2 SAMUEL 22:3 - Dios Rimashca Shimicunami

³ Ñuca Taita Dioslla, ñuca pacatucunalla, paipimi shunguta churani. Paica ñuca escudomi. Tucuita rurai tucujhuan ñucata quishpichijmi. Tucuimanta yalli jahuaman ñuca miticunami. Ñuca quishpichijmi cangui. Llaquihuan cajpica canmi ñucata quishpichircangui.

2 SAMUEL 22:3 Iomraidhean Croise

GÉNESIS 15:1

Tucui chaicuna tucushca q'uipami Mandaj Diosca muscuipi shina ricurishpa Abramtaca: –Abram, ama manchaichu. Cambaj escudoca ñucami cani. Can japina cashcaca tucuita yalli jatunmari– nirca.

2 SAMUEL 22:31

Mandaj Diospaj ñanpica ima panda mana tiyanchu. Mandaj Diospaj shimica, rupachishpa tucui mapata anchuchishca cullqui shinami. Paipi shunguta churashpa shuyajcunapajca escudo shina pacajmi.

2 SAMUEL 22:47

Mandaj Diosca, huiñaita causacuchunlla. Ñuca jatun rumica alli nishca cachun. Ñucata quishpichij Diosca jatunyachishca cachun.

2 SAMUEL 22:49

Paica p'iñajcunapaj maquimanta ñucata quishpichijmi. Ñucata llaquichingapaj huaicashpa jataricujpipish ñucata paicunapaj jahuapi churajmi. Yallitaj millai runapaj maquimantami quishpichihuarcangui.

2 SAMUEL 22:51

Pai churashca jatun mandajtaca cushicushpami quishpichin. Pai churashca mandajtaca llaquicunllami. Davidtapish, paipaj huahuacunatapish huiñaitami chashna pushanga” nircami.

2 SAMUEL 23:3

Israelcunapaj Taita Diosmari rimashca. Israelcunapaj pacatucuna Rumimi ñucaman cashna riman: Runacunapaj chaupipica, cashcata rurashpa mandajmi tiyanga. Taita Diosta manchashpami mandanga.

SALMOS 14:6

Millaicunaca huajchacuna yuyarinacushcataca chanzatami rurashcacuna. Ashtahuanpish huajchacunaca Mandaj Diospi shunguta churashpami shuyancuna.

SALMOS 140:1

Mandaj Dioslla, millai runacunamanta llujshichihuayari. Yallitaj millai rurajcunamanta huaquichihuayari.

SALMOS 140:11

C'allu cacharishca runaca cai allpapica mana sinchi cai tucungachu. Yallitaj millai runacunataca llaquimi tucui tucuchinga.

SALMOS 140:4

Mandaj Dioslla, quiquinta mana rijsijcunapaj maquipi urmanamanta huaquichihuayari. Ñucata urmachingapaj yuyarinacucuj yallitaj millai runacunamanta llujshichihuayari.

SALMOS 142:4

Ñuca alli ladota alli ricuyari. Chaita ricujca pi mana tiyanchu. Miticunatapish mana charinichu. Ñuca huañunamanta cuidajpish pi mana tiyanchu.

SALMOS 144:2

Paica ñucata llaquijmi, ñuca miticuna jatun torremi. Ñucaman fuerzata cujmi, ñucata quishpichijmi, ñuca paca tucuna escudomi, paillapimi shunguta churani. Paica ñuca mandacushca runacunata ñucata cazuchun churajmi.

SALMOS 18:2

Mandaj Dioslla, ñuca jatun rumilla. Ñuca miticuna sinchi huasilla, ñucata quishpichijlla. Ñuca Dioslla, ñucaman fuerzata cujlla, paillapimi shunguta churani. Ñuca paca tucuna escudolla, ñucata quishpichij, ñuca fuerzalla. Jahuajman ñuca paca tucunalla.

SALMOS 27:5

Llaqui punllapica paimari paipaj carpa huasipi ñucataca pacanga. Pailla causana ch'icanchishca ucupimi ñucataca pacanga. Jatun rumi jahuapimi, ñucataca jahuaman churanga.

SALMOS 28:7

Mandaj Diosca ñuca fuerzami, ñuca escudomi. Paipimi ñuca shunguta churani. Paimi ñucata ayudan. Ñucaca shungumantatajmi cushicuni. Ñuca cantohuanmi alabani.

SALMOS 3:3

Ashtahuanpish can Mandaj Diosmi ñuca muyundijta escudo shina cangui. Canmi ñucata jatunyachingui, canmi ñucata jatarichingui.

SALMOS 32:7

Mandaj Dioslla quiquinca ñuca miticunami cangui. Ñuca llaquihuan cajpipish huaquichinguimi. Llaquimanta llujshishca cashpa cantana cantocunahuanmi ñucataca muyunchingui. Selah

SALMOS 46:1

Taita Diosca ñucanchijpaj randi shayarij, ñucanchijpaj muyundij pircami. Llaquicunapi ñucanchij cajpipish utca ayudajmi.

SALMOS 46:11

Tucuita Mandaj Diosca ñucanchijhuanmi. Paica ñucanchij paca tucuna Jacobpaj Taita Diosmi. Selah

SALMOS 46:2

Chaimanta allpa chujchujpipish mana manchashunchu. Urcucuna mama cucha chaupiman huashicujpipish mana manchashunchu.

SALMOS 46:7

Tucuita Mandaj Diosca ñucanchijhuanmi, ñucanchij paca tucunaca Jacobpaj Taita Diosmi. Selah

SALMOS 5:12

Mandaj Dioslla, cashcata rurajcunamanca canmari allicunata cungui. Muyujta escudohuan pacaj shinami, cambaj c'uyaihuan muyuchingui.

SALMOS 55:9

Jatun Dioslla, chingachihuayari. Paicunapaj rimaicunataca ch'ican ch'icanta rurayari. Pueblopica llaquichinacui, c'aminacuillatami ricuni.

SALMOS 59:16

Ashtahuanpish ñucaca, quiquin tucuita rurai tucuj cashcatami cantasha. Tutamantapi cantashami. Quiquin llaquij cashcata cantashami. Ñucamanta shayarijmi cangui. Ñuca miticunami cangui. Llaqui punllapi ñuca miticunami cangui.

SALMOS 61:3

Quiquinca ñuca paca tucunami carcangui. Ñucata p'iñajpaj ñaupajpica sinchi torremi carcangui.

SALMOS 71:7

Achcacunapajmi jatun mancharina ñucaca carcani. Quiquinca ñucata pacaj, sinchi rumimi cangui.

SALMOS 72:14

Paicunapaj causaitaca umashca canamanta, llaquichijni shitashca canamanta quishpichingami. Paicunapaj yahuarca paipaj ñahuipica valijmi canga.

SALMOS 84:11

Mandaj Taita Diosca ñucanchijta achijyachij intimari. Ñucanchijta huaquichij escudomari. Mandaj Diosca alli nishca canata, sumaj canatamari cunga. Tucuipi mana juchachipaj cajcunamanca paicunapaj cuna cashataca mana anchuchingachu.

SALMOS 84:9

Taita Dioslla, ñucanchij escudo Taita Dioslla. Quiquinpaj agllashcata chaparana yuyailla cayari.

SALMOS 86:14

Taita Dioslla, jatun tucushcacunaca ñucata llaquichingapajmari jatarishcacuna. Millaicunami tandanacucuncuna. Ñucata ima shina huañuchinatami huashalla yuyarinacucuncuna. Paicunaca ñucanchijta quiquin cuidacushcataca mana yuyancunachu.

SALMOS 9:10

Mandaj Dioslla, cambaj shutita rijsijcunaca, canpimi shunguta churangacuna. Canta mashcajcunataca manataj shitashcata saquinguichu.

SALMOS 9:9

Mandaj Diosca huajchacuna miticunami. Llaqui punllacunapi paca tucunami.

ÉXODO 15:2

Mandaj Diosca ñuca fuerzami. Mandaj Diosca ñuca cantanami. Mandaj Diosca ñuca quishpirinami. Chaimi ñuca Diosca, paitami ñucaca alabacuni. Paica ñuca yayapaj Diosmi, paitami jatunyachini.

PROVERBIOS 18:10

Mandaj Diosca jatun torre shinami. Cashcata ruraj runaca paipajman callpashpaca, quishpichishca cangami.

PROVERBIOS 30:5

Mandaj Dios rimashca shimicunaca chuya shimicunami. Diosca paipi shunguta churajcunapajca, pacaj escudomi.

ISAÍAS 12:2

Taita Diosmi ñucata Quishpichij. Paillapimi shunguta churani, pita mana manchanichu. Paica ñucapaj muyundij pirca shinami. Ñuca cantanaca Mandaj Diosmari. Paimari ñucata quishpichijca cashca” ninguimi.

ISAÍAS 32:2

Chai runaca huairata miticuna shinami canga. Jatun acapanamanta paca tucuna shinami canga. Chaquishca pambacunapi yacu llujshicuj shinami canga. Yallitaj rupai punllapi llandurina rumi urcu shinami canga.

ISAÍAS 45:21

Paicuna caimi tucunga chaimi tucunga nishpa huillashca pajtashcata mana pajtashcata tapunacuichij. Imalla tucuna cashcata callarimantapacha huillajca ¿pitaj tiyanri? Mandaj Dios ñucami chashna huillajca cani. Ñucallami chashna Dios cani, pi shujtajca mana tiyanchu. Cashcata ruraj, Quishpichijca ñucallami cani, pi shujtajca mana tiyanchu.

JEREMÍAS 16:19

Mandaj Dioslla, canmari ñucata pacajpish, ñucaman fuerzata cujpish cangui. Llaquihuan cajpipish, canmari huaquichihuangui. Tucui cai pacha llajtacunapi causajcuna cambajman shamushpamari, cashna ningacuna: “Ñucanchij yayacunaca imata mana rurai tucuj, yanga dioscunallatamari charishcacuna. Chaicunaca imata mana cui tucuncunachu.

JEREMÍAS 16:9

Tucuita Mandaj, israelcunapaj Diostajmi cashnapish nin: “Cunan cancuna causacui punllacunapimi cai llajtamantaca cancuna cushicushpa cantanatapish, caparirinatapish, cusayuj, huarmiyuj tucushca punlla cushicushpa cantanatapish anchuchisha.

Lucas 1:47

Ñuca espirituhuanca ñucata Quishpichij Taita Diospimi yallitaj cushicuni.

Lucas 1:69

Paipajta ruraj Davidpaj huasi ucupuramantami, tucuita rurai tucuj Quishpichijta cushca.

Lucas 1:71

Ñucanchijta p'iñashpa mana ricunachijcunapaj maquimanta Quishpichijmi.

DEUTERONOMIO 32:37

Chaipica israelcunaca paicunata p'iñajcunataca: ¿Paicunapaj dioscunaca maipitagari? ¿Paicuna miticuna jatun rumica maipitagari?

DEUTERONOMIO 32:4

Paica ñucanchij miticuna jatun Rumimari. Pai rurashcacunapica ima panda mana tiyanchu. Paipaj ñancunapish ima mana pandachu. Paica mana llullaj Taita Diosmi. Paipica ima millai mana tiyanchu. Paica cashcata rurajmi, imata mana pandajmi.

DEUTERONOMIO 33:29

Israel, canca cushijllami cangui. Shujtaj llajtacunaca mana cancunata shina Mandaj Dios quishpichishcaca tiyanchu. Paica canta pacaj escudomi. Can mishana espadami. Canta p'iñajcunaca cumuringacunami. Paicunapaj lomacunapi tiyaj altarcunatapish canmi sarungui” nircami.

Tito 3:4

Chashna cajpipish ñucanchijta Quishpichij Diosca, alli cashcata, c'uyaj cashcata tucuicunaman ricuchishpami,

Tito 3:6

Chashnami ñucanchijta Quishpichij Jesucristomantaca, Diosca paipaj Espirituta ñucanchijmanca yallijta curca.

Hebreos 2:13

Shinallataj: “Ñucaca paipimi shunguta churasha” nircami. Cutinmi: “Ñucaca Dios cushca huahuacunahuanmi caipi cani” nirca.

1 SAMUEL 2:1

Ana mañashpaca cashnami nirca: “Ñuca shunguca Mandaj Diospimi cushicun. Mandaj Diosmi ñucamanca fuerzata cun. Ñucata p'iñajcunatapish upallachinimi. Ñucaca can quishpichishcamantami cushicuni.

1 SAMUEL 2:2

Mandaj Dios shina jucha illajca, mana tiyanchu. Can Dios shinaca pi shujtaj mana tiyanchu. Ñucanchij Dios shina huaquichijca pi mana tiyanchu.