2 SAMUEL 2:6 - Dios Rimashca Shimicunami

⁶ Cunanca Mandaj Diospish cancunata llaquishca cachun. Cancuna chashna rurashcamantaca ñucapish cancunapaj allicunataca rurashatajmi.

2 SAMUEL 2:6 Iomraidhean Croise

2 SAMUEL 10:2

Chaimi Davidca: “Ñucami Nahaspaj churi Hanunhuanca paipaj yaya ñucahuan alli cashca shinallataj paihuanpish llaquishcata ricuchigrini” nishpami, paipaj yaya huañushcamanta cushichingapaj Davidca paipajta ruraj maijancunata cacharca. Davidpajta rurajcuna amonitacunapajman chayajpica,

2 SAMUEL 15:20

Canca cainallamari shamurcangui. ¿Maitataj ñucanchijhuan rinatajmi cangui nishari? Ñucapish ri tucushca camallami rigrini. Canpish tigrailla. Cambaj huauquicunatapish tigrachishpa rilla. Mandaj Diosca c'uyaj, pajtachij canata cambaj tucui causaipi ricuchichun– nirca.

2 SAMUEL 2:7

Cancunapaj amo Saúl huañujpipish, fuerzarishpa c'ari c'ari sinchi maquicuna tucuichij. Judá llajtapi causajcunaca paicunata jatun mandaj cachunmi ñucataca aceitehuan churancuna” nircami.

2 SAMUEL 9:3

Chaimi jatun mandajca: –Saulpaj huasi familiaca ¿manachu maijan causacunraj? Paipaj allita rurashpami Taita Dios llaquij cashcataca ricuchisha nini– nijpimi Siba runaca jatun mandajtaca: –Jonatanpaj shuj churimi causacunraj. Paica ishqui chaquicunataj patojomi– nirca.

2 SAMUEL 9:7

Chaimi Davidca: –Ama manchaichu, ñucaca cambaj yaya Jonatanpaj c'uyaimantaca, cambaj allicunataca ruranatajmi cani. Cambaj abuelo Saúl charishca allpacunatapish tucuimi canman tigrachigrini. Canca cambaj tucui causaipimi ñucahuan micushpa causangui– nirca.

SALMOS 57:3

Taita Diosca jahua pachamanta cachashpami ñucataca quishpichinga. Ñucata yanganchishpa juchachicujcunamantaca quishpichingami. Taita Diosca llaquijmi, mana llullajmi. Selah

ÉXODO 34:6

Mandaj Diosca Moisespaj ñaupajta pasacushpaca cashnami nirca: –Mandaj Dios, Mandaj Dios. Tucuita rurai tucuj Dios, llaquij, c'uyaj shungu, mana utca p'iñarij, yallitaj llaquij, mana llullaj Diosmi cani.

PROVERBIOS 14:22

Millaita ruranata yuyajcunaca, ¿manachu pandarincuna? Allita ruranapi yuyaita churajcunaca, pipish c'uyashpa, allita cushcami causancuna.

Mateo 10:16

Cancunataca ovejacunata atujcunapaj chaupiman cachaj shinami cachani. Culebra shina yachaj, paloma shina manso caichij.

Mateo 5:44

Ashtahuanpish ñucaca cashnami nini: Cancunata p'iñajcunatapish c'uyanguichij. Cancunata llaqui tucushca cachun nijcunatapish alli cashca cachun ninguichij. P'iñajcunapajpish allita ruranguichij. Maipish cachun rimashpa, llaquichina yuyailla llaquichijcunamantapish Taita Diosta mañanguichij.

Mateo 5:7

Llaquijcunaca, cushichishcami. Paicunataca Taita Diosmi llaquinga.

JOSUÉ 2:14

Chaimi paicunaca: –Can ñucanchijta cunan mana huillashpa mana japichijpica, ñucanchijpish cancunataca mana huañuchishunchu. Mandaj Dios ña cai llajtata ñucanchijman cujpi japishpaca cancunataca mana imata rurashunchu. Ñucanchij nishcataca pajtachishuntajmi– nircacuna.

RUT 1:8

Ñanta ña ricushpami Noemica, paipaj nueracunataca: –Cancunapaj mamacunapaj huasiman tigraichijlla. Cancunaca ñucatapish ñuca huañuj churicunatapish c'uyajmi carcanguichij. Chaimantaca Mandaj Diosmi cancunamanca allicunata cunga.