2 SAMUEL 22:10 - Dios Rimashca Shimicunami

¹⁰ Jahua pachata cumurichishpami uriyamurca. Paipaj chaqui ucupica, amsa amsami carca.

2 SAMUEL 22:10 Iomraidhean Croise

1 REYES 8:12

Chai q'uipami Salomonca: “Mandaj Diosca, amsa p'uyupimi causasha” nishcami.

SALMOS 104:3

Quiquin causana ucucunatapish yacucuna jahuapimi churarcangui. P'uyutapish quiquin purina carrota rurajmi cangui. Huairapaj alascunapi purijmi cangui.

SALMOS 144:5

Mandaj Dioslla, quiquinpaj jahua pachata pascashpa uriyamuiyari. Urcucunapi tuparishpa cushnichiyari.

SALMOS 97:2

P'uyupish, amsapish paita muyunchishcamari. Cashcata rurashpa mandashcahuan, mandana shinataj mandashcahuanmi paipaj tiyanataca callari rumita sinchita churashca shina sinchita charicun.

ÉXODO 19:16

Quimsa punllapaj pacarimujpica culun nishpa, achij nishpa amsa p'uyu chai urcuta tapajpica, cornetapi sinchita tocashcami uyarirca. Chaita uyashpaca carpa huasicunapi caj tucui israelcunami chujchushpa mancharircacuna.

ÉXODO 20:21

Israelcuna chashna caruman chapacujpica, Moisesca Taita Dios maipi can amsallamanmi c'uchuyarca.

ISAÍAS 63:19

Quiquin ñucanchijtaca nunca mana mandacushca shinamari tucushcanchij. Quiquinpaj shutita nunca mana mañajcuna cashca shinamari tucushcanchij.

NAHUM 1:3

Mandaj Diosca tucuita rurai tucujmi, mana utca p'iñarijmi. Chashna cashpapish, millaita rurajcunata llaquichinataca manataj saquinchu. Mandaj Diosca c'ulun nishpami, jatun acapanapi purin. Pai purina p'uyuca, ñutu allpa shinami.

Mateo 27:45

Chaupi punllamanta, quimsa horas chishicamami tucui cai pacha amsayarca.

DEUTERONOMIO 4:11

Chaipimi, cancunaca chai urcu chaquiman c'uchuyashpa shayarircanguichij. Chai urcuca chaupi jahua pachacama nina lunyashpami, yana cushni llujshishpa amsayashpa rupacurca.