2 SAMUEL 3:8 - Dios Rimashca Shimicunami

⁸ Is-boset chashna nijpica, Abnerca achcata p'iñarishpami: –¿Ñucaca Judá llajtapi causajcunapajca allcu shina yangallachari causashari? Ashtahuanpish ñucaca cambaj yaya Saulpaj huasi ucupurataca caicamaca achcatamari llaquicuni. Cambaj huauquicunatapish, canhuan alli apanacujcunatapish Davidpaj maquipica mana churarcanichu. Chai jahuamari cunanca chai huarmipi chayarishpa juchallishcangui nishpa juchachingui.

2 SAMUEL 3:8 Iomraidhean Croise

2 SAMUEL 16:9

Chaimi Sarviapaj churi Abisaica jatun mandajtaca: –Cai huañushca allcutajlla runaca ¿ima nishpataj jatun mandaj ñuca amotaca cashna llaqui tucushca canman nicunchu imamí? Paipaj umata cunantaj p'itingapaj ñucata cachai– nirca.

2 SAMUEL 2:8

Saulpaj soldadocunata mandaj Abnerca, Nerpaj churimi carca. Paica Saulpaj churi Is-bosetta, Mahanaim puebloman pushashpa rishpami,

2 SAMUEL 3:18

Cunanca jatun mandaj cachun churaichijlla. Mandaj Diosca Davidmanca cashnami rimashca: Ñucapajta ruraj Davidhuanmi ñuca israelcunataca filisteocunapaj maquimantapish, tucui paicunata p'iñajcunapaj maquimantapish llujshichisha” nircami.

2 SAMUEL 3:9

Chaimanta cunanca Mandaj Dios Davidman imallata cusha nishca shina ñuca mana rurashpa,

2 SAMUEL 5:2

Saúl ñucanchijpaj jatun mandaj cajpipish, israelcunataca canmari macanacuiman pushaj carcangui. Canllatajmari tigrachimuj carcangui. Mandaj Diosmi cantaca: Ñuca israelcunataca can michingui. Canmi tucui israelcunata mandaj cangui nishcami carca” nircami.

2 SAMUEL 9:8

Chaimi Mefi-boset cumurishpaca: –Cambajta ruraj ñucaca can chashna ñucata ruranapajca ¿imataj caniyari? Ñucaca huañushca allcu shinallamari cani– nirca.

2 REYES 8:13

Shina nijpi Hazaelca: –Cambajta ruraj ñucaca allcu shina yangallami cani. Maitataj chai jatun llaquitaca rurashari– nijpimi Eliseoca: –Mandaj Diosca Siria llajtata jatun mandaj can tucunatamari ricuchin– nirca.

SALMOS 76:10

Runacuna p'iñarijpica quiquinca ashtahuan jatun nishcami tucungui. Quiquin p'iñarishpa llaquichijpi saquirishcacunatapish cumurichinguirajmi.

ISAÍAS 37:23

¿Pitataj mana alli shimicunahuan rimarcangui? ¿Pita p'iñashpataj c'amircangui? ¿Pitataj caparirishpa c'ariyarcangui? ¿Pitataj jatun tucushca ñahuihuan ricurcangui? Israelcunapaj jucha illaj Diostami chashna rurarcangui.

DEUTERONOMIO 23:18

Mandaj Dios cancunapaj Taita Diosman imata cushatajmi nishcataca cullqui jahua huainayaj huarmi cushca cullquitapish, allcu shina runa cushca cullquitapish ama apamunguichijchu. Chaicunaca caishujpish chaishujpish Mandaj Dios millanachinami.

1 SAMUEL 15:28

Chaimi Samuelca, Saultaca: –Cantapish Mandaj Diosca cunanllatajmi israelcunata mandaj canamanta p'itishpa cambaj llajtallamantataj caj shujtaj canta yalli alli runaman mandachun cun.

1 SAMUEL 17:43

Chaimi filisteoca Davidtaca: –¿Ñucaca allcuchari caniyari. Can ñucapajman caspicunahuan shamunapajca?– nishpami Davidtaca ñuca dioscuna llaquichishca cachun nirca.