2 SAMUEL 24:3 - Dios Rimashca Shimicunami

³ Chaimi Joabca jatun mandajtaca: –Jatun mandaj ñuca amito ¿imapajtaj israelcuna mashna cashcataca yachana yuyai tucurcanguiyari? Cambaj jatun mandaj Diosca pai agllashcacunataca cunan cashcamanta patsaj cutinhuan mirachishca alli canman. Jatun mandaj ñuca amoca chaita ricungacama causashca canguiman– nircami.

2 SAMUEL 24:3 Iomraidhean Croise

2 SAMUEL 10:12

Taita Diospaj agllashcacunamanta, ñucanchij pueblomantaca c'ari c'ari cailla, c'ari c'ari cashunlla. Mandaj Dios paipaj ima shina alli canapaj rurachunlla” nirca.

2 SAMUEL 24:4

Ashtahuanpish jatun mandajca mana uyashpami Joabtapish, soldadocunata mandajcunatapish chaitaca ruranatajmi canguichij nirca. Joabca soldadocunata mandajcunandij, jatun mandajpaj ñaupajmanta llujshishpaca, tucui israelcunata yupangapaj quillcanamanmi rircacuna.

SALMOS 115:14

Mandaj Diosca cancunatapish mirachichun, cancunapaj huahuacunatapish mirachichun.

PROVERBIOS 14:28

Jatun mandajca achcacunata mandaj cashpami, jatun cashca ricurin. Ashtahuanpish mana achcacunata mandajca urmanllami.

ISAÍAS 60:5

Chaita ricushpaca achijllami tucungui. Chaipitajca cambaj shungu mancharishpa pascaringami. Mama cuchapi tiyaj sumaj charinacunapishmi cambajman tigranga. Llajtacunapi tiyaj charinacunami cambajman chayamunga.

DEUTERONOMIO 1:11

Mandaj Dios cancunapaj ñaupa yayacunapaj Taita Diosca cunan cancuna mashna cashcamantaca huaranga cutihuan yallita mirachishca cachun. Pai cancunaman cushami nishca shinallataj allicunata cushca cachun.