2 Juan 1:4 - Dios Rimashca Shimicunami

⁴ Cambaj huahuacunamanta maijancunaca mana llullata Diosmanta ñucanchij chasquishca mandashcapi nishca shina puricujta japishpaca, achcatami ñucaca cushicurcani.

Mushuj Testamento Diospaj Shimi

⁴ Cancunamanta maijancunaca, cashcatataj huillashcataca, Yaya Dios ñucanchijta mandashca shinatajmi alli caticushcacuna. Paicunahuan tupashpami achcata cushicurcani.

2 Juan 1:4 Iomraidhean Croise

OSEAS 14:9

Caita entendingapajca ¿pitaj yachaisapari? Caicunata yachangapajca ¿pitaj alli yuyaiyugri? Mandaj Diospaj ñancunaca mana huishtuchu. Chai ñancunataca cashcata rurajcunallami puringa. Ashtahuanpish paita c'ariyajcunaca chai ñanllapitajmi ñitcarishpa urmangacuna.

MALAQUÍAS 2:6

Levitacunaca mana llullashpallami, ñuca mandashcataca yachachircacuna. Paicunaca, ima millai shimicunatapish mana rimarcacunachu. Ñucahuan cashpaca sumajta causashpa, cashcata rurashpami purircacuna. Millai ruranamantapish achcacunatami anchuchircacuna.

1 Corintios 13:6

Cashcata mana rurajpica mana cushicunchu, chaipaj randica imapish mana llulla cajpimi cushicun.

Gálatas 2:14

Ashtahuanpish mana llulla alli huillai nishca shinataj mana catijta ricushpami, tucuicunapaj ñaupajpi Pedrotaca: “Canca judío cashca jahuachu, mana judiocuna shina causangui. ¿Ima nishpataj mana judiocunataca, judío tucuchun ningui?” nircanimi.

Efesios 5:2

Cristo ñucanchijta c'uyashca shina, c'uyanacushpa purichij. Ñucanchijmantami paillataj curirca. Chaica Diospajca, paiman cushpa rupachishca mishquiman ashnacuj shinami carca.

Efesios 5:8

Ñaupaca amsami carcanguichij. Ashtahuanpish Mandaj Jesuspica, cunanca achijmi canguichij. Chaimanta luzpaj huahuacuna shina purichij.

Filipenses 4:10

Cancuna ñucata cutin yuyarishcamantaca, Mandaj Jesuspimi jatunta cushicurcani. Cancunaca chai yuyaillatajmi carcanguichij, ashtahuanpish ima shina mana cui tucurcanguichijllami.

1 Juan 2:6

Maijanpish Dioshuan shujllami cani nijca, Jesucristo causashca shina causachun.