2 SAMUEL 4:8 - Dios Rimashca Shimicunami

⁸ Is-bosetpaj umataca David Hebronpi cajpi paipajman apamushpami jatun mandajtaca: –Canta p'iñashpa huañuchisha nishpa catishpa purij Saulpaj churi Is-bosetpaj umaca caipimi. Cunanca ñuca amito jatun mandajlla, Mandaj Diosmi Saulpaj huahua huahuacunataca tucuita huañuchichishca– nircami.

2 SAMUEL 4:8 Iomraidhean Croise

2 SAMUEL 18:19

Chai q'uipami Sadocpaj churi Ahimaasca Joabtaca: –Jatun mandajmanca canta p'iñajpaj maquimantaca Mandaj Diosca ñami quishpichishca nishpa huillanaman callpasha– nirca.

2 SAMUEL 18:31

Chai q'uipaca etíope runa chayamushpami: –Jatun mandaj ñuca amopajca alli huillaitami apamuni. Mandaj Diosca canta p'iñashpa jatarij tucuicunapaj maquimantaca ñami quishpichin– nirca.

2 SAMUEL 2:8

Saulpaj soldadocunata mandaj Abnerca, Nerpaj churimi carca. Paica Saulpaj churi Is-bosetta, Mahanaim puebloman pushashpa rishpami,

2 SAMUEL 22:48

Paica ñucata llaquichijcunata llaquichij Diosmi. Gentecunata ñuca ucupi churaj Diosmi.

SALMOS 71:24

Ñucata llaquichina yuyailla cajcunataca pingaichircanguimi, muspachircanguimi. Chashna cashcata rurashcamantaca ñuca c'alluca tucui punlla huillacungallami.

Mateo 2:20

“Jatari, huahuata paipaj mamandij pushashpa Israelman tigrai. Huahuata huañuchishun nicujcunaca ñamari huañun” nirca.

Apocalipsis 18:20

Chai pueblo chashna tucushcamantaca cielopi tucui tiyajcunapish, Diospajlla cajcunapish, apostolcunapish, profetacunapish cushicuichij. Cancunata llaquichishcamantaca Diosca paicuna ima shina rurashca shinallatajmi paicunatapish llaquichishca”.

Apocalipsis 6:10

Paicunaca: “Jatun Dioslla canca jucha illaj, imata rurasha nishcatapish rurajtajmi cangui. Allpapi causajcuna yahuarta jichashpa ñucanchijta huañuchishcamantaca ¿paicunataca maicamataj manaraj llaquichishpa shuyacungui?” nishpami sinchita caparircacuna.

1 SAMUEL 18:11

Chaipimi Saulca Davidtaca, pataman pasajta lanzahuan shitasha nishpa, lanzahuan shitarca. Ashtahuanpish Davidca ishqui cutinmi mana japichirca.

1 SAMUEL 19:1

Saulca paipaj churi Jonatantapish, paipajta rurajcunatapish Davidta huañuchichij nishpami mandarca. Ashtahuanpish Saulpaj churi Jonatanca, Davidtaca yallitaj c'uyashpami,

1 SAMUEL 19:15

Saulca huillashpa purijcunataca: –Davidta ricushpa camandij apamugrichij huañuchichun– nishpami, cutinllataj cacharca.

1 SAMUEL 20:1

Chai q'uipami Davidca, Ramá pueblopi caj Naiot pueblomanta miticushpa rishpa, Jonatanpajman rishpaca: –Cambaj yaya ñucata huañuchisha nishpa mashcashpa purichunca, ñucaca cambaj yayata p'iñachishpa ¿imatataj rurashcaniyari? ¿ima millaitataj rurashcaniyari? ¿ima juchatataj rurashcaniyari?– nirca.

1 SAMUEL 23:15

Davidca Saúl paita huañuchingapaj mashcashpa puricujta yachashpami, Zif shuti shitashcapi caj Hores urcupi miticushpa causacurca.

1 SAMUEL 24:4

Chaipimi Davidhuan caj runacunaca: –Riqui, canta p'iñajtaca cambaj maquipimi churashca. Paitaca can munashca shina imatapish ruranguilla nishpa Mandaj Dios nishca punllami pajtashca– nijpimi, Davidca jatarishpa upajlla rishpaca, Saulpaj jahua churana mirgata p'itirca.

1 SAMUEL 25:29

Maijan canta catirashpa llaquichingapaj jatarishpa huañuchinata yuyacujpipish, ñuca amo cantaca Mandaj Diospaj ñaupajpi causajcunahuan tandachishpami tucui cambaj causaipi cuidanga. Canta p'iñajcunapaj causaitaca rumita huaracapi churashpa shitaj shinami Mandaj Diosca chingachinga.