2 SAMUEL 2:1 - Dios Rimashca Shimicunami

¹ Chai q'uipami Davidca Mandaj Diostaca: –Judá llajtapi tiyaj ¿maijan pueblocunaman huichiyashachu?– nishpa tapujpi Mandaj Diosca: –Huichiyailla– nirca. Cutinllatajmi Davidca: –¿Maimantaj huichiyasha?– nijpi Mandaj Diosca: –Hebronman huichiyai– nirca.

2 SAMUEL 2:1 Iomraidhean Croise

GÉNESIS 13:18

Chaimi Abramca, paipaj carpa huasita pascashpa apashpa rishpa Hebrón pueblo c'uchupi caj encina yuracuna tiyan allpapi causarca. Chai allpaca, Mamre runapajmi carca. Abramca Mandaj Diosta mañangapajmi chaipipish shuj altarta rurarca.

GÉNESIS 32:2

Paicunata ricushpami Jacobca: “Caipica Taita Diospaj carpa huasicunamari” nishpa, chai pambataca Mahanaimta shutichirca.

2 SAMUEL 15:7

Ña chuscu huata tucujpimi, Absalonca jatun mandajtaca: –Ñucami Mandaj Diosman cuna tucushcata cusha nini. Chaitaca Hebronpi cugringapaj cachachunmi rogani.

2 SAMUEL 2:11

Hebronpi cashpa Judá llajtata David mandashca punllacunaca canchis huata sujta quillacunami carca.

2 SAMUEL 5:19

Chaimi Davidca Mandaj Diostaca: –¿Filisteocunahuanca macanacugrishachu? ¿Paicunataca ñuca maquipi churanguichu?– nishpa tapujpi Mandaj Diosca Davidtaca: –Rilla, filisteocunahuanca macanacugrilla. Paicunataca cambaj maquipi churashatajmi– nirca.

2 SAMUEL 5:23

Davidca cutinllataj Mandaj Diosta tapujpi, Mandaj Diosca: –Ch'imbapura macanacungapajca ama huichiyaichu. Ashtahuanpish bálsamo yuracuna tiyan ch'imbanijta muyushpa paicunataca cungaillapi japingui.

1 REYES 2:11

Davidca israelcunataca chuscu chunga huatacunatami mandarca. Canchis huatacunataca Hebronpimi mandarca. Quimsa chunga quimsa huatacunataca Jerusalenpimi mandarca.

1 CRÓNICAS 29:7

Paicunaca Diospaj huasipajca, 5.000 talento curita, 10.000 dracma curita, 10.000 talento cullquita, 18.000 talento bronceta, 5.000 talento fierrotapishmi curcacuna.

2 CRÓNICAS 11:10

Zora, Ajalón, Hebrón shuti pueblocuna muyundijpimi jatun pircacunata rurarca. Chai pueblocunaca Benjamín llajtapi, Judá llajtapimi carca.

SALMOS 143:8

Quiquin ñucata llaquishcataca tutamantaman yachaj chayachiyari. Quiquinpimari ñuca shunguta churarcani. Ñuca maillata rina ñanta ricuchihuayari. Ñuca tucui ima yuyashcataca quiquinmanmari huillani.

SALMOS 27:4

Mandaj Diostaca shuj mañanatami mañarcani. Tucui ñuca causaipi, paipaj huasipi causanatami mañarcani. Chaipica pai sumaj cashcatami alli alli yachasha nini. Paihuanmi parlanacusha nini. Chaitami mashcani.

EZEQUIEL 36:37

Mandaj Jatun Diosca cashnapishmi nini: Israelcunamanca, imalla mañashcatami cusha. Israelcunataca, canlla ovejata shinami mirachisha.

NÚMEROS 13:22

Neguevman huichiyashpaca, Hebroncamami chayarcacuna. Chaipica Ahimán, Sesai, Talmai shuti runacunami causarca. Paicunaca Anacpaj churicunami carca. Hebrón puebloca Egipto llajtapi caj Zoán pueblota callarichinapaj canchis huata ñaupaman callarichishcami carca.

NÚMEROS 27:21

Josueca Eleazar curapajman richun. Eleazarca Urimhuan Mandaj Diosta tapushpa, chai ricuchishca shina huillachun. Eleazar cura ima nishcallata rurashpa Josuepish, tucui israelcunapish maiman llujshina cajpipish llujshichun, maiman yaicuna cajpipish yaicuchun– nircami.

JOSUÉ 15:13

Jefonepaj churi Calebmanca Mandaj Dios mandashca shinallatajmi Josueca Judá aillupura japishca llajtallapitaj allpacunata curca. Anacpaj yaya shayachishca Quiriat-arba pueblotami curca. Chai puebloca Hebronmi.

JUECES 1:1

Israelcunaca paicunata pushaj Josué huañushca q'uipami, Mandaj Diostaca: “Cananeocunahuanca ¿maijan aillutaj punta macanacugrina canchij?” nishpa tapurcacuna.

1 SAMUEL 10:22

Chaimi Saúl chayamushcata, manaraj chayamushcata yachangapaj Mandaj Diosta cutin tapujpi Mandaj Diosca: “Saulca chaillapitajmi. Tucuicuna apamushcacuna chaupipimi miticushpa tiyacun” nirca.

1 SAMUEL 23:2

Chaimi Davidca Mandaj Diostaca: –¿Chai filisteocunahuan macanacunaman rishachu?– nishpa tapujpi Mandaj Diosca: –Ari, filisteocunahuan macanacunaman rishpa Keila pueblopi causajcunata quishpichigri– nirca.

1 SAMUEL 23:4

Chaimi Davidca, cutinllataj Mandaj Diosta tapujpi Mandaj Diosca: –Jatari, Keila puebloman uriyai. Ñucami filisteocunataca cambaj maquipi churasha– nijpimi,

1 SAMUEL 30:31

Hebronpi causajcunamanpishmi cuchun cacharca. David paipaj runacunandij maillapi cashca pueblocunapi causajcunamanpishmi cacharca.