2 SAMUEL 3:1 - Dios Rimashca Shimicunami

¹ Saulpaj familiahuan Davidpaj familiahuanca macanacucujllami carca. Davidmi ashtahuan ashtahuan mishashpa catirca. Saulpaj familiaca debilyashpami catirca.

2 SAMUEL 3:1 Iomraidhean Croise

GÉNESIS 3:15

Cunanca canhuan, huarmihuanca p'iñanacuipimi churani. Cambaj huahua huahuacunahuanpish, huarmipaj huahua huahuacunahuanpish p'iñanacuipimi churani. Huarmipaj huahua huahuapurami cantaca umapi sarunga. Canca chaqui talonllapimi chugrichingui– nirca.

2 SAMUEL 2:17

Chashna tucujpimi chai punllaca yallitaj p'iñarinacushpa caishuj soldadocunapish macanacushpa Abnertapish, israelcunatapish Davidpajta rurajcuna misharcacuna.

2 SAMUEL 2:28

Chashna nishpa gachupi Joab tocajpica, tucuicuna chaillapi saquirishpa israelcunataca ña mana ashtahuan catirashpa llaquichircacunachu. Ña mana ashtahuan macanacurcacunachu.

2 SAMUEL 22:44

Ñuca llajtapi causajcuna p'iñacunmantapish quishpichircanguimi. Llajtacunata mandaj cachunmi ñucataca huaquichircangui. Mana rijsishca runacunami ñucapajta rurangacuna.

2 SAMUEL 3:6

Saulpaj familiahuan Davidpaj familiahuanca macanacushpa caticurcallami. Saulpaj familiataca Abnerllami yuyaita cushpa mandashpa catirca.

2 SAMUEL 5:10

Tucuita Mandaj Diosca Davidhuanmi carca. Davidca tucuipimi ñaupajman rirca. Tucuicuna jatunyachishcami carca.

1 REYES 14:30

Roboamhuan, Jeroboamhuanca tucui paicunapaj causaipimi macanacucujlla carca.

1 REYES 15:16

Judata jatun mandaj Asahuan, Israel llajtata jatun mandaj Baasahuanca tucui causaipimi macanacucurcallacuna.

1 REYES 15:32

Asahuan, israelcunata jatun mandaj Baasahuanca tucui paicunapaj causaipimi macanacucujlla carca.

1 CRÓNICAS 11:9

Tucuita Mandaj Diosca Davidhuanmi carca. Davidca tucuipimi ñaupajman rirca. Tucuicuna jatunyachishcami carca.

1 CRÓNICAS 3:1

Davidca, Hebronpi causacushpaca cai churicunatami charirca: Amnón punta churitaca Jezreel pueblomanta caj Ahinoam huarmipimi charirca. Chaipaj q'uipaca, Danieltami charirca. Paitaca, Carmel pueblomanta caj Abigail huarmipimi charirca.

ESTER 6:13

Ña chayashpaca, Zeres shuti paipaj huarmimanpish, paihuan apanacujcunamanpish tucuitami parlarca. Chaita parlajpimi, paiman yuyaita cuj jatun yachajcunapish, paipaj huarmi Zerespish: –Chai Mardoqueo runa, judiocunapaj huahua huahuapura cajpica, mana mishai tucunguichu. Ashtahuanpish urmanguitajmi. Cunancarin ñami paipaj ñaupajpi pingai tucumushcangui– nircacunami.

ESTER 9:4

Jatun mandajca pai mandacunpica, Mardoqueotami tucuicunamanta yalli allipi churarca. Chaitaca, tucui llajtacunapimi yachaj chayarcacuna. Mardoqueoca ashtahuan ashtahuanmi tucuita mandashpa catirca.

JOB 17:9

Chashna cajpipish cashcata rurajca, cashcata rurashpallataj catingami. Mapa illaj maquicunahuan cajpish, paipaj fuerzataca mirachingami.

JOB 8:7

Canca ñaupaman ashallata charishca cashpapish, q'uipataca achca allicunatami charingui.

SALMOS 18:43

Ñuca llajtapi causajcuna p'iñacunmantapish quishpichircanguimi. Llajtacunata jatun mandajtami rurarcangui. Mana rijsishca runacunami ñucapajtaca rurarcacuna.

SALMOS 46:9

Paica tucui cai pacha macanacuicunata tucuchijmi. Paica arcocunatapish p'aquijmi. Lanzacunatapish ñutujmi. Macanacuna carrocunatapish rupachijmi.

SALMOS 84:7

Ashtahuan ashtahuan c'ari c'ari tucushpami ringacuna. Sión urcupimi Taita Diosta ricungacuna.

Gálatas 5:17

Aichapaj munaica, Espirituta p'iñanmi. Espiritupish, aicha munaitaca p'iñanmi. Chaicunaca quiquin munashcata, ama rurachunmi caishuj chaishuj macanacun.

Efesios 6:12

Ñucanchijca yahuaryuj, aichayujhuanca mana macanacucunchijchu. Ashtahuanpish jahua huairapi purishpa mandacuj millai supaicunahuanmi macanacucunchij. Chaicunami cai pacha amsapaj cajcunata mandashpa mana allita rurachicun.

Apocalipsis 6:2

Chaita ricushpaca, shuj yuraj caballotami ricurcani. Chai caballopi tiyacujca, caspita shitana shuj arcotami charicurca. Paimanca shuj coronatami curca. Paica ñami mishashca carca. Ashtahuan mishangapajmi llujshirca.