2 SAMUEL 5:4 - Dios Rimashca Shimicunami

⁴ Davidca mandai callarinapajca quimsa chunga huatayujmi carca. Paica chuscu chunga huatacunatami mandarca.

2 SAMUEL 5:4 Iomraidhean Croise

GÉNESIS 41:46

Joseca Egiptota jatun mandaj faraonpaj ñaupajman pushanapajca quimsa chunga huatayujmi carca. Paica faraonpajmanta rishpaca, Egiptopi tiyaj tucui pueblocunatami ricushpa purirca.

1 REYES 2:11

Davidca israelcunataca chuscu chunga huatacunatami mandarca. Canchis huatacunataca Hebronpimi mandarca. Quimsa chunga quimsa huatacunataca Jerusalenpimi mandarca.

1 CRÓNICAS 26:31

Hebronpaj huahua huahuacunataca, Jeriasmi mandacurca. Hebronpaj huahua huahuacunataca paicunapaj ñaupa yayacunamanta mirarishcacunata paicunapurallata ch'icanyachishcacunataca Davidca, ña chuscu chunga huatacunata mandacushpami, paicunapaj shuticunata quillcashpaca, Galaad llajtapi caj Jazer pueblopi causajcunapurapi alli yuyaiyuj, c'ari c'ari runacuna tiyashcata japirca.

1 CRÓNICAS 29:27

Davidca tucuimantaca chuscu chunga huatacunatami israelcunata mandarca. Canchis huatacunataca, Hebronpimi mandarca. Quimsa chunga quimsa huatacunataca, Jerusalenpimi mandarca.

1 CRÓNICAS 3:4

Davidca, chai sujta churicunataca Hebronpi causacushpami charirca. Chaipica canchis huata, sujta quillatami mandarca. Jerusalenpica quimsa chunga quimsa huatatami mandarca.

NÚMEROS 4:3

Paicunataca quimsa chunga huatata charijmanta huichiman, pichca chunga huatacama charijcunata Dioshuan tupanacuna carpa huasipi rurana cashcata rurai tucuipajcunallata quillcangui.

Lucas 3:23

Jesusca pai rurana cashcata rurai callarinapajca, quimsa chunga huata shinatami charirca. Paitaca, Josepaj churi cashcallatami yuyarcacuna. Joseca, Elipaj churimi.