2 SAMUEL 13:4 - Dios Rimashca Shimicunami

⁴ Paimi Amnontaca: –Jatun mandajpaj churi ¿ima nishpataj punllanta ashtahuan ashtahuan irquiyashpa caticungui? ¿Manachu ñucaman huillai tucungui?– nijpi Amnonca: –Ñuca huauqui Absalonpaj pani Tamartamari yallitaj c'uyani– nirca.

2 SAMUEL 13:4 Iomraidhean Croise

2 SAMUEL 13:3

Amnonca paihuan alli apanacuj Jonadab runatami charirca. Jonadabpaj yayaca Davidpaj huauqui Simeami carca. Jonadabca, yachaj tucushca umaj runami carca.

2 SAMUEL 13:5

Shina nijpimi Jonadabca: –Canca ungushca tucushpa camapi siriri. Cambaj yaya canta ricunaman shamujpica: Micunata yanushpa carachun ñuca pani Tamarta caiman cachapai. Ñuca ñaupajpitaj imata cashpapish yanushpa paipaj maquihuantaj carajpi micushapishchari ningui– nircami.

1 REYES 21:5

Paipaj huarmi Jezabel paipajman shamushpaca: –¿Ima nishpataj yallitaj llaquilla cangui? Mana micungui– nircami.

1 REYES 21:7

Paipaj huarmi Jezabelca: –¡Canca israelcunata jatun mandajtaj shina cangui! Jatari, micui, cushicui. ¡Jezreelpi caj Nabotpaj uva chagrayuj allpataca ñucami canman cusha!– nircami.

ISAÍAS 3:9

Paicunapaj ñahuillatajmi paicuna mana alli cashcataca ricuchin. Paicunaca Sodomacuna shinallatajmi juchallishcatapish mana pingashpa huillanllacuna. ¡Aij paicunapaj causailla! Paicunapaj llaquipajllatajmi montonacuncuna.

JEREMÍAS 8:12

Millaicunata rurashcamantaca ¿pingarincunachu imatagari? Mana yangamanta nicunichu, paicunaca manataj pingarincunachu. Ashallatapish mana pingarincunachu. Pingarina ima cashcatapish mana yachancunachu. Chaimanta ñuca llaquichi punllapica, caishujcuna shinallatajmi urmangacuna” ninmi Mandaj Diosca.

LEVÍTICO 18:9

Cambaj quiquin panitaca ama llatanashpa ricungui. Cambaj yayamanta cashpa, cambaj mamamanta cashpa panitaca huasi ucupurapi huacharishca cajpi, mana huasi ucupurapi huacharishca cajpipish ama llatanashpa ricungui.

LEVÍTICO 20:17

Maijanpish yayamanta cashpa, mamamanta cashpa paipaj panita llatanashpa ricujca, chai panipish paipajta ricujca millananatami ruran. Chaimanta paicunataca tucui israelcuna ricucunpi huañuchichun. Paipaj panita llatanashpa ricushca juchamantaca paillatajmi llaquita apanga.

MIQUEAS 7:3

Millaita rurashpa pajtachingapajmi, jatun mandajca imatapish cuchun mañan. Juezpish camarita japishpallami allichij tucun. Mandajpish pai munashcatami rimarin. Chaimantaca chaitatajmi rurancuna.

Lucas 12:32

Ñuca ovejacunalla, ashalla cashpapish ama manchaichijchu. Ashtahuanpish Taita Diosca cushicushpami cancunahuan mandasha nicun.