2 SAMUEL 13:1 - Dios Rimashca Shimicunami

¹ Chai q'uipaca cashnami tucurca: Davidpaj churi Absalonca, Tamar shuti sumaj ñahui shuj panitami charirca. Paitaca Davidpaj churi Amnonmi yallitaj munarca.

2 SAMUEL 13:1 Iomraidhean Croise

GÉNESIS 29:18

Jacobca, Raquelta c'uyashcamantami Labantaca: –Ñucaca cambaj q'uipa ushushi Raquelmantami canchis huatacama cambajta rurasha nini– nirca.

GÉNESIS 29:20

Chashnami Jacobca, Raquelmantaca canchis huatata Labanpajta rurashpa causarca. Raquelta yallitaj c'uyashcamantaca Jacobpajca canchis huatacunaca asha punllacuna shinallami ricurirca.

GÉNESIS 34:3

Siquemca Leapaj ushushi Dinapi shunguta churashpa yallitaj munashcamantami, Dinapish paita c'uyachun nishpa sumajta rimarca.

GÉNESIS 6:2

Taita Diospaj churicunaca chaicunapaj ushushicunaca sumaj cajta ricushpami tucuimanta yalli sumaj cajcunata agllashpa paicunapaj huarmi cachun japirca.

2 SAMUEL 11:2

Shuj punlla ña chishiyacujpimi Davidca, paipaj camamanta jatarishpa, pai mandashpa tiyana huasi jahuata pambajllata rurashcapi puricushpa, shuj huarmi armacujta ricurca. Chai huarmica sumajmi carca.

2 SAMUEL 13:15

Amnonca, chai q'uipaca yallitajmi p'iñanachirca. Ñaupaman munacushcata maihuan yallita p'iñanachishpami manataj ricunachirca. Chaimi Amnonca: –Jatari caimanta ri– nirca.

2 SAMUEL 13:2

Tamartaca c'arihuan manaraj chayarinacushca cajpi imata mana rurai tucushpami, Amnoca paipaj panita yallitaj munashcamantaca chai yuyailla tucushpa ungurca.

2 SAMUEL 14:27

Absalonca quimsa churita, Tamar shuti shuj ushushitami charirca. Tamarca sumaj ñahui huarmimi carca.

1 REYES 11:1

Jatun mandaj Salomonca, faraonpaj ushushihuan cazarashca jahuami Moabmanta, Amonmanta, Edommanta, Sidonmanta, heteo mana Israel caj huarmicunatapish c'uyarca.

1 CRÓNICAS 3:2

Ishquipaj q'uipa churica Absalonmi carca. Paitaca, Gesur llajtata jatun mandaj Talmaipaj ushushi Maacapimi charirca. Quimsapaj q'uipa churica Adoniasmi carca. Paitaca, Haguit huarmipimi charirca.

1 CRÓNICAS 3:9

Tucui chaicunami Davidpaj churicuna carca. Davidpaj caishuj huarmicunapi charishca churicunata mana yupashcami chaica carca. Tamarca paicunapaj panimi carca.

PROVERBIOS 31:30

Ñahuilla sumaj cashpaca, inquitanllami. Ricuilla c'uyananqui cashpaca, yangallami. Ashtahuanpish Mandaj Diosta manchaj huarmimari, tucuicuna alli nishca canga.

PROVERBIOS 6:25

Chaicunataca sumaj cajta ricushpapish, pajta shungullapipish munanguiman. Paicunapaj ñahuicunapi pajta inquitaringuiman.