Biblia Todo Logo
Bìoball air-loidhne

- Sanasan -




2 SAMUEL 5:2 - Dios Rimashca Shimicunami

2 Saúl ñucanchijpaj jatun mandaj cajpipish, israelcunataca canmari macanacuiman pushaj carcangui. Canllatajmari tigrachimuj carcangui. Mandaj Diosmi cantaca: Ñuca israelcunataca can michingui. Canmi tucui israelcunata mandaj cangui nishcami carca” nircami.

Faic an caibideil Dèan lethbhreac




2 SAMUEL 5:2
27 Iomraidhean Croise  

Ashtahuanpish paipaj arcoca tucuitami mishanga. Paipaj maquicunaca sinchimi canga. Jacobpaj Sinchi maquicunamantami chashna canga. Israelcunata Michijmanta, israelcunata Pacaj rumimantami chashna canga.


Chaimi Davidca Micaltaca: –Mandaj Diosmari ñucataca cambaj yayatapish, cambaj huasi ucupuracunatapish yalli ñucata munashpa pai Mandaj Dios agllashca israelcunata jatun mandaj cachun churarca. Chaimi Mandaj Diospaj ñaupajpi chashna rurarcani. Chaimanta Mandaj Diospaj ñaupajpica tushushami.


Tucui chaicunapi israelcunahuan puricushpaca, paicunataca ima shimicunata mana rimashcanichu. Ñuca israelcunata michinaman cachacushpapish, ñucapaj huasita cedro caspicunahuan ruraichij nishpa maijanta mana nishcanichu.


Ñucapajta ruraj Davidtaca cashna nigri: Tucuita Mandaj Diosca cashnami nin: Ovejacunata michishpa, ovejacunapaj corralpi cuidashpa puricujta japishpami, ñuca israelcunata mandaj cachun churarcani,


“Ñuca agllashcacunata mandaj Ezequiaspajman tigrashpa cashna ni: Cambaj ñaupa yaya Davidpaj Mandaj Diosca cashnami nin: Can mañashcatapish uyanimi. Can huacashcatapish ricunimi. Cantaca alliyachigrinimi, quimsa punllapica Mandaj Diospaj huasiman huichiyanguimi.


Saúl ñucanchijpaj jatun mandaj cajpipish, israelcunataca canmari macanacuiman pushaj carcangui. Canllatajmari tigrachimuj carcangui. Mandaj cambaj Diosmi cantaca: Canmi ñuca agllashca tucui israelcunataca michingui. Ñuca agllashca israelcunataca canmi mandangui nishcami” nircacunami.


Cai tucuicunapaj ñaupajpi tiyashpa mandai tucungapajca canllataj yachaisapa cantapish, alli yuyaitapish cuhuaiyari. Can agllashca yallitaj achcacunataca pitaj mandai tucungari” nircami.


Paica ovejacunata michij shinami paipaj ovejacunataca michinga. Malta c'ari ovejacunataca paipaj rigrapimi apanga. Marcashpami apanga. Cunanlla huacharishca llullu bachujcunatapish sumajta cuidashpami michinga.


Riqui, ñucami paitaca gentecunaman ñucamanta huillaj cachun churarcani. Llajtacunata mandaj cachun, yachachij cachunpishmi churarcani.


Shinallataj chai ovejacunata michichunca, ñucami shuj michijta agllasha. Ñucata servij Davidtami churasha, paimi chai ovejacunataca michinga.


Chai Mandajca, Mandaj Diospaj tucuita rurai tucuj sumaj cashcahuanmi, pai agllashcacunataca michinga. Chaipica paicunaca sumaj causaitami charingacuna. Mandaj Dios jatunyachishca cashpami, chai mandajca tucui cai pachata mandanga.


Mandaj Dios agllashca israelcunaca michij illajlla ama saquirichun shuj pushajta churahuai. Paica israelcunapaj puntapi llujshichun. Israelcunapaj puntapi yaicuchun. Maiman llujshichishpapish maiman yaicuchishpapish pai pushachun churahuai– nirca.


“Judapi caj Belenlla, canca jatun nishcami cangui. Judapi mandajcunapurapica, manataj uchillaca canguichu. Canmantami shuj pushaj llujshinga. Ñucapaj caj israelcunataca, paimi michinga” ninmi– nircacunami.


Ñucaca alli michijmi cani. Alli michij cashcamanta ñuca ovejacunamantaca huañushami.


Tucui imalla tiyajcunapish Dios rurashcami. Paillamantatajmi tucui imapish tiyan. Diosca tucui paipaj huahuacunata paipaj sumaj llajtaman pushanatami munan. Chaipajca Cristotami llaquita apashpa, cashcata ruraj paicunapaj quishpichij cachun churarca.


Cunanca canca mana unita mandanguichu. Mandaj Dios mandashcata canllataj mana huaquichishcamantami, Mandaj Diosca pai agllashcacunata mandachunca, pai munashcata ruraj runa mandachun pai agllashca runata churanga– nircami.


Mandaj Diosca Samueltaca: –Israelcunata ama jatun mandaj cachun Saulta ñuca ña anchuchishcamantaca ¿maicamataj huacacunguilla? Can charicun gachupi aceiteta jundachishpa, Belenpi causaj Isaipajman ri. Ñucaca paipaj churicunamanta shujtami jatun mandaj cachun ña agllarcani– nircami.


Saulca Davidtaca, 1.000 soldadocunata mandaj cachun churashpami, paipaj c'uchumanta anchuchirca. Chaimi Davidca, soldadocunata ñaupashca llujshij carca. Ñaupashca tigraj carca.


Ashtahuanpish soldadocunaca Davidca rinapipish tigranapipish alli pushajpimi tucui israelcunapish, judacunapish Davidtaca ashtahuan c'uyarcacuna.


Davidca Saúl maiman cachajpipish, rijllami carca. Imata ruranapipish allimi llujshij carca. Chaimi Saulca paipaj soldadocunata mandaj cachun churarca. Paica tucui soldadocunapish, Saulpajta rurajcunapish alli nishcami carca.


Cambajta ruraj ñuca p'iñachishcacunata perdonapai. Can ñuca amoca Mandaj Dios mandajllapimi macanacungui. Tucui cambaj causaipi ima llaqui mana tiyangachu. Can ñuca amopaj tucui huasi familiaca huahua huahua huiñai huiñaita sinchi caticuchunlla.


Mandaj Diosca can ñuca amopaj imalla allita rurasha nishcataca pajtachichun. Israelcunata mandaj cachunpish churachun.


“Caya cai horas shinallatajmi, ñucaca Benjaminpaj llajtamanta shuj runata cambajman cachasha. Paitaca ñucapaj caj israelcunata mandaj cachun aceitehuan churangui. Paimi ñucapaj cajcunataca filisteocunapaj maquimanta quishpichinga. Ñucapaj cajcuna llaquita apacujtaca ricunimi. Paicuna caparishpa mañashcapish ñucapajmanmi chayan” nirca.


Lean sinn:

Sanasan


Sanasan