2 SAMUEL 13:5 - Dios Rimashca Shimicunami

⁵ Shina nijpimi Jonadabca: –Canca ungushca tucushpa camapi siriri. Cambaj yaya canta ricunaman shamujpica: Micunata yanushpa carachun ñuca pani Tamarta caiman cachapai. Ñuca ñaupajpitaj imata cashpapish yanushpa paipaj maquihuantaj carajpi micushapishchari ningui– nircami.

2 SAMUEL 13:5 Iomraidhean Croise

2 SAMUEL 13:4

Paimi Amnontaca: –Jatun mandajpaj churi ¿ima nishpataj punllanta ashtahuan ashtahuan irquiyashpa caticungui? ¿Manachu ñucaman huillai tucungui?– nijpi Amnonca: –Ñuca huauqui Absalonpaj pani Tamartamari yallitaj c'uyani– nirca.

2 SAMUEL 13:6

Chaimi Amnonca ungushca tucushpa camapi siririrca. Jatun mandaj paita ricunaman rijpica Amnonca: –Ñuca pani Tamar caiman shamuchunmi rogani. Pai ñuca ñaupajpi ishqui tortillata rurajpi paipaj maquimanta micungapaj– nirca.

2 SAMUEL 16:21

Chashna nijpimi Ahitofelca, Absalontaca: –Tucui israelcuna cambaj yayata can p'iñashcatataj yachachunca, huasita cuidachun cambaj yaya saquishca paipaj caishuj huarmicunapi chayari. Chaimi tucui canta catijcunapish ashtahuan fuerzaringacuna– nirca.

PROVERBIOS 19:27

Ñuca huahualla, allita yachachij yuyaicunata jarcaj, panda yuyaicunataca ña ama ashtahuan uyaichu.

Hechos 23:15

Chaimanta cunan cancunaca mandajcunapuralla tandanacushcahuan tucushpa, huaranga soldadocunata mandajpajman rishpa cashna nigrichij: “Pablota ashtahuan alli tapungapaj caya ñucanchij ñaupajman pushamui” nij tucuichij. Ñucanchijca pai manaraj chayamujpimi, chapashpa huañuchishun– nircacunami.