2 SAMUEL 24:2 - Dios Rimashca Shimicunami

² Jatun mandajca paihuan caj soldadocunata mandaj Joabtaca: –Tucui israelcuna mashna cashcata ñuca yachangapaj, Dan pueblomanta callarishpa, Beersebacama rishpa tucui Israel aillucunata yupamugri– nircami.

2 SAMUEL 24:2 Iomraidhean Croise

GÉNESIS 21:14

Abrahamca, cayandij tutamanta utcata jatarishpami Agarmanca tandatapish, capachu yacutapish apachishpa paipaj churi Ismaeltapish cushpaca ripailla caya minchacama nishpa cacharca. Chaimanta rishpaca Agarca Beerseba shuti shitashca pambapimi caiman chaiman puricurcalla.

2 SAMUEL 17:11

Ñucaca cai yuyaitami cuni: Danmanta callarishpa, Beersebacama tucui israelcunata cambajman tandachi. Mama cucha uripi tiyaj t'iyu allpa shina chai achcacunahuan tucushpami cantaj macanacunaman rina cangui.

2 SAMUEL 2:13

Sarviapaj churi Joabpish, Davidpajta rurajcunandij Hebronmanta llujshishpa rishpami, Gabaonpi caj yacu tanque c'uchupi Is-bosethuan tupanacurca. Chaipimi shujcunaca yacu tanque shuj ladoman, caishujcunaca chaishuj ladoman shayarircacuna.

2 SAMUEL 20:23

Chashna rurashca q'uipaca, Joabca tucui Israel soldadocunata mandajmi saquirirca. Joiadapaj churi Benaiaca cereteo, peleteo soldadocunata mandajmi tucurca.

2 SAMUEL 23:37

Amonita Selecpish, Beerotita Naharaipishmi carca. Paica Sarviapaj churi Joabpaj escudota apajmi carca.

2 SAMUEL 24:15

Shina nijpimi Mandaj Diosca, chai tutamantamanta callarishpa pai llaquichisha nishca punllacama israelcunapajmanca jatun ungüita cacharca. Chaimi Danmanta callarishpa Beerseba pueblocama 70.000 runacuna huañurca.

2 SAMUEL 3:10

Saulpaj huasi familiata mandanataca David tucui israelcunata tucui Judá llajtata Dan pueblomanta, Beerseba pueblocama David mandachun ñuca mana pasachijpica, Taita Dios ñucata jatunta llaquichichun– nircami.

2 SAMUEL 8:16

Sarviapaj churi Joabca soldadocunata mandajmi carca. Ahiludpaj churi Josafatca, imalla tucushcacunata quillcajmi carca.

1 CRÓNICAS 21:2

Chaimi Davidca Joabtapish, israelcunata mandajcunatapish: –Tucui israelcuna mashna cashcata ñuca yachangapaj, Beersebamanta callarishpa, Dan pueblocama rishpa tucui israelcunata yupamugri– nirca.

2 CRÓNICAS 32:31

Ezequiasca, allillachu cangui nichunpish, Judá llajtapi ima shina chashna yuyana allicunata rurashcata tapushpa yachaj chayachunpishmi, Babiloniamantaca maijan huillajcunata cacharca. Taita Diosca Ezequiastaca tucuipi ayudashca cashpapish, ima shina yuyaj cashcata ricungapajmi, chaicuna shamujpica paillata saquirca.

PROVERBIOS 29:23

Jatun tucujtaca, chaillataj pingaipi churanllami. Ashtahuanpish mana jatun tucushca runataca, pai alli cashcallatajmi huaquichin.

JEREMÍAS 17:5

Mandaj Diosca cashnami nin: “Ñucamanta anchurishpa, runallapi shunguta churajcunaca llaqui tucushca cachun.

2 Corintios 12:7

Dios ricuchishcacunahuan ama jatun tucuchunca Satanás cachashcamari. Garrochahuan tujsij shina ñuca aichapi jatun nanaita curca. Chaimi ñuca ama yalli jatun tucuchun, ñucataca huajtashpa llaquichicunlla.

JUECES 20:1

Ña alli yuyarinacushpaca tucui israelcunami, Mandaj Diospaj ñaupajpi tandanacurcacuna. Tucuicuna shuj yuyaillami Mizpapi tandanacurcacuna. Danpi causajcunamanta callarishpaca, Beersebapi causajcunacama Galaad llajtapi causajcunandijmi tandanacurcacuna.