2 Juan 1:3 - Dios Rimashca Shimicunami

³ Yaya Diospaj, paipaj Churi Mandaj Jesucristopaj mana c'uyaipajta c'uyaj canapish, llaquij canapish, sumaj causaipish cancunahuan cashca cachun. Yaya Diospaj Churipish, mana llullapish, c'uyaipish cancunahuan cachun.

Mushuj Testamento Diospaj Shimi

³ Yaya Diospish, Yaya Diospaj Churi Apunchij Jesucristopish cancunataca jatunta cʼuyashpa, llaquishpa, sumaj causaita cushca cachun. Cʼuyanatapish cashcatataj huillashcapi nishca shina cushca cachun.

2 Juan 1:3 Iomraidhean Croise

ZACARÍAS 8:19

“Tucuita Mandaj Dios ñucaca, cashnami nini: Judá llajtapi causajcunapajca chuscu quillapi, pichca quillapi, canchis quillapi, chunga quillapi ayunanaca jatun micuita rurashpa cushicuna punllacunami tucunga. Shinallataj jatun fiestata rurashpa micuna punllapishmi tucunga. Shina cajpica cancunaca cashcata ruranatapish, sumajta causanatapish c'uyashpa causaichijlla ninimi” nircami.

Romanos 1:7

Romapi tucui cajcuna, Dios c'uyashpa jucha illaj cachun cayashcacuna: Ñucanchij Dios Yayapaj, Mandaj Jesucristopaj mana c'uyaipajta c'uyaj canapish, sumaj causaipish cancunahuan cashca cachun ninimi.

Gálatas 5:6

Cristo Jesushuan shujlla tucushca cajpica, circuncisionta rurachishca cashpapish, mana rurachishca cashpapish ima mana canchu. Ashtahuanpish crishcamanta c'uyaihuan ruranami alli.

1 Timoteo 1:14

Ñucanchij Jatun Diosca paipaj mana c'uyaipajta c'uyaj canata, crinata, c'uyaitapishmi, Cristo Jesushuan shujlla tucujpi ñucapica yallijta tallirca.

1 Timoteo 1:2

Jesucristota crishcamantaca ñuca huahuataj caj Timoteomanmi quillcani: Ñucanchij Dios Yayapaj, ñucanchijta Mandaj Cristo Jesuspaj mana c'uyaipajta c'uyaj canapish, llaquij canapish, sumaj causaipish canhuan cashca cachun ninimi.

2 Timoteo 1:13

Crinatapish, c'uyaitapish Cristo Jesusmanta cashca alli yachachinacunata ñuca yachachishcataca, ama saquishpa catirangui.

1 Juan 4:10

Mana ñucanchijchu Diostaca c'uyashcanchij, ashtahuanpish paimari ñucanchijta c'uyashpa ñucanchij juchacunamanta huañushpa juchacunata anchuchichun paipaj Churitaca cacharca. Chashnami pai c'uyashcataca ricuchishca.

2 Juan 1:1

Cunaj yuyaj ñucami Dios agllashca huarmiman, paipaj huahuacunamanpish quillcani. Ñucaca cancunataca tucui shunguhuantajmi c'uyani. Mana ñucallachu c'uyani, ashtahuanpish mana llullata tucui rijsijcunapishmi c'uyancuna.