircami. Chaimantami: “Mandaj Diospaj huasimanca ñahui mana ricujcuna, patojocunapish mana yaicunachu” nishca tiyan.

2 SAMUEL 6:10

Mandaj Diospaj arcataca paipaj pueblopi caj paipaj huasimanca mana apashpa, geteo Obed-edompaj huasiman apachun mandarca.

1 REYES 11:27

Salomón paipaj yaya Davidpaj pueblopi pugru pugrupi allpata jundachishpa, chai pueblo muyundijta pircachishcamantami Jeroboamca jatun mandaj Salomonhuanca p'iñarirca.

1 REYES 2:10

David paipaj ñaupa yayacunahuan dormijpica, paipaj pueblollapitajmi pambarca.

1 REYES 9:15

Jatun mandaj Salomonca, Mandaj Diospaj huasita, pai mandashpa tiyana huasita rurangapaj, pugru pugrupi allpata jundachichingapaj, Jerusalén muyundij pircatapish rurangapaj, shinallataj Hazor pueblotapish, Meguido pueblotapish, Gezer pueblotapish shayachingapajmi gentecunata tandachishpa mirga mirgata churarca.

1 REYES 9:24

Faraonpaj ushushica Davidpaj pueblomantami Salomón chai huarmipaj rurashca huasiman huichi rirca. Salomonca pugru pugrupipish allpata jundachircami.

2 REYES 12:20

Joastaca paipajta rurajcunallatajmi, shujtajcunahuan huashalla yuyarinacushpa, pugru pugrupi allpata jundachishpa rurashca huasipi huañuchircacuna. Sila puebloman uriyacujpimi,

2 REYES 12:21

Joastaca Simeatpaj churi Josacar, Somerpaj churi Jozabad paipajta rurajcunallataj chugrichishpa huañuchircacuna. Paitaca paipaj ñaupa yayacunata churashcallapitajmi, Davidpaj pueblopi churarcacuna. Paipaj randica paipaj churi Amasiasmi mandarca.

1 CRÓNICAS 11:8

Chai pueblo muyundijtaca pugru pugrupi allpata jundachishcamanta callarishpaca, chai pueblo muyundij jatun pirca c'uchucamami pueblota rurachirca. Caishuj mirga pueblotaca, Joabmi allichirca.

2 CRÓNICAS 32:5

Ezequiasca, c'ari c'ari cana yuyaita japishpami, chai pueblo muyundij jatun pircata allichirca. Shinallataj chai jatun pirca jahuapipish torrecunatami rurachirca. Chai jatun pirca canlla ladomanpish shujtaj jatun pircatami rurachirca. Davidpaj pueblopi caj Milo nishca pamba muyundij pircatapishmi ashtahuan sinchita rurachirca. Shinallataj achca espadacunatapish, escudocunatapishmi rurachirca.

NEHEMÍAS 3:15

Yacu pugyuman llujshina pungutaca Colhozepaj churi Salummi allichirca. Paica Mizpa llajtata mandajmi carca. Punguta churana patacunata allichishpa punguta churashpaca cerraduracunata, cerrojocunatapishmi churarca. Pircatapish jatun mandajpaj jardín c'uchullapi caj Siloé tanque c'uchumantaca, Davidpaj puebloman uriyamuna gradacunacamami pircarca.

SALMOS 122:3

Jerusalenca shuj pueblota paicunapurallata alli tandachishpa shayachishca shinami.

ISAÍAS 29:1

Ariel pueblolla, Ariel pueblolla, David causana pueblolla ¡aij imachari tucunga! Huatanta huatanta jatun fiestacunata ruracuichijllatagari.

JUECES 9:20

Mana chashna cashca cajpica, Siquempi causajcunatapish Milopi causajcunatapish Abimelecmanta nina llujshishpa, tucuchishca cachun. Siquempi causajcunamantapish, Milopi causajcunamantapish nina llujshishpa Abimelectapish tucuchishca cachun” nircami.

JUECES 9:6

Siquempi causajcunaca Milopi causajcunandij tandanacushpami, Siquem pueblo c'uchullapitaj shuj jatun pilar tiyan pambapi tandanacurcacuna. Abimelectaca, paicunata jatun mandaj cachunmi churarcacuna.