2 SAMUEL 13:3 - Dios Rimashca Shimicunami

³ Amnonca paihuan alli apanacuj Jonadab runatami charirca. Jonadabpaj yayaca Davidpaj huauqui Simeami carca. Jonadabca, yachaj tucushca umaj runami carca.

2 SAMUEL 13:3 Iomraidhean Croise

GÉNESIS 3:1

Mandaj Taita Dios rurashca tucui animalcunamanta yalli yachajca culebrami carca. Paimi huarmitaca: –¿Cancunataca Taita Diostajchu, cai huertapi tiyaj yuracunamantaca ama micunguichij nirca?– nishpa tapurca.

GÉNESIS 38:1

Chai punllacunallatajmi Judaca, paipaj huauquicunamanta ch'icanyashpa, adulamitapura caj Hira shuti runapaj huasiman rirca.

GÉNESIS 38:20

Judaca, paihuan alli apanacuj adulamita Hira runaman shuj chivota cachashpaca, cai chivota chai huarmiman cushpa ñuca paiman imalla saquimushcacunata mañashpa apamugri nircami. Hira runa rishpaca, chai huarmitaca ña mana japircachu.

2 SAMUEL 13:2

Tamartaca c'arihuan manaraj chayarinacushca cajpi imata mana rurai tucushpami, Amnoca paipaj panita yallitaj munashcamantaca chai yuyailla tucushpa ungurca.

2 SAMUEL 13:32

Davidpaj huauqui Simeapaj churi Jonadabmi: –Ñuca amito, jatun mandajpaj tucui churicunata huañuchishca canataca ama yuyaichu. Amnonllatami huañuchishca canga. Paitaca Absalonmari paipaj pani Tamarta japirishpa llaquichishca punllamantapacha huañuchinata yuyacurca.

2 SAMUEL 13:4

Paimi Amnontaca: –Jatun mandajpaj churi ¿ima nishpataj punllanta ashtahuan ashtahuan irquiyashpa caticungui? ¿Manachu ñucaman huillai tucungui?– nijpi Amnonca: –Ñuca huauqui Absalonpaj pani Tamartamari yallitaj c'uyani– nirca.

2 SAMUEL 14:2

Joabca yachaj tucushca shuj huarmita Tecoamanta pushamuchishpami chai huarmitaca: “Huañushcamanta churarinata churarishpa huañushcamanta llaquilla caj shina tucui. Mishquijllata ashnacujhuanpish ama churaringui. Maijan huañushcamanta achca huatacunata llaquilla cashca huarmi shina tucui.

2 SAMUEL 21:21

Israelcunata yanganchishpa c'amijpimi, paitaca, Davidpaj huauqui Simeapaj churi Jonatán huañuchirca.

1 CRÓNICAS 2:13

Isaipaj punta churica, Eliabmi. Q'uipa churica, Abinadabmi. Ishquipaj q'uipa churica, Simeami.

1 CRÓNICAS 27:32

Davidpaj tío Jonatanca Davidman yuyaita cushpa cunaj, alli yuyaiyujpish, quillcajpishmi carca. Hacmonipaj churi Jehielca jatun mandajpaj churicunahuanmi caj carca.

ESTER 5:10

Shina cajpipish Amanca, p'iñacushcata ama ricuchingapajca, imata mana nishpa rircallami. Paipaj huasiman ña chayashpaca, paihuan apanacujcunatapish, Zeres shuti paipaj huarmitapishmi cayaj cacharca.

ESTER 5:14

Chashna nijpimi Zeres shuti paipaj huarmipish, tucui paihuan apanacujcunapish cashna nircacuna: –Ishqui chunga ishqui metro alto caspita shayachishpa, Mardoqueotaca chaipi sipichiyari. Jatun mandajman caya tutamanta huillashpa paitaca chaipi sipichinguilla. Chai q'uipami, chai jatun micuimanca jatun mandajhuan cushicushpa ringui– nircacunami. Chashna yuyaita cushcaca, Amanpaj yuyaipica alli cajpimi, sipichina jatun caspita shayachichirca.

ESTER 6:13

Ña chayashpaca, Zeres shuti paipaj huarmimanpish, paihuan apanacujcunamanpish tucuitami parlarca. Chaita parlajpimi, paiman yuyaita cuj jatun yachajcunapish, paipaj huarmi Zerespish: –Chai Mardoqueo runa, judiocunapaj huahua huahuapura cajpica, mana mishai tucunguichu. Ashtahuanpish urmanguitajmi. Cunancarin ñami paipaj ñaupajpi pingai tucumushcangui– nircacunami.

PROVERBIOS 19:6

Mana mitsashpa imatapish cuj runahuanca, tucuicunami apanacusha nincuna. Paipajmanca pipish c'uchuyanllami.

JEREMÍAS 4:22

Ñuca runacunaca alli yuyaihuan canapaj randica, imatapish mana uyashun nij rumi shungucunamari. Allitaca imata mana yachancunachu, millaita ruranapajtajcarinpish jatun yachajcunamari.

1 Corintios 3:19

Cai pachamanta yachashcahuanca, Diospaj ñaupajpica yuyai illaj shinami. Cashnami quillcashca tiyacun: “Paimi yachaisapacunataca, paicuna umangapaj yachaj cashcallapitaj tsagnarichin”.

Santiago 3:15

Chashna yuyaica, jahua pachamantaca mana shamunchu. Chaica cai pachamanta, gentecunamanta, diablomantami shamun.

JUECES 14:20

Sansón rijpimi, paipaj huarmitaca, paihuan compaña rijhuan cazarachirca. Chai runaca Sansonhuan alli apanacujmi carca.

1 SAMUEL 16:11

Chai q'uipami Samuelca Isaitaca: –¿Tucui caicunallachu cambaj churicunaca?– nijpi Isaica: –Tucuicunapaj q'uipa shuj uchilla churillami ovejacunata michicun– nijpi Samuelca Isaitaca: –Paita pushanaman cachai. Pai chayamungacama ñucanchijca micungapaj mana tiyarishunchu– nirca.

1 SAMUEL 16:9

Isaica, Sama churita Samuelpaj ñaupajman pushajpi: –Paitapish Mandaj Diosca mana agllarcachu– nirca.