2 SAMUEL 13:20 - Dios Rimashca Shimicunami

²⁰ Chaimi paipaj turi Absalonca: –¿Cambaj turi Amnonchu canhuan siririrca? Cambaj turillatajmi, upalla cailla panicu. Chaimantaca cambaj shungupi ama yallitaj llaquilla caichu– nirca. Tamarca nunca mana cushicuihuan caipajmi, paipaj turi Absalonpaj huasipi saquirirca.

2 SAMUEL 13:20 Iomraidhean Croise

Romanos 12:19

Ñuca c'uyashcacuna, cancunata llaquichijcunataca cancunallatajca ama llaquichishun nichijchu, ashtahuanpish Dios llaquichichun saquichij. Cashnami quillcashca tiyacun: “Ñucami llaquichisha, ñucami paicuna japina cashcataca cusha” ninmi Jatun Diosca.

PROVERBIOS 26:24

P'iñaj runaca, mishqui shimi tucushcami purin. Ashtahuanpish shungupica, llaquichinallatami yuyarin.

GÉNESIS 46:15

Paicunaca Padan-arampi Jacob causacushpa Lea huarmihuan charishca churicunami carca. Dina shuti ushushitapishmi charirca. Churicunatapish ushushicunatapish tucuita yupajpica quimsa chunga quimsami carca.

GÉNESIS 34:2

Paitaca chai llajtata mandaj heveo Hamorpaj churi Siquem moso ricushpami mana nicujllatataj pushashpa paihuan dormishpa pingaichirca.

2 SAMUEL 13:19

Tamarca ushpata japishpami paipaj umapi shitarirca. Murujlla churanata churarishcatapish lliquirishpami, paipaj uma jahuapi maquicunata churashpa caparirishpa rirca.

2 SAMUEL 13:21

Jatun mandaj Davidca tucui chaicunata uyashpaca, achcatami p'iñarirca.

2 SAMUEL 14:24

Jatun mandajca Absalontaca: “Ñuca ñahuita ama ricuchun paipaj huasiman richun” nishpa huillachijpimi Absalonca jatun mandajpaj ñahuita mana ricushpa paipaj huasiman tigrarca.