2 SAMUEL 2:4 - Dios Rimashca Shimicunami

⁴ Judá llajta runacuna shamushpami, Davidtaca aceitehuan churashpa Judá llajtata jatun mandaj cachun churarcacuna. Galaad llajtapi caj Jabes pueblopi causajcunami Saultaca pambarcacuna nishpami Davidmanca huillarcacuna.

2 SAMUEL 2:4 Iomraidhean Croise

2 SAMUEL 19:11

Jatun mandajta paipaj mandana huasiman tigrachishun nishpa parlanacucujtaca, jatun mandajmanpish ñami yachaj chayachishcacuna carca. Chaimi jatun mandaj Davidca Sadoc curatapish Abiatar curatapish: “Jatun mandajta paipaj mandana huasiman tigrachinataca ¿ima nishpataj cancunaca q'uipayacunguichij?” nishpa Judá llajtata cunaj yuyajcunaman huillachun cacharca.

2 SAMUEL 19:42

Shina nijpi tucui judacunaca tucui israelcunataca: –Jatun mandajca ñucanchij c'uchulla familiallataj cajpimi, chashna rurarcanchij. Chaita rurashcamantachu cancunaca ¿p'iñaringuichij? ¿Ñucanchijca jatun mandajpajtachu imata micushcanchij? ¿Ima convidanatachu paipajta japishcanchij?– nircacunami.

2 SAMUEL 2:11

Hebronpi cashpa Judá llajtata David mandashca punllacunaca canchis huata sujta quillacunami carca.

2 SAMUEL 2:7

Cancunapaj amo Saúl huañujpipish, fuerzarishpa c'ari c'ari sinchi maquicuna tucuichij. Judá llajtapi causajcunaca paicunata jatun mandaj cachunmi ñucataca aceitehuan churancuna” nircami.

2 SAMUEL 21:11

Aja runapaj ushushi Rizpa chaipi tiyacujtami Davidmanca huillashca carca. Chai huarmica Saulpaj caishuj huarmimi carca.

2 SAMUEL 21:12

Davidca Saulpaj tullucunata, Saulpaj churi Jonatanpaj tullucunatapishmi Galaadpi caj Jabes pueblomanta apanaman rirca. Paicunataca filisteocuna Gilboapi mishashpa huañuchishpami, Bet-san plaza pambapi huarcushcacuna carca. Chaipi huarcushcataca Galaadpi caj Jabes pueblomanmi shuhuashpa apashcacuna carca.

2 SAMUEL 5:17

Tucui israelcunata jatun mandaj cachun Davidta aceitehuan churashcatami filisteocunaca yachaj chayarcacuna. Chaimi tucui filisteocuna Davidta mashcanaman huichiyarcacuna. David chaita yachashpaca alli pacatucunapimi pacatucunaman uriyarca.

2 SAMUEL 5:3

Israelcunata tucui cunaj yuyajcunapish Hebronmanmi jatun mandajpajman shamurcacuna. Chaipimi jatun mandajca paicunahuanpish Hebronpica Mandaj Diospaj ñaupajpi ari ninacurcacuna. Chaipimi paicunaca tucui israelcunata jatun mandaj cachun Davidtaca aceitehuan churarcacuna.

2 SAMUEL 5:5

Davidca canchis huata sujta quillacunataca Hebronpica judacunallatami mandarca. Quimsa chunga quimsa huatacunataca tucui israelcunata, judacunatapishmi Jerusalenpi mandarca.

2 REYES 11:12

Chaipimi Joiada curaca, jatun mandaj Ocoziaspaj churita llujshichishpa coronata churachishpa, jatun mandaj ima shina canata, ima shina mandana cashca quillcata cushpa, paipaj umapi aceiteta churashpa, jatun mandaj cachun churarca. Chai q'uipaca tucuicunami maquicunata huaracashpa: “¡Viva jatun mandaj!” nircacuna.

1 CRÓNICAS 10:11

Galaadpi caj Jabes pueblopi causaj israelcunaca, filisteocuna Saulta imallata rurashcata yachaj chayashpami,

1 CRÓNICAS 11:3

Israelcunata tucui cunaj yuyajcunapish Hebronmanmi jatun mandajpajman shamurcacuna. Chaipimi jatun mandajca paicunahuanpish Hebronpica Mandaj Diospaj ñaupajpi ari ninacurcacuna. Chaipimi paicunaca Mandaj Dios Samuelta huillachishca shinallataj israelcunata jatun mandaj cachun Davidtaca aceitehuan churarcacuna.

1 CRÓNICAS 12:23

Hebronpi David cajpimi, Mandaj Dios nishca shinallataj Saúl mandacushcapi Davidta churangapaj achca soldadocuna shamurcacuna. Soldadocunata mandajcuna macanacunapaj allichirishcacunaca caicunami:

1 SAMUEL 16:13

Chaimi Samuelca, aceitehuan caj gachuta japishpaca, paipaj huauquicunapaj chaupillapitaj Davidtaca aceitehuan churarca. Chai punllamanta pachami Mandaj Diospaj Espirituca Davidpaj jahuaman shamurca. Chai q'uipaca Samuelca jatarishpa Ramá puebloman tigrarcallami.