2 SAMUEL 4:7 - Dios Rimashca Shimicunami

⁷ Paicuna yaicunapajca, Is-bosetca pai dormina huasi ucu camapimi dormicushca carca. Chaimi paicunaca chugrichishpa huañuchishpa cungata p'itishpa, umataca apashpa Arabaman rina ñanta tucui tuta rircacuna.

2 SAMUEL 4:7 Iomraidhean Croise

2 SAMUEL 2:29

Abnerpish, paihuan cajcunapish chai tutaca tucui tutami Arabata rircacuna. Bitrón chaita Jordán yacuta ch'imbashpami Mahanaimman chayarcacuna.

ÉXODO 8:3

Jatun yacumantaca yallitaj t'imbucuj sapocuna llujshishpami, cambaj huasipi, can causana ucupi, can dormina camapi, cambajta rurajcunapaj huasicunapi, tucui cai pueblopi, cambaj hornocunapi, tandapaj masana artesacunapipish yaicushpa jundaringacuna.

Mateo 14:11

Juanpaj umata platopi apamushpa, chai huambraman cujpi huambraca paipaj mamamanmi curca.

1 SAMUEL 17:51

Davidca callpashpa rishpami chai filisteopaj jahuapi shayarishpaca, paipaj espadallatataj huaquichishcamanta llujshichishpa tucui huañuchirca. Chai espadallahuantajmi umata p'itirca. Filisteocunaca macanacuicunapi paicunapaj mishaj huañujta ricushpaca miticungapajmi callparcacuna.

1 SAMUEL 17:54

Davidca filisteopaj umataca Jerusalenmanmi apamurca. Filisteopaj macanacunacunataca, Davidca paipaj carpa huasipimi churarca.

1 SAMUEL 31:9

Chaipimi Saulpaj umata p'itishpa, paipaj macanacunatapish llujshichishpa aparcacuna. Chaicunahuanmi huillajcunataca filisteocunapaj tucui llajtacunapi causajcunamanpish, paicunapaj rurashcalla dioscunata yuyarina huasicunapipish, ricuchishpa huillashpa cushichichun cacharcacuna.