Biblia Todo Logo
Bìoball air-loidhne

- Sanasan -




2 SAMUEL 5:3 - Dios Rimashca Shimicunami

3 Israelcunata tucui cunaj yuyajcunapish Hebronmanmi jatun mandajpajman shamurcacuna. Chaipimi jatun mandajca paicunahuanpish Hebronpica Mandaj Diospaj ñaupajpi ari ninacurcacuna. Chaipimi paicunaca tucui israelcunata jatun mandaj cachun Davidtaca aceitehuan churarcacuna.

Faic an caibideil Dèan lethbhreac




2 SAMUEL 5:3
16 Iomraidhean Croise  

Judá llajta runacuna shamushpami, Davidtaca aceitehuan churashpa Judá llajtata jatun mandaj cachun churarcacuna. Galaad llajtapi caj Jabes pueblopi causajcunami Saultaca pambarcacuna nishpami Davidmanca huillarcacuna.


Cancunapaj amo Saúl huañujpipish, fuerzarishpa c'ari c'ari sinchi maquicuna tucuichij. Judá llajtapi causajcunaca paicunata jatun mandaj cachunmi ñucataca aceitehuan churancuna” nircami.


Chaipimi Abnerca Davidtaca: –Ñuca amo jatun mandajpajman tucui israelcunata tandachingapajmi rigrini. Paicunata ari nichishpami, can jatun mandajca cambaj shungu yuyashca shina mandangui– nijpimi Davidca Abnertaca minchacama nirca. Abnerpish cushicuihuan rircallami.


Chaipimi Sadoc curahuan, profeta Natanhuanca Salomontaca aceitehuan churashpa israelcunata jatun mandajmi cangui nina canguichij. Trompetapi tocashpami: ¡Viva jatun mandaj Salomón! nina canguichij.


Chai q'uipami Joiadaca, jatun mandajtapish, tucui gentecunatapish Mandaj Dios nishcata pajtachishpa causanata ari nichirca. Paicunaca Dios agllashca pueblo nishca cachunmi chashna ari nichirca. Jatun mandajpish ima shinalla mandanata, gentecunapish ima shina jatun mandajta cazunatami ari nichirca.


Tucui Israel aillucuna Hebronpi Davidhuan tandanacushpaca: “Caipi cajcunaca tucuicunami cambaj tullu, cambaj aicha canchij.


Israelcunata tucui cunaj yuyajcunapish Hebronmanmi jatun mandajpajman shamurcacuna. Chaipimi jatun mandajca paicunahuanpish Hebronpica Mandaj Diospaj ñaupajpi ari ninacurcacuna. Chaipimi paicunaca Mandaj Dios Samuelta huillachishca shinallataj israelcunata jatun mandaj cachun Davidtaca aceitehuan churarcacuna.


Shina cajpipish, israelcunata Mandaj Taita Diosca ñuca yayapaj tucui huasi ucupuramanta agllashpami huiñaipaj israelcunata jatun mandaj cachun churahuashca. Chashna rurangapajca Judá aillutamari tucui Israelcunata mandaj cachun agllashca. Judá aillumantaca ñuca yayapaj huasi ucupuracunatamari agllarca. Ñuca yayapaj huasi ucupuramantaca tucui israelcunata jatun mandaj cachunca ñucatamari munashca.


Chai q'uipaca Joiada curaca, tucui chaipi cajcunatapish, jatun mandajtapish Mandaj Diospajllata rurashpa causachun ari nichirca.


Cutin ama chashna tucungapajmi ñucanchijca pajtachingapajtaj ari nishpa shuj quillcata quillcashpa, chaipica ñucanchij llajtata mandajcunapaj, ñucanchij levitacunapaj, ñucanchij curacunapaj firmahuan saquinchij.


Israelcunata cunaj yuyajcunata tandachishpa cashna nigri: Cancunapaj ñaupa yaya Abrahampaj, Isaacpaj, Jacobpaj Mandaj Diosmi ñucaman ricurishpa cashna nin: Cancunata Egiptopi ima shinalla llaquichicujta ricushpami, cancunata ricuj shamurcani.


Chai q'uipaca Josueca, tucui israelcunandij Eglón pueblomanta Hebrón puebloman huichiyashpami, chaipi causajcunahuan macanacunalla shayarirca.


Jefteca Galaad llajtata cunaj yuyajcunahuanmi rirca. Galaadpi causajcunaca paicunata pushaj, mandaj cachunmi agllarcacuna. Mizpa pueblopimi, Jefteca ñaupaman imalla nishcacunataca Mandaj Diospaj ñaupajpi cutin chashnallataj nirca.


Tucui israelcuna Gilgalman rishpami, Saultaca Mandaj Diospaj ñaupajpi jatun mandaj cashpa churarina churanata churachircacuna. Mandaj Dioshuan alli cangapajpish paipaj ñaupajpi sacrificiota cushpami Saulpish, tucui israelcunapish achcata cushicurcacuna.


Chaimi Samuelca, aceitehuan caj gachuta japishpaca, paipaj huauquicunapaj chaupillapitaj Davidtaca aceitehuan churarca. Chai punllamanta pachami Mandaj Diospaj Espirituca Davidpaj jahuaman shamurca. Chai q'uipaca Samuelca jatarishpa Ramá puebloman tigrarcallami.


Chashna ruranataca paicunaca Mandaj Diospaj ñaupajpimi ishquindijtaj ari ninacurca. Davidca Hores urcullapitajmi saquirirca. Jonatanca paipaj huasiman tigrarcallami.


Lean sinn:

Sanasan


Sanasan